30.12.2015 14:36

Gleðilegt ár!


Óskum lesendum og viðskiptavinum gleðilegs nýs árs!   

 Þó að fréttaflutningur hafi verið í lágmarki síðustu misseri er ekki þar með sagt að það sé lítið að gera hjá okkur, kannski er vandamálið frekar á hinn veginn..... það er kannski of mikið um að vera :)  Margir hestar hafa skipt um eigendur og verið er að vinna í að uppfæra sölusíðuna og hægt að finna þar áhugaverða gripi fyrir þá sem eru í hestaleit í ýmsum verðflokkum.  Við viljum minna á Fésbókarsíðuna okkar https://www.facebook.com/Alfholar/  en þar detta stundum einhverjar örfréttir inn af starfseminni.

Þar sem undirrituð hefur lofað svo oft uppí ermina á sér um að vera meira dugleg í skrifum þá skal það, skal það ógert látið.  Það er kannski ekki alveg hugmyndaleysi um að kenna, heldur meira að hver hugmyndin að góðri færslu flækist fyrir annari, og á endanum verður ekki neitt úr neinu!  Kannski tekst betur til að skipuleggja hausinn á sér á komandi ári, hver veit :) 


09.04.2015 12:45

"Game over?"



Síðasta mánuðinn hefur mér svoldið liðið eins og ég sé með stein í hjartanu....."Dívan" í hesthúsinu datt úr leik annað árið í röð, snúningurinn á kjúkunni í fyrravetur tók sig aftur upp og ég hef ekki þorað að koma nálægt honum síðan í lok febrúar.  Já það ætlar að verða erfitt fyrir okkur Eldhuga að slá í gegn!   Rétt að bæta því inní fyrir þá sem ekki vita þá slasaðist hann á kjúku um miðjan apríl í fyrra.


Þessar myndir voru teknar um jólaleyti.... jú jú maður reyndi að nota allar sólarglætur þennan annars hörmungarveturinn til að taka myndir eða video, kannski hvort sem hrossin voru tilbúin eða ekki, en ég er bara búin að fara 15-20 sinnum á bak þennan veturinn þegar þessar myndir voru teknar ( og reyndar flúði myndatökumaðurinn af vettfangi í tveim síðustu ferðunum án þess að ég vissi af, þegar mér fannst hesturinn loksins orðinn sæmilegur...það var 12 stiga frost þennan daginn) 

Mér fannst engin af þessum myndum neitt framúrskarandi né segja til fulls hvers konar ævintýramóment hann gat gefið manni, og var alltaf að bíða eftir fallegum degi og helst snjólausum því mér fannst ekki gaman að honum í svona færi.   Ég læt þær samt flakka hérna núna, það er líklega útséð um frekari vitnisburð á framgöngu þessa hests, þennan veturinn held ég.



Ég er búin að sýna nokkur hross í 9 fyrir brokk, brokkið í þessu tryppi er eitthvað "way ower that" aldrei setið svona, nema kannski.... pabbi hennar Hrefnu Maríu átti margverðlaunaðan kappreiðarbrokkara undan hinum eina sanna Lýsing frá Voðmúlastöðum, vígahágengan og taktöruggann sem fór ekki upp af brokkinu....ég var reyndar bara 9-10 ára gömul en gersamlega heilluð af þessum ævintýrahesti sem manni fannst þá og eiginlega ekki fyrr en í Eldhuga sem ég þykist finna sambærilegan kraft í spori. Já það tók heil 30 ár að finna annan eins brokkara eins og Ómars-Stjarna ;)  

Var spurð að því í vetur af danskri konu sem reið með mér við hlið á harða stökki fyrr í vetur, hvort ég héldi ekki að hann gæti fengið 10 fyrir brokk, og ég sagði nottla kokhraust að það gæti bara alveg verið, hann ætti nú föðurbróður með 10 fyrir brokk!

En Elhugi er ekki vandamálalaus frekar en aðrir hestar og það var eitt sem mér stóð oft ekki á sama um, að ég lenti ósjaldan í því að hann gaf sjálfum sér á kjaftinn með hnjánum.... lúxuxvandamál myndu sumir segja, en ég hugsaði stundum um það hvað það væri nú svakalegt ef hann myndi nú rotast við það.... já hvert myndi ég fljúga? ;)







Tryppi sagði ég þarna fyrir ofan, já þessi hestur er bara fjögurra vetra tryppi á fimmta vetur, undan Kappa frá Kommu og Gásku frá Álfhólum, svona til upprifjunnar.



Eldhugi býr yfir alvöru mýkt á tölti og það er mikil skrokkhreyfing sem gerir hann svo svakalega skemmtilegan ásetu..... eitthvað sem ég vil meina að hann hafi frá móður sinni Gásku.  Rétt að taka það fram að það eru ekki neinar þyngingar á Eldhuga á þessum myndum, enda eru þær algjörlega óþarfar á svona hest.  Ekki það að hann sé klárgengur, því það kom alveg tímabil í vetur sem ég var að hugsa hvort hann yrði vakur líka, eða hvort hann kæmist bara svona svakalega hratt á klárhestabindingi.... alla vega ekki skýr lína þarna á milli, hann skeiðaði mjög mikið fyrstu vikurnar sem folald. 

Það var aðeins kaldhæðnislegt að ég var varla búin að sleppa orðinu við tamningarkonurnar mínar, hvað ég væri nú alveg svakalega ánægð með að hafa lamið sjálfa mig með tvær af bestu hryssunum okkar undir hann í sumar ( það er svo auðvelt að gleyma þegar maður missir sjónar af hestum), þegar ég fer að vera vör við heltina aftur.  

Ég skal nefnilega alveg viðurkenna það að þegar hann var ekki komin með almenninlega vöðvafyllingu til að fylgja hreyfingunum eftir þarna 2 fyrstu mánuðina í þjálfuninni, þá var ég alveg að naga mig í handarbökin annað slagið yfir því að hafa haldið bæði mömmu Dívu og mömmu Þrumufleygs undir þennan titt!  En svo þegar leið á janúar og sérstaklega í febrúar var ég farin að þekkja hann aftur og gott betur, og er full tilhlökkunar að fá undan honum vonandi 4 folöld í sumar.




Það kitlar smá að horfa fram eftir makkanum á þessari einu dóttur Eldhuga.  Dimmuborg móðir hennar er búinn að kyssa margan froskinn en það var ekki fyrr en ég hélt henni undir Eldhuga að mér fannst hún eigast afkvæmi sem væri henni sæmandi ;)



Og fallegt í henni töltið þó reisingin sé ekki eins og á brokkinu, en hún er aðeins yngri þarna líka.  Þó ég hefði ákveðið að halda Dimmu gömlu undir Eldhuga um veturinn, þá hélt ég að mér höndum til að sjá hvað dóttir hennar myndi gefa.  Og fyrst hún virtist vera koma með sitt besta folald, þá var gefið grænt ljós!

Ég var voða glöð að finna nokkrar folaldamyndir hér í albúmi, ég lenti nefnilega í þeim óskupum að tölvan hrundi í haust og flest allt sem í henni var!  Og ekki er ég sú skipulagðasta að taka afrit þannig að manni fannst stór partur af sínu lífi hverfa með, já þetta var alveg töluvert áfall :(   Og kannski er það ástæðan fyrir því að það er fyrst núna sem ég hysja upp um mig og reyna að vekja eitthvað líf á þessari heimasíðu því það vantar ekki að það er nóg að snúast í sveitinni, og vonandi meir um það síðar :)

07.07.2014 21:38

Gott silfur gulli betra


Þessir létu ekki úrhelli stöðva sig í spennandi og gríðarsterkum úrsltum B-flokks á sunnudaginn.  Það var verulega gaman að fylgjast með þeim Þrumufleyg og Þorvaldi Árna vaxa með hverri þraut og eiga sína bestu sýningu mótsins á lokasprettinum sem skilaði þeim nokkuð örugglega í annað sætið með hvorki meira né minna en 9.11 í einkunn!  Vá svona einkunn hefði einhvern tímann dugað til sigurs!




Vígalegir á brokkinu!



Þrumufleygur sýndi strax klærnar í forkeppninni, en sýningin var ekki alveg hnökralaus og hann endaði í sjötta sæti þar.



Í milliriðlunum átti hann hins vegar þrælfína sýningu og sigldi örugglega í í A-úrslit með 8.75 í einkunn.



Það er búið að vera virkilega gaman að fylgjast með þessum félögum saman á brautinni og kunnum við Þorvaldi Árna bestu þakkir fyrir frábæran árangur með hestinn og aldrei að vita nema að þeir komi fram aftur síðar.

Það er líka gaman að minnast á það að þessi fótaburður í Þrumufleyg er að sjálfsögðu frá náttúrnnar hendi og þótt hann sé keppandi í "Sílikonrallý" þá er ekkert slíkt undir hans hófum, aðeins 8mm skeifur, léttir kransar til að dempa höggið og 150 gramma hlífar.

En nú taka við sæludagar hjá Þrumufleyg, því honum verður sleppt í hólf hérna í Álfhólum á miðvikudagskvöld og því eru þeir sem eiga pantað undir hann vinsamlega beðnir um að koma hryssum hingað í dag eða morgun ef mögulegt er.  Annars hefur ekki verið neitt mál að bæta inná hann hryssum, sérstaklega ef það eru folaldsmerar og það eru ennþá fáein pláss laus undir hann.


16.06.2014 10:56

Stóðhestar 2014

Við verðum með nokkra góða hesta í girðingu í sumar sem hægt verður að leiða hryssur undir. 

Þrumufleygur verður í girðingu hjá okkur strax eftir Landsmót. Verð á folatolli með öllu er 125.000 kr. 

Hér er video af honum tekið á vordögum:


Hér er annað video af klárnum af æfingu fyrir Stóðhestaveisluna núna í vetur: 






Annar spennandi hestur sem verður í girðingu hjá okkur er áðurnefndur Eldhugi frá Álfhólum, undan Kappa frá Kommu sem hefur verið að skila eftirtektarverðum afkvæmum að undanförnu og Gásku frá Álfhólum sem hefur skilað öllum afkvæmum sínum á tamningaraldri í góðan dóm (nema Eldhuga). Afar efnilegur foli sem virðist lofa góðu sem kynbótahestur ef eitthvað er að marka fyrsta afkvæmi hans.  Verð á folatolli með öllu er 70.000 kr.   ATH Áætlað er að Eldhuga verði sleppt í hólf 18 Júní og það væri gott þeir sem eiga pantað komi með hryssurnar sem fyrst.  Gerum samt ráð fyrir því að hægt sé að setja inn til hans.



Eldborg Eldhugadóttir undan Dimmuborg frá Álfhólum.  


Íkon frá Hákoti verður einnig í girðingu hjá okkur og hægt að leiða undir hann. Verð á folatolli með öllu er 50.000 kr. 



Dimmir frá Álfhólum er í heimahögunum og verð á folatolli með öllu er 65.000 kr. Hægt að koma með meri hvenær sem er.



Djarfur frá Álfhólum er mjög sjarmerandi 3ja vetra foli sem mikil spenna er fyrir, undan Dimmu frá Miðfelli og Herjólfi frá Ragnheiðarstöðum,  en það gerir hann að hálfbróður Dívu frá Álfhólum og Dimmis.  Hann er búinn að vera í húsnotkun í Hafnarfirði en það verður áfram hægt að komast í húsmál til hans í Sandhólaferju næstu vikuna og hann kemur heim rétt fyrir Landsmót. 



14.06.2014 00:25

Landsmótsfarar

Það hefur kannski ekki verið lagt áherslu á magn hrossa í þjálfun þennan veturinn þar sem við báðar frænkurnar höfum jú verið aðeins uppteknar á öðrum sviðum, Hrefna í skólanum og Sara í barnauppeldi :) En það hefur ræst vel úr vorinu og greinilegt að við höfum nú verið að gera ágæta hluti í vetur með okkar hross. 

Hæst ber að nefna ævintýrahestinn, líkt og Bjarni á Þóroddstöðum kallaði Þrumufleyg okkar frá Álfhólum. Hann fór í úrtöku í B-flokki gæðinga hjá hestamannafélaginu Fáki núna í vor. Stóð efstur þar eftir forkeppni meðal jafningja í fyrna sterkum flokki klárhesta. Hann mun mæta galvaskur í B-flokkinn á LM og vonandi veita keppinautum verðuga keppni. Þorvaldur Árni Þorvaldsson reið Þrumufleyg forkeppni og kunnum við honum bestu þakkir fyrir mjög góða samvinnu og frábæra sýningu á hestinum okkar.   


Mynd: Tekin á Stóðhestasýningunni í Ölfusshöll. Ljósmyndari: Gunnhildur Birna. 

Hrefna María og Kolka hennar frá Hákoti tóku einnig þátt í Gæðingakeppni Fáks og stóðu sig með prýði. Voru 5 eftir forkeppni og tryggðu sér Landsmótssæti með því. Þær létu ekki þar við sitja því eftir nokkra umhugsun var stefnan sett á kynbótadóm aftur. Já margir halda Hrefnuna hálf klikkaða að sýna svona hátt dæmda hryssu aftur ... og aftur.... og jú alltaf hækkar djásnið hennar og töluvert í þetta skiptið!! 


Þær stöllur áttu frábæra sýningu núna á Hellu í þessari vikur og fóru hvorki í meira en minna í 8,90 fyrir hæfileika og 8,51 fyrir byggingu. Aðaleinkunn upp á 8,74!!! Hrefna tók þá ákvörðun að mæta ekki í yfirlit þar sem hún sýndi seint á fimmtudegi og yfirlit strax á föstudagsmorgni. Þær vinkonur munu mæta á Landsmót ferskar og vonandi að þið munuð finna gustinn af þeim alla leiðina upp í brekku ;)  Stórkostleg meri hún Kolka sem virðist takmarkalaus. 

Sköpulag
Höfuð8
Háls/herðar/bógar9
Bak og lend9.5
Samræmi9
Fótagerð7.5
Réttleiki8.5
Hófar8
Prúðleiki8
Sköpulag8.51
Kostir
Tölt8.5
Brokk9
Skeið9.5
Stökk8.5
Vilji og geðslag9.5
Fegurð í reið9
Fet7.5
Hæfileikar8.9
Hægt tölt8.5
Hægt stökk7.5
Aðaleinkunn8.74


Geisja frá Álfhólum er 6 vetra klárhryssa undan Stála frá Kjarri og Gásku frá Álfhólum. Þær Sara áttu góða forsýningu í kynbótadóm núna á Hellu í þessari viku og bættu um enn betur í yfirliti og nældu sér í Landsmótsfarmiða í 6 vetra hryssum.   Sara var alveg viss um að þessi færi inná mót, því nóttina fyrir yfirlitið dreymdi hana hana Dívu sína og það gat ekki boðað annað en eitthvað gott, því bæði Díva og Geisja eru í sameign með þeim félögum Róberti Veigar Ketel og Sigurði T Sigurðssyni frá Hafnarfirði.





Hún hækkaði frá því í fyrra bæði í sköpulagi og hæfileikum. Flottur dómur en við teljum Geisju eiga eitthvað inni enn. Gaman verður að fylgjast með þeim tveimur á LM.  Kannski gaman að nefna það að Geisja er bara með léttustu tegund af hlífum þrátt fyrir að vera mjög opin klárhryssa (sumir vilja meina að hún sé vökur en þjálfarinn hefur ekki látið á það reyna ennþá) en afkvæmi Gásku hafa öll verið eðlishágeng og ekki þurft neina auka hjálp til að lyfta löppunum ;)

Sköpulag
Höfuð7.5
Háls/herðar/bógar8.5
Bak og lend8.5
Samræmi9
Fótagerð8
Réttleiki8.5
Hófar7.5
Prúðleiki6
Sköpulag8.2
Kostir
Tölt9
Brokk8.5
Skeið5
Stökk8
Vilji og geðslag9
Fegurð í reið9
Fet7.5
Hæfileikar8.1
Hægt tölt9
Hægt stökk8
Aðaleinkunn8.14


Og yfir í yngriflokkana. Álfhólahrossin verða nokkuð sterk í yngriflokkunum þetta Landsmót ef allt gengur eftir. 

Fyrst ber að nefna hana frænku okkar Selmu Maríu Jónsdóttur sem fékk hana Indíu frá Álfhólum lánaða hjá henni Hrefnu Maríu og reið henni af mikilli snild í efsta sæti í barnaflokki hjá Hestamannafélaginu Fáki í forkeppni og einkunn upp á 8,40 og úrslita einkunn 8,62. Glæsilegt það. 



Indía er 1stu verðlauna hryssa og farsælt keppnishross hjá þeim mæðgum, Hrefnu Maríu og Rósu. Vonandi eiga þær Selma eftir að láta finna vel fyrir sér í Barnaflokknum þetta Landsmótið. 


Gaman er að segja frá því að í sömu úrslitum var systir hennar Indíu, undan sömu meri henni Svertu okkar frá Álfhólum, hún Trú frá Álfhólum og náði hún og knapi hennar Sölvi Petersen einnig sér í Landsmótssæti. Aldeilis flottir og duglegir krakkar á fallegum merum :) 

Sara aðstoðaði 3 unga knapa fyrir úrtöku Geysis og þar eigum við eina flotta frænku hana Heiðu Sigríði Hafsteinsdóttur sem fékk hana Meyju frá Álfhólum lánaða hjá Söru.  Meyja er 6 vetra gripamikil klárhryssa undan Dimmir frá Álfhólum og út af gamla vindótta kyninu í Álfhólum. Fall virtist vera mikill fararheill hjá þeim Meyju og Heiðu en eftir smá hikst í fyrri umferð,  tóku þær stórgóða seinni umferð og náðu sér í örugga miða á LM. 2 sætið og einkunn upp á 8,32. Glæsilegt það, sérstaklega þar sem þær eru báðar algerir nýgræðingar á keppnisvellinum.  



Innilega til hamingju Heiða okkar og hlökkum til að horfa á ykkur og hvetja á LM. 

Og okkur finnst nú við eiga aðeins í þessu pari. 



Þetta eru þær Sólrún Einarsdóttir og Íkonsdóttir hennar Élhríma frá Hábæ. Þær tóku þátt í ungmennaflokki Geysismótinu og nældu sér í LM miða eftir örugga og kraftmikla sýningu. Sólrún er hjá okkur í Álfhólum núna í sumar. Flottar og hæfileikaríkar báðar tvær. 


Ef okkur skjátlast ekki eru 2-3 önnur hross frá Álfhólum á leið á Landsmót í yngri flokkum, þau Þórunn Þöll og Mózart frá Álfhólum í ungmennaflokk fyrir Fák, Skyggnir frá Álfhólum og Hulda María Sveinbjörsdóttir í barnaflokk fyrir Sprett.   Svo eru Mökkur frá Álfhólum og Ingibjörg Rut Einarsdóttir séu með farmiða í unglingalokk fyrir Sóta en ekki víst að þau mæti.

Ekki með farmiða...



Planið með það færu 3 vindóttar inná mót hjá stelpunum hennar Söru stóðst ekki alveg, það vantaði herslumuninn hjá Marie sem er búin að vinna á Álfhólum í vetur og Mánaglóð, eða kannski aðeins meiri þjálfun saman en hún hafði bara prófað hana 2svar eða 3svar fyrir mót en hún skrapp heim til Þýskalands í frí í tæpar 2 vikur og kom ekki aftur fyrr en tveimur dögum fyrir úrtöku.  Marie er fyrsti varaknapi í ungmennaflokk hjá Geysi svo það er ekki öll nótt úti enn ;)



Eðalgripurinn Sólarorka stóð sig vel í vor, vann fjórganginn í opnum flokki á WR móti í Spretti á sínu fyrsta móti utanhúss.  Hún var einni kommu frá því að komast inná Landsmót fyrir Sprett með 8.44 í einkunn og þremur kommum frá því að komast inná mót sem kynbótahross en hún var sýnd af Söru í vikunni sem leið með 8.12 í aðalenkunn.  

Sköpulag
Höfuð7
Háls/herðar/bógar8
Bak og lend8.5
Samræmi8
Fótagerð8.5
Réttleiki8.5
Hófar8.5
Prúðleiki6.5
Sköpulag8.09
Kostir
Tölt9
Brokk9
Skeið5
Stökk8
Vilji og geðslag9
Fegurð í reið8.5
Fet8.5
Hæfileikar8.14
Hægt tölt8.5
Hægt stökk8.5
Aðaleinkunn8.12





Og stærsta vonarstjarnan hennar Söru hann Eldhugi (hálfbróðir Geisju) fer heldur ekki á neitt Landsmót heldur þetta árið.  Hann heltist úr lestinni í bókstaflegri merkingu í lok apríl, sneri sig á kjúku sem vonandi kemur ekki til með að há honum í framtíðinni. Hrikalega svekkjandi, en hann virðist allavega orðinn óhaltur núna og getur tekið á móti hryssum í Álfhólum í sumar.  Nokkrar brokkmyndir sem voru teknar í byrjun apríl.

09.02.2014 22:35

"The horse on fire"



Þessi færsla átti upphaflega að heita "ég held ég gangi heim"  því þannig var það sem mér hefur liðið eftir síðustu reiðtúra á þessum fola því eins og gömlu mennirnir sögðu, það á að stíga af baki þegar folinn er bestur. Það er reyndar hlutur sem ég hef alltaf í huga við þjálfun, að hætta leik þegar hæst stendur en það er önnur saga sem verður ekki sögð hér.....  
Það má eiginlega segja að það sé komin ný "drottning" í húsið, nema í þetta skiptið er það graðhestur og þetta er 3ja vetra foli undan Kappa frá Kommu og Gásku frá Álfhólum.  

Eldhugi kom til tamingar í fyrstu eða annari vikunni í nóvember og varð strax í uppáhaldi hjá Verenu tamningakonu. Hann slasaðist á fæti í lok sumars og því þurfti að bíða frameftir með tamningu á honum.




Ég tek svo við honum þegar nokkuð var liðið á janúar til að gangsetja hann.  Ég vissi nú að hann væri alveg opinn enda fluggekk hann oft í taumi, en fann fljótlega fótaburðurinn var eitthvað að flækjast fyrir honum á gamalli járningunni og reif því undan honum eftir viku og hafði hann járnalausan í 10-12 daga á meðan hann var að læra taktinn almenninlega.  Um síðustu helgi komu nokkrar píur úr bænum til að fara á Þorrablót og við það tilefni var lagt á gripinn sem er að fara þarna í þriðja reiðtúrinn eftir að hafa verið járnaður að nýju.  Þetta trippi virðist ætla að verða alveg með einstakt jafnvægi á tölti svona miðað við stutta tamningu, og það ætti að sjást vel á efstu myndinni, léttleiki, burður, taktur og að ég held mikið rými. Og ekki spillir grunnurinn fyrir honum, hátt stökkið og skrefamikið brokkið.
Sara Rut (nú Hólanemi) sem fékk að prófa hann hafði það á orði að þetta væri eins og að sitja á ljóni, kraftmiklu og mjúku.



Ég var minna kát þegar Eldhugi fæddist, hann átti að verða svartskjóttur hestur (því jú mig langar alltaf í stóðhest með þennan einstaka léttleika móður sinnar) og varð því frekar súr þegar ég sá rauðan stóran sláp hlaupandi klaufalegan í mýrinni á stórstígu lulli á eftir mömmu sinni!  En hann varð seinna skemmtilegur á að horfa og mér er minnistætt eitt skipti fyrsta veturinn eftir að hann fæddist, að ég labbaði um stóðið og hugsaði með mér.....skyldi ég vera með eitthvað í stóðinu sem kemst með tærnar þar sem Díva hefur hælana, eitthvað sem getur tekið við, og þá flýgur sá rauði framhjá, svona lofthár, myndarlegur og léttstígur, og ég hugsa, já það er kannski von og fyrirgaf honum að vera svona rosalega rauður á litinn!

En ég á ekki mikið af rauðum ræktunarhryssum svo þetta sleppur kannski alveg, já eins og heyra má er ég alveg farin að undirbúa mig fyrir að nota þennan grip ef heldur áfram með hann sem horfir og á þegar von á einu undan honum og Dimmuborg Braga og Dimmudóttur næsta sumar.

En það er eitt að vera efnilegur og annað að verða góður og það er bara eitthvað sem framtíðin getur sagt til um, og eins og er þá getur maður bara leyft að hlakka til gleðilegra vinnustundanna með þessum fola og sér síðan til hvert það leiðir.

Og heiðurinn af nafninu á hún Gróa vinkona hennar Hrefnu Maríu eftir að ég var búin að vera að brjóta heilann endalaust og ekkert nafn nógu gott á þann eldrauða,... en ELDHUGI skal hann heita ;)

31.01.2014 10:28

Ágætis byrjun



Það er alveg hægt að segja að Landeyjarnar eigi sér tvær hliðar, önnur birtist manni þegar maður horfir niður eftir frá þjóðvegi 1 og mörgum finnst það heldur óspennandi sýn að horfa til suðurs eftir þeim, allt flatt og fátt um kennileiti.  Hins vegar snýst teningurinn við þegar komið er niður eftir og fjallasýnin blasir við í góðu veðri eins og var hér á dögunum en það hefur nú viðrað að mestu vel á nýja árinu.




Ekki var síður fallegt veður þegar sjónvarpið bar að garði fyrir tveimur árum og var að taka upp þátt fyrir Meistaradeildina.  Engin ástæða að láta þetta video safna ryki í tölvunni eins og svo margt annað gerir hjá mér þessa dagana.  Hryssan sem skokkar svo þjál í kringum mig heitir Meyja og er af góða vindótta kyninu okkar og undan Dimmi frá Álfólum.

Ágætis byrjun er fyrirsögnin og á að virka hvetjandi fyrir bloggandann sem hefur farið lítð fyrir á þessum bænum enda í mörg horn að líta að venju.  En það er margt spennandi í gangi, mikið af hrossum í brúkun, góð söluhross, efnileg keppnis og kynbótahross héðan og þaðan.

Og svo af því að betra er seint en aldrei, þá óska ég öllum velfarnaðar það sem eftir lifir árs ;)

10.10.2013 22:19

Sprengigígurinn sem hvellsprakk...eða?



Það er alltaf skemmtilegt þegar að hestar rísa uppúr öskustó, eins og þessi blesótti hefur sannarlega risið í áliti hjá mér.  Hann fekk það mikla nafn Sprengigígur þegar hann var folald og átti heldur betur að sprengja skalann sem kynbótahestur enda vígalegur með eindæmum, en það er óhætt að segja það að hann hafi hvellsprungið í byrjun tamningar á fjórða vetur og eistun fóru í hundana! 

Blesi var saltaður í meir en ár og var svo tekinn til handargagns 5 vetra, aðallega notaður í hrossasmalamennsku af henni Verenu svona ef það ske skildi að það væri hægt að kveikja eitthvað á honum.  Jú eitthvað hækkaði hann í áliti hjá mér þegar ég tók hann út hjá henni um haustið, en ég fór ekkert sjálf í hnakk á þessum tíma af skiljanlegum ástæðum og prófa hann ekkert fyrr en í byrjun ágúst sl. Hann var þá búinn að vera þjálfaður síðustu 8 mánuðina eða svo af henni Söru Rut en hún lék sér aðeins með hann í 5 gang í sumar.  Tilefnið var að það átti að sölusýna hann og ég varð eiginlega svoldið hissa þegar ég kom á bak, því síðasta minningin var nú ekki beisin úr hnakknum ;) 

Alla vega, ég varð voðalega fegin að hann skildi ekki henta í þetta verkefni sem var verið að hugsa um hann í, því ég fann strax að þarna var hægt að gera alveg fullt í viðbót fyrst að viljinn var loksins kominn og fór aðeins að kíkja betur á hann í haust.  Hann var alltaf magnaðri og magnaðri með hverri vikunni, samt fór ég ekki oftar en 1 sinni til 2svar á bak honum í viku (merkilegt hvað þeir þjálfast stundum vel í haganum líka ;) og honum hefur alveg tekist að fá hárin á mér til að rísa í reiðtúrum, og það tekst fáum!   


Og svo er ekki verra að hann er alveg aulaheldur á skeiði (er virkilega engin betri þýðing á idjot proofed!) Hann hefur líka svaka góða beisliseiginleika, en þar sker oft á milli hvort manni hversu vel manni líkar við hrossin.

Hvað getur maður svo lært af þessu?  Taka mark á folöldum og gefast ekki upp þó útlitið sé kolsvart um tíma?  Umm jamm allavega í þessu tilfelli :)

Já og af því að athyglisbrestur getur háð mér verulega þessa dagana þá gleymdist að setja allar upplýsingar á vieoið, en Sprengigígur er sem sagt 6 vetra gamall undan Glym frá Skeljabrekku og Gýgur frá Ásunnarstöðum.  Sú var undan Blakk 999 frá Hafnarnesi þannig að það er dass af hornfirsku blóði þarna.  Það gat líka ekki annað verið að hann yrði viljugur hann Sprengigígur því þetta var alveg ofsaviljug hryssa.  Gýgur er fallin en undan henni er ein hryssa í ræktun, Herská Parkersdóttir, ekki hátt dæmd frekar en móðir sín, en hágeng og ég hafði oft mjög gaman af henni.




01.10.2013 20:37

Leggð´ann

Við stelpurnar skelltum okkur á frumtamninga sýnikennslu hjá Iben Andersen á sunnudaginn til að fá smá uppfærslu á tamningaraðferðinar okkar.  Mjög lærdómsríkt og skemmtilegt bara þó margt hafi maður séð áður og reynt en annað ekki, eins og t.d það að leggja tryppin í byrjun tamningar, sem hún segir að stytti ferlið og skilst að það henti einkar vel á erfiða hesta (verð að játa það að ég missti nú aðeins úr því ég var með afleggjarann með mér og þrátt fyrir mikla þolinmæði, þá var hún kannski ekki alveg 100% allan tímann)........  En alla vega, það er svo gaman við að fá svona innblástur, að þá brunar maður af stað og vill prófa.....og við erum svo heppnar hérna að það er ekki alveg búið að temja öll tryppin.

Byrjuðum á 3 vetra gröðum Kjerúlfsyni undan Móeiði, hann kom inn á sunnudaginn, var svoldið bandvanur en ekki full leiðitamur þó..... Það var farið hratt og örugglega yfir hann og Verena reið honum hringinn í gerðinu án mikillar aðstoðar frá mér...en þetta er geðgóður og sjálftaminn hestur og ekkert að marka það þó það hafi gengið svona fljótt ;)

Næst tókum við 3 vetra nýlega geltan fola undan Fróða og Mónu, hann var ennþá hrárri og var aðeins lengur að átta sig á öllu, en eftir svipaðan tíma (ca hálftíma-40 mín) var búið að ríða honum í gerðinu líkt og þeim fyrri.... Jæja en hvorugan hestinn sáum við ástæðu til að leggja, okkur fannst þeir bera nægilega virðingu fyrir okkur eftir alla spottaleikfimina.

Nýlega fékk eignaðist ég gráan fola frá Kanastöðum, algerlega ósnertan, nema hann hafði verið geltur, en annars látinn afskiptalaus.  Stelpurnar voru búnar að reyna að mýla hann fyrir nokkru en gefist upp við það, hann var ansi mikið laus upp að framan og styggur..... Þetta var sem sagt alveg tilvalið verkefni til að sannreyna hvort þessi tamningaraðferð sé gagnleg eða ekki. Gráni var rekinn fram á gang, gamlan skellti múlnum á hann og svo var hann rekinn inní hringgerði, kenndar svona helstu æfingar í hendi og svo lagður í orðsins fyllstu, hljómar svoldið ógnvekjandi, en fer allt voða vel og eiginlega alveg ótrúlega átakalítið fram.  



Valið einfalt, annað hvort að vappa um á 3 fótum eða leggja sig....(og vert að taka það fram að Gráni litli er skítugur af því að velta sér í höllinni blautur um morguninn, ekki það að hann sé svitastorkinn búinn að veltast þarna um!  Oft svitna tryppi og verða móð þegar þau eru að takast á við spottann í fyrstu skiptin, en það var varla að hann hitnaði þessi). 



.... sem var mikið ákjósanlegra, tók fáeinar mínútur að átta sig á því...



..... tók aðrar fáeinar mínútur að telja Grána á að leggja sig alveg.....



...og fá krús og klapp frá Verenu í staðinn.  Þetta er svoldið magnað að sjá hvað hann var fljótur að sætta sig við óvenjulegar aðstæður og kjammsaði þarna liggjandi flatur.  "Hvernig getur hann vitað að við ætlum bara ekki að borða hann" sagði ég við Verenu ;)



En traustið var unnið...sáttur við þyngdina frá öllum hliðum....



Hann þurfti þó ekki að standa upp með Verenu á baki...


 
En hún stökk berbakt á bak þegar Gráni stóð upp og reið berbakt við einteyming af stað nokkur skref.... spennandi að sjá hvernig gengur á morgun!  
Skildi þetta bara vera aðferð sem virkar vel?

Verðið að afsaka gæði myndanna, en þær eru teknar á síma.

20.07.2013 08:53

Síðbúin vorsýningarfrétt

Líklega hefur maður aldrei komið jafn litlu í verk eins og þennan veturinn enda dagarnir ansi fljótir að líða með lítinn snáða á handleggnum stóran hluta dagsins, en ekki ætla ég að kvarta yfir eða sjá eftir þeim tíma í það fer, síður en svo enda litli drengurinn sem hefur fengið nafnið Hrafnar Freyr algert draumabarn ;) 

En engu að síður reynir maður að stelast í hesthúsið þegar hægt er og með dyggri aðstoð Söru Rut sem hélt öllu í horfinu meðan ég komst ekki í hnakkinn og í allan vetur þá tókst að halda hlutunum gangandi, nokkur hross skiptu um eigendur og nokkrar hryssur voru sýndar í vor.  Nú er reyndar að koma inn skemmtilegu hestaárgangarnir þar sem meirhlutinn af folöldunum 3 ár í röð voru hestar, þannig að það er nóg úrval af geldingum á tamningaaldri, úff!

Já, það var fínt að komast loksins í hnakkinn 11 febrúar, rúmum mánuði eftir að ég átti, eftir 7 mánaða pásu, en ég hætti að ríða út strax eftir landsmót í fyrra. Var reyndar orðin áhugalaus í meira lagi með hrossin fyrir þann tíma, síþreytt og pirruð og var dauðfegin þegar landsmótið var yfirstaðið, þá þyrfti ég ekkert að pína mig meir í hnakkinn ;)  En til allrar hamingju kom áhuginn til baka þegar litli guttinn fæddist og maður er hægt og rólega að komast í fyrra form.

En eins og áður sagði þá voru nokkrar hryssur mátaðar á brautinni í vor.



Sólarorkan hans Valdimars stóð sig vel á Gaddstaðaflötum og kom út í 8, klárhryssa með 8.5 á línuna nema 9 fyrir stökk.  Sólarorka er 6 vetra undan Kraft frá Neðri-Þverá og Sóldögg, sem sagt sammæðra Sóllilju.  Hún átti folald 4 vetra sem hún missti, og frumtamin þá um haustið. Stór og myndarleg skrefamikil jafnvíg opin fjórgangshryssa, traust og samvinnufús.



Mánaglóð er algert uppáhald hjá húsráðanda í augnablikinu, skemmtileg klárhryssa eðlishágeng og verulega gaman að vera í hnakknum á þessari, hún er ennþá að vaxa og á mikið inni, efnilegur fjórgangari eins og mörg systkyni hennar undan Mónu og ekki er faðirinn af verri endanum, HM farinn Bragi frá Kópavogi.  Það var ekki hægt að láta Söru Rut enda veturinn án þess að máta kynbótabrautina og þær voru sætar saman Sara Rut og Mánaglóð. Sara fékk strax fyrstu níuna í hús, fyrir hægt stökk, 8.5 fyrir fet, stökk og fegurð í reið og 8 fyrir annað.  Þetta var þeirra beggja fyrsta ferð á kynbótabrautina.



Geisja er léttstíg og kát, fékk ekki alveg allt sem ég ætlaði henni í þetta skiptið, en það er nógur tími, enda er hún bara 5 vetra. Hún er undan Gásku og Stála frá Kjarri.  Forsýningin var kannski ekki alveg nógu sannfærandi og hún hækkaði örlítið á yfirlitinu, fannst nú heldur lítið gefið fyrir brokk samt.... en eins og ég segi hún er ung og spræk og á framtíðina fyrir sér!  Fékk 8.5 fyrir tölt stökk vilja og fegurð í reið, 7.84 í aðaleinkunn, klárhryssa.



Svo er það hin sprengviljuga Frostrós undan Þyrnirós og Hrym frá Hofi, ég ætlaði sko heldur betur að bæta dóminn á henni síðan í fyrra, en það gekk ekki alveg upp í þetta skiptið, forsýninginn fór út og suður en yfirlitið gekk hins vegar vel þó hækkunin væri lítil, hún endaði í 7.68.  Ætla samt að telja mér það til tekna að ég náði ekki að prófa þessa hryssu almenninlega fyrr en í lok maí, rétt fyrir sýningu, og var svo aðeins að "delera" með járninguna á henni, en stefni á að máta brautina aftur með hana í sumar. Það er svaka mikið í þessari meri, mikill kraftur og rými á tölti og brokki, býr yfir einhverju skeiði líka, finnst nú reyndar skemmtilegra að reisa hana uppúr herðum og láta hana fljúga á yfirferðartölti frekar :P Verena sem hefur verið að vinna hjá mér á þessa hryssu en við sáum um hana í vetur meðan hún ferðaðist vítt og breitt um heiminn.


04.07.2013 23:50

Opps they did it again ...

Gæðingshryssan Kolka frá Hákoti var á húsi og hefur Hrefna María þjálfað hana að kappi í vetur. Þjálfunin gekk vel og hafði Hrefna strax orð á því að henni finndist hryssan töluvert sterkari og beittari þetta árið. Enda væri kannski annað óeðlilegt að hryssan myndi ekki bæta sig frá ári til árs líkt og önnur hross því enn er hún ung á árum einungis á 7 vetri, þó að hún hafi í raun toppað sig og allt sem hægt er að toppa síðast liðin ár. Hæst dæmda 5 vetra hryssan 2011 á LM sigurvegari og hæst dæmda 6 vetra hryssan í heiminum 2012.

Stefnan var tekin á að koma fram með hana í A - flokki gæðinga hjá Fáki í vor. 


Mynd tekin í forsýningu A-flokks. 

Nú í lok maí var Gæðingakeppni Fáks haldin og stóðu þær stöllur sig vel í frumraun sinni á hringvelli. Forsýningin gekk ljómandi vel og uppskáru 8,49 - margir sem sáu sýninguna voru aðeins hissa á að talan hafi ekki verið hærri því sýningin var mjög góð. En eftir að hafa rýnt í dómarablöðin var nokkuð augljóst að fet einkunin var það sem dró hana mikið niður. :)

En Kolka og Hrefna náðu sér í úrslitasæti og mættu galvaskar í úrslitin sem voru gríðarlega hörð og spennandi þar sem ofboðslega sterkir hestar átu kappi saman. 


Mynd Kolka og Hrefna á brokki í úrslitum. Auðvitað fór knapinn í sitt fínasta púss hvítar og tjaldaði var til öllum semilíusteinum sem finnast getur á beisli og hjálm :) 

Úrslitin gengu vel og skilaði Kolka öllu sínu eins og henni er einni lagið - fullum afköstum á öllum gangtegunum, jákvæð og ótrúlega skemmtileg. 


Hrefna María setti inn status á facebook sem tilvalið er að birta hér og lýsir kannski hryssunni og upplifuninni að sitja svona gæðing vel :

,,Er búin að eiga frábæran vetur með þessu gulli. Hver einasti reiðtúr verið einstakur og oftast endað einhver staðar lengst frá húsi því ég hef ekki tímt að sitja á henni lengur og fengið mér göngutúr heim. Vinir mínir fengið ófá símtöl og ég segi þeim að ég sé í "algjöri losti yfir hryssunni" og þurfi að "frysta mómentið" og hvað eina... 

Ég varð aðeins klökk eftir úrslitin í A-flokki á laugardaginn þegar ég rölti með hana heim eftir að hún skilaði öllu sínu eins og henni er lagið, full af orku og þjálni á öllum gangtegundum. Við vorum meðal bestu A-flokkshesta landsins og var þetta frumraun hennar á hringvelli, einkunn 8,67 og 4 sæti. Tveir stóðhestar með yfir 8,90 í hæfileikum voru á undan okkur, Gróði og Ágústínus, og svo legend-ið hann Stakkur frá Halldórsstöðum. Eftir okkur voru einnig frábærir hestar. 

En það lang BESTA var... tilfinning að sitja á þessari hryssu, hún var ólýsanleg, mikið ofboðslega var þetta gaman! Fúsleikinn og sálin hennar er eitthvað sem ég hef aldrei kynnst og hugsa að ég kynnist bara einu sinni á ævinni í hrossi... eins og ég hef oft sagt í vetur þegar ég kem heim í hús "hross eru bara ekki svona" !! 

Hef aldrei trúað sérstaklega á að til séu sálufélagar og annað slíkt... en eitthvern vegin finnst mér eins og Kolka mín og ég komumst nálægt því... Og það sé fyrir ástæðu sem þessi hryssa endar í höndunum á mér... gæti verið örlög??

Var að reyna útskýra þetta fyrir einni vinkonu minni og þá datt mér í hug kvikmyndin Avatar... "það er bara eins og flétturnar okkar tengist saman"... finnst ég geta séð á henni þegar ég horfi á hana hvernig henni líður inní hesthúsi, veit yfirleitt hvernig hún er áður en ég fer á bak, ég finn hvað hún er að hugsa þegar ég sit á henni og hún finnur strax ef það er rólegur dagur og hvenar orkan á að vera uppi. Tala svo við hana í huganum þegar hún bíður mér of mikla orku og hún skilur mig. 

Geðslagið og fúsleikinn í þessari svörtu drottningu er það sem fær mitt hjarta til að slá hraðar"

Hrefna og Kolka á fljúgandi skeiðsiglingu. 

Einkunnir Kolku voru mjög jafnar fyrir allar gangtegundir og skorið iðulega milli 8,6-8,8 fyrir allt. Loka einkunin var 8,67 og 4. sætið á eftir gríðarlega sterkum hestum og ekki má gleyma þeim sem eftir komu. 


Kynbótadómur 2013

Eftir gæðingakeppnina fékk hún gott frí í eina og hálfa viku eða svo. Þegar Hrefna byrjaði að trimma hana aftur var Kolkan heldur betur í stuði og eftir "örlitlar" vangaveltur var eins og það eina rétta væri að renna henni í kynbótadóm aftur... Já afhverju ekki ? Hrefna var sannfærð um að hún hafi aldrei verið betri og ætti hún að þekkja hana orðið þónokkuð vel.
En hvað ætlaru að bæta ?? Hún er svo hátt dæmd!! .. já heyrðist á mörgum stöðum. Tilfinningin hennar Hrefnu sagði henni að hún getur farið í 9 fyrir nánasta allar gangtegundir samtímis á góðum degi. 

Hrefna heldur í Kolku í byggingardómi Hella 2013. Svarta drottningin. 

Hrefna fór með Kolku á kynbótasýningu í loka vikunni á Hellu núna í byrjun júní. Hryssan var fílefld. Glansandi og vel sæl. Vonast var til að hún myndi hækka jafnvel fyrir hófa en úr var að hún hélt sinni byggingareinkunn óbreyttri sem er ekkert slor 8,44 - þar af 9 fyrir háls og samræmi og 9,5 fyrir bak og lend.  

Kolka í fordóm á tölti 8,5 fyrir tölt. 9 fyrir fegurð í reið. 

Í brautinni var hryssan góð, kraftmikil og örugg. Greinlega orðin að fullorðu hrossi. Útgeislun og fas vantaði ekki sem og kraft. Frábærar gangtegundir skiluðu henni í 8,81 í hæfileikum og þar af 9,5 fyrir vilja og geðslag. Í fyrra hlaut hún 8,85 en það sem breytist nú var að hún hlaut 9 fyrir skeið og hækkaði þar um hálfan en lækkaði um hálfan fyrir tölt í 8,5 úr 9. 


Og brokk 9. Hefur alltaf fengið 9 fyrir brokk. 


9,5 fyrir Vilja og geðslag. 


Aðaleinkunn 8,66

Sköpulag: 8,44


Kostir: 8,81


Höfuð: 8,0
   5) Myndarlegt   

Háls/herðar/bógar: 9,0
   1) Reistur   5) Mjúkur   6) Skásettir bógar   

Bak og lend: 9,5
   2) Breitt bak   3) Vöðvafyllt bak   7) Öflug lend   8) Góð baklína   

Samræmi: 9,0
   1) Hlutfallarétt   2) Léttbyggt   4) Fótahátt   5) Sívalvaxið   

Fótagerð: 7,0
   I) Votir fætur   

Réttleiki: 8,5
   Afturfætur: 1) Réttir   

Hófar: 8,0
   3) Efnisþykkir   I) Slútandi hælar   

Prúðleiki: 8,0

Tölt: 8,5
   2) Taktgott   3) Há fótlyfta   

Brokk: 9,0
   1) Rúmt   2) Taktgott   5) Há fótlyfta   

Skeið: 9,0
   1) Ferðmikið   2) Takthreint   3) Öruggt   

Stökk: 8,5

Vilji og geðslag: 9,5
   2) Ásækni   4) Þjálni   5) Vakandi   

Fegurð í reið: 9,0
   1) Mikið fas   3) Góður höfuðb.   4) Mikill fótaburður   

Fet: 7,5

Hægt tölt: 8,5

Hægt stökk: 7,5




Svifmikið brokk!

Yfirlitsýningin gekk ágætlega þó svo ekki varð úr hækkun. En Hrefnu langið að breyta nokkrum tölum og í draumaheimi hefði hryssan dottið aftur í 9 tölt eins og hefur fengið, síðan finnst okkur brokkið alveg getað borið 9,5 eins og á yfirlitsýningunni og svo hefði verið afskaplega skemmtilegt að sjá 10-una fyrir vilja og geðslag. Okkar mat er að hún getur alveg borið þessa stóru tölu líkt og aðrir gæðingar sem hafa hlotið hana. Hún hefur komið 5 sinnum fram á braut og aldrei hefur sýning klikkað,  LM sigurvegari 2011 og hæst dæmda hryssan 2012 og sýnist stefna í það sama 2013!!  Eyrun fram og ávalt fjör og jákvæð lund. 



"Gaman að neita að vera í Landsliðinu 2 ár í röð!" sagði Hrefna um daginn hlægjandi eftir að hringt var í hana henni boðið sæti sem kynbótahross, það gerist nú ekki á hverjum degi. 

En svona er þetta og aldrei að vita hvað árið 2014 ber í skauti sér. Stefnan er tekin á LM 2014 með Kolkuna. :))) 


Mynd tekinn í gær af Kolku - Enjoying life!  
Já hún er að hafa það huggulegt þessa dagana, fær að vera ein með nokkrum nýköstuðum úti á túni bak við hús. Ánægð með lífið og tilveruna og fær að borða fylli sína á hverjum degi og ráðsmennskast með hinar hryssurnar eins og henni er einni er lagið.  Ekkert vallar skak í bráð hjá henni ... eða hvað? Aldrei að vita hvaða flugu eigandinn fær í hausinn!  #simplythebest

27.06.2013 00:41

Hesthúsið tekið í gegn

Nú er ekki leiðinlegt að hefja sumartamningarnar á fullu. 

Ráðist var í að taka hesthúsið í gegn frá A til Ö síðustu daga og þar með talið reiðhöllina líka. Byrjað var að taka upp gólfið og þrífa reiðhöllina. 



Hér er verið að taka gólfið :)



Og hafist handa við að þrífa höllina :) 



Síðan tókum við og hreinsuðum allt hesthúsið, mokað út og allt þrifið hátt og lágt, alla króka og kima. 



Sara Rut með háþrýstiþvottinn á hreinu eins og svo margt annað :)



Reiðhöllin eftir þvott og fyrir málningu! 

Að lokum voru veggirnir í reiðhöllinni málaðir hvítir og erum við afskaplega ánægðar með þá útkomu. 



Verkstjórinn lét ekki sitt eftir liggja hér á fullu að mála reiðhöllina ! 



Hér er loka útkoman, Sara Rut með pensilinn í hendi. 

Það birtir mikið yfir öllu með svona sumar hreingerningu og er ekki frá því að það birti bæði yfir mönnum og dýrum í svona hreinni og fínni aðstöðu, góður stemmari í dag að reka reiðhrossin og tamningatryppin inn :) 





Annars er heilmikið að frétta og vonust við til að geta fært ykkur þær beint í æð núna í sumar! 

Bestu kveðjur frá stelpunum í Hólunum ;) 


25.04.2013 12:53

Gleðilegt Sumar !


Gleðilegt sumar kæru vinir!  Yndislegasti tími ársins genginn í garð, fölöld og lömb að fæðast, dagarnir lengjast og grösin grænka ;) 

Mynd: Rósa Valdimars að spjall við ungviðin. 

Do silly stuff and be happy ;)))  Verum glöð og njótum hestana okkar. 



19.01.2013 23:11

Lítill Álfhólaprins fæddur


Þessi dásamlegi drengur, sonur Söru, fæddist 8. janúar. Deilir því afmælisdegi með merkismönnum líkt og Elvis Presley og David Bowie. Hér er hann 10 daga gamall. Drengurinn dafnar vel og bjartir tímar eru framundan í hólunum þar sem karlmaður hefur bæst í kvennafans Álfhólana. 

Undanfarið höfum við því kannski verið aðeins annars hugar en við hestana og því ekki af ástæðulausu. En hestamennskan heldur áfram hjá okkur Hrefna María er komin á fullt skrið í Víðidalnum og Sara Rut stendur plikktina vel sem yfirþjálfari og bústjórinn á Álfhólum þessa stundina... svona alla vegna þangað til að mæðginin snúi aftur heim. 



Mynd: Hrefna María og Silfurrún í Víðidalnum í vikunni. Silfurrún er til sölu, alþæg og skemmtileg fjórgangsmeri.



Fleiri myndir af Silfurrún HÉR Í ALBÚMI

07.12.2012 23:32

Meir af fólki en hestum - Álfhólar tilnefndir




Uppskeruhátíðin var haldin með pompi og pragt á Broadway aðra helgina í Nóvember, þar var aðallega uppskorin gleði með góðum vinum en það kom okkur líka skemmtilega á óvart að Álfhólar fengu tilnefningu til þess að vera Keppnishestabú ársins, gaman að því :)




Partýbomburnar Hrefna María og Sara Rut brostu sínu blíðasta.  Hrefna er núna búin að venda sínu kvæði í kross og sest á skólabekk, tæklar Viðskiptafræðina í HR með miklum móð, en mun þó halda áfram að þjálfa og temja í Víðidalnum í vetur meðfram skólanum.  Sara Rut er hins vegar orðin yfirtamningamaður á Álfhólum og verður í vetur, mikill fengur í henni :)





Helgina eftir var svo uppskeruhátíð hjá Geysi og þar fengum við Díva líklega síðasta bikarinn á þessum vettvangi, Mjölnisbikarinn sem var gefin því pari sem stóð sig best á töltbrautinni innan félagsins.  Enginn fór heim þó hlaðinn jafn mörgum verðlaunum og Sæli frændi í Fróðholti og Anna Fía konan hans en þau hrepptu öll ræktunarverðlaunin.  Hansi var svo kosinn knapi ársins. 



07.11.2012 15:23

Vaknað úr dái!

Já það var eiginlega ekki hægt að kalla þessa færslu neitt annað, því heimasíðan hefur verið ansi líflaus uppá síðkastið, og skrifast það algerlega á andleysi undirritaðar (væri kannski gott að kenna Hrefnu Maríu um, að vera komin í háskóla og hafa ekki lengur tíma til að nauða í mér að uppfæra síðuna ;) Kannski það sé líka kominn tími á að loka á Feisbúkk en það er merkjanleg samsvörun á milli notkunar á þeim miðli og lélgrar virkni hérna megin!

En alla vega, "back to business" og núna er vonandi ritstíflan brostin!

Ætla að byrja á að skutla hérna inn tveimur stuttum videoum síðan á Landsmótinu í sumar sem ég vann loksins eftir dúk og disk en þau eru frá Ræktunarbússýningunni okkar, en eins og flestir vita sem voru þar þá tókum við þátt, og viti menn..... við vorum aftur valin áfram sem annað besta ræktunarbúið til að koma aftur fram á laugardeginum annað árið í röð.  Erum ákaflega stolt af þeim heiðri enda virkilega flott bú að keppa!



Frá Sýningunni á Föstudeginum.

Okkur kveið samt dáldið fyrir að koma þessu öllu heim og saman, hrossin voru misjafnlega vel á sig komin.  Ég lenti í því að sveitatútturnar mínar sem komu í menninguna fengu múkk, mis mikið en enginn undanskilin, ekki einu sinni Dívan, eitthvað sem við þekkjum ekki héðan úr sveitinni :/
Og svo var algerlega óvíst hvort Þrumufleygur gæti tekið þátt, því hann slasaðist á kerru á leiðinni í bæinn, var dreginn úr keppni í B-flokknum og tvísýnt með hann fram á síðustu stundu hvort við gætum lagt á hann að vera með.   

En þetta small svo saman undir dynjandi takti ofurskvísunnar Jennifer Lopez og greinilega fallið vel í kramið og við þökkum bara kærlega fyrir veittan stuðning! 
Og síðast og ekki síst þökkum við þeim knöpum sem gerðu þetta að veruleika innilega fyrir hjálpina auk allra annara sem aðstoðuðu okkur við að koma þessu heim og saman :)



Frá Laugardagssýningunni.

Við skemmtum okkur örugglega ekkert minna en áhorfendur og við öttum kappi við Blesastaði, þar sem við þurftum að láta í minni pokann fyrir misjafnlega brúnum kroppum berum að ofan ;) Strákarnir í hópnum okkar voru hálf svekktir við mig á eftir að ég skildi ekki hafa rekið þá úr öllu, þeir hefðu pottþétt látið vaða, og við þá að sjálfsögðu unnið hehe ;)


                                                                                                                                                                      Mynd Inga Dröfn
Á Flugi!  Siggi Sig var snöggur að fatta takkaborðið á Dimmir og þetta er nú bara ein sú allra besta skeiðmynd sem ég hef séð í seinni tíð!  


                                                                                                                                                      Mynd Inga Dröfn
Indía hennar Hrefnu Maríu er hross sem vex með hverju árinu sem líður.


                                                                                                                                              Mynd Herdís Reynisdóttir
Sóllilja heillaði Sigga Matt í vetur eins og svo marga aðra sem hafa kynnst henni, því var auðsótt mál að plata hann á bak og vera með í fjörinu!


                                                                                                                                    Mynd Valgerður Valmundsdóttir
Flott lína á föstudag, Siggi og Sóllilja, Hansi og Gáta, Elvar og Álfarós, Hrefna og Indía.


                                                                                                                                  Mynd Valgerður Valmundsdóttir
Gáta sperrt hjá Hans Þór Hilmarssyni!


                                                                                                       Mynd Magnús Ingi Másson
Á laugardeginum var Saga vinkona svo elskuleg að lána okkur Myrkvu sína ferska inní hópinn, sem Elvar Þormarson reið í stað Álfarósar sem var orðin frekar þreytt eftir síendurtekinn þeyting á Landsmótinu.


                                                                                                                                   Mynd Anna Linda Gunnarsdóttir
Þrumufleygur var boðinn og búinn að gera sitt besta þrátt fyrir undangengna erfiðleika, með knapa sinn John Kristinn Sigurjónsson.


                                                                                                                  Mynd Inga Dröfn
Kveðjustund, við stöllurnar búnar að eiga margar ógleymanlegar stundir í gegnum árin og það verður ekki auðvelt að finna annan eins gæðing til að fylla hennar skarð, ekki bara á keppnisbrautinni heldur bara sem frábæran reiðhest og gleðigjafa.  Takk Dívan mín!

13.07.2012 23:52

Fréttir af Þrumufleygs afkvæmum

Þó nokkur afkvæmi Þrumufleygs hafa litið dagsins ljós hér í Álfhólum og víðar nú í sumar og síðasta. Þau eiga það sameiginlegt að vera afar rúm á gangi, stórstíg og auðvitað virkilega hágeng! 

Á síðu Þrumufleygs HÉR er Hrefna María búin að taka saman í fréttir af þeim. 


Þrumufleygs sonurinn Eyvar frá Álfhólum veturgamall núna vorið 2012. 

05.07.2012 13:47

Stóðhestum sleppt í hólf


Þrumufleyg frá Álfhólum verður sleppt í hólf í Álfhólum á laugardaginn. Verð 100 þús með öllu. Fyrri pantanir óskast staðfestar og nokkur pláss laus ennþá. Upplýsingar gefur Hrefna María 8611218.



Gæðingnum Dimmi frá Álfhólum verður sleppt í hólf í Álfhólum um helgina. Fyrri pantanir óskast staðfestar.  Verð 60 þús með öllu. Upplýsingar gefur Sara 898-8048.



Íkon frá Hákoti verður sleppt í hólf í nágrenni Álfhóla á næstu dögum. Verð 60 þús með öllu. 
Upplýsingar gefur Hrefna María 86112118. (Mynd Kolka dóttir Íkons).


Einnig verður hægt að hleypa inn á hestana ef svo ber undir. 

18.06.2012 00:23

Kolka hæst dæmda hryssa ársins!!

Hrefna var alveg ákveðin í því að halda Kolku geldri síðasta sumar og ríða henni þennan veturinn. Margir töldu hana hafa misst vitið þar sem hryssan var afar hátt dæmd síðasta sumar og Landsmótssigurvegari í sínu flokki 5 vetra hryssum. En eitthvað innra með Hrefnu sagði henni að Kolka hefði ekki toppað sig enn og ætti eftir að sýna meira og ekki síst þá vorum við aldrei ánægð með hálseinkunnina á henni, en hún á auðvitað borðleggjandi níuna skilið þessi drottning!



Kolka og Hrefna áttu magnaða sýningu á Gaddstaðaflötum í seinni vikunni.  Þær svifu átakalalaust hnarreistar eftir brautinni á öllum gangtegundum og Kolka fékk hvorki meir né minna en 8.85 fyrir hæfileika og hæst 9.5 fyrir vilja og geðslag, eitthvað sem þetta geðprýðishross stendur fyllilega undir.   Ég er ekki sammála þeim sem segja að öll hross sem eru að fara í 9.5 og 10 fyrir vilja séu spennuviljug hross sem sé á fárra færi að ríða.....



IS2006286428 Kolka frá Hákoti
Örmerki: 968000001802023
Litur: 2700 Brúnn/dökk/sv. einlitt
Ræktandi: Halldóra Hafsteinsdóttir, Markús Ársælsson
Eigandi: Hrefna María Ómarsdóttir, Rósa Valdimarsdóttir
F.: IS2002186435 Íkon frá Hákoti
Ff.: IS1996187336 Töfri frá Kjartansstöðum
Fm.: IS1994286104 Bella frá Kirkjubæ
M.: IS1995286428 Frá frá Hákoti
Mf.: IS1989184551 Þorri frá Þúfu í Landeyjum
Mm.: IS1990286414 Feykja frá Hala
FORSKOÐUNARDÓMUR
Héraðssýning á Gaddstaðaflötum
Mál (cm): 141 - 137 - 63 - 142 - 28,5 - 17,5
Hófa mál: V.fr.: 9,0 - V.a.: 8,9
Sköpulag: 8,0 - 9,0 - 9,5 - 9,0 - 7,0 - 8,5 - 8,0 - 8,0 = 8,44
Hæfileikar: 9,0 - 9,0 - 8,5 - 8,5 - 9,5 - 9,0 - 7,5 = 8,85
Aðaleinkunn: 8,69      Hægt tölt: 8,0      Hægt stökk: 7,5
Sýnandi: Hrefna María Ómarsdóttir



Svona skal sitja þegar riðið er í 8.85 ;)

2 + 2 verða ekki alltaf 4

Kolka kemur efst allra hryssna inná Landsmót með 8,69 í aðaleinkunn.  Hún er glæsileg alhliðahryssa, spekúlantar tala hreyknir um að hér sé verðugur fulltrúi íslenska ræktunartakmarksins, sem er glæsilegur hestur með 5 gangtegundir, klárhross með skeiði.  Gott og vel..... það er hins vegar svoldið athyglisvert að rýna í ættartré Kolku og skoða hvað er að finna þar og hvernig hross, því stór hluti af hennar forfeðragarði eru klárhestar en eins og væntanlega fleiri en ég hafa tekið eftir þá eiga klárhross minni og minni möguleika á því að láta ljós sitt skína sem Kynbótahross á Landsmóti.

En ég ætla að rýna aðeins í ættartölu Kolku til gamans..... og þar tek ég fyrstan fyrir hann Íkon kallinn frá Hákoti, rúman töltara, og hver vill standa á því fastar á fótunum að hestar með 7.5 fyrir háls geti ekki gefið glæsihross?!   Íkon kemur undan tveimur klárhrossum, Bellu frá Kirkjubæ landsmótssigurvegara í 4 vetra flokki 1998 og Töfra frá Kjartansstöðum.  Bella er undan frægum klárhesti, Loga frá Skarði, ef mig misminnir ekki þá var klárgangur afar ríkjandi í hans afkvæmum en Brella móðir hennar bjó yfir dálitlu skeðspori samkvæmt Worldfeng.  Töfri er svo undan heldur klárgengri klárhryssu ef ég skil rétt, Ternu frá Kirkjubæ og Óð frá Brún sem hafði allar 5 gangtegundirnar.  Þannig í föðurlegginn finnast ekki fimmgangshross fyrr en í þriðja ættlið.

Móðirin Frá frá Hákoti er alhliða hryssa, svoldið athyglisvert að rýna í tölurnar á henni, 9.5 fyrir vilja og geðslag en engin gangtegund upp á hærra en 8.5, það hefur skinið af henni gæðingsbragur.   Ætla mætti að Kolka hefði bygginguna frá móður sinni en svo er ekki því hún er ennþá lægra dæmd fyrir byggingu heldur en Íkon, en hefur þó 8 fyrir háls og herðar.  Frá er þó sögð myndarhryssa af þeim sem hana þekkja. sem stigast samt ekki vel.  Hún er undan Þorra frá Þúfu sem er alhliða og Feykisdótturinni Feykju frá Hala sem ég hef eftir fyrstu hendi að var mjög klárgeng í gangsetningu, fékk engu að síður 5.5 fyrir skeið, en miðað við hvað tölteinkunn var lág hjá henni grunar manni að hún hafi fengið þessa kommu fyrir klárhestabinding.   Þokkadís móðir hennar var síðan klárhryssa einnig, en Feykir alhliða eins og margir vita.  Og það þarf ekki að taka fram að Orri faðir Þorra er rúmur opinn klárhestur.

Jahá, mér þótti svoldið athyglisvert að fara í gegnum ættartréð hjá Kolku..... getur verið að við getum nálgast hið íslenska ræktunartakmark, klárhestinn með skeiði án þess að rækta eingöngu með íslenska ræktunartakmarkinu?   Hvað gerist ef við ætlum að útrýma notkun á klárhestum af því að þeir fá ekki að sjást á stærri mótum nema þá í B-flokki gæðinga og tölti.  Skyldum við nálgast ræktunartakmarkið hraðar..... eða skyldum við fjarlægjast það, sitja uppi með of geng og flókin hross sem henta fáum nema flinkustu reiðmönnum???????  Ég þarf vart að taka það sérstaklega fram að mér hugnast þessi þróun alls ekki.  Hrossarækt er margslungin og flókin og eins og ég sagði hér að ofan þá verða 2+2 sjaldnast 4, stundum kemur bara 1 og svo geturðu fengið 10.  Við megum ekki missa fjölhæfnina úr hrossastofninum og í mínum huga er fjölhæfni eins og ég hef oft sagt.... mismunandi hestar með mismunandi ganglag því sá hestur sem hentar einum hugnast ekki alltaf öðrum. 



Þrátt fyrir að Kolka væri í þjálfun í vetur, fékk hún líka að auka kyn sitt með hjálp fósturvísaflutninga og það kom lítill laglegur svartstjörnóttur hestur út úr því, og faðirinn er hinn fótlipri Þrumufleygur.  Hrefna pantaði útlitið frá móðurinni og fótaburðinn frá föðurnum og það er aldrei að vita nema sú pöntun hafi verið rétt móttekin, hann er allavega myndarlegur sá litili :)


                                                                                                                           Sumarið 2011

Síðasta hrossið sem fékk sinn Landsmótsfarmiða frá Álfhólum er frænka hennar Kolku, hún Sólllilja en hún varð sjötta í úrtöku hjá Geysi með 8.54. en Þorri frá Þúfu er afi þeirra beggja.   Mikið af góðum hrossum kepptu um 6 sæti Geysis og baráttan svakalega hörð og hrossin í fjórða til áttunda sæti voru frá 8.53 til 8.55 þannig að maður þurfti að taka á sínum stóra til að höndla spennuna þarna í lokin og ekki auðvelt að vera næstum síðust inná seinni daginn verandi búin að horfa á alla hina fara uppfyrir sig, en ég var með 8.50 fyrri daginn en það er tvöföld úrtaka hjá Geysi.  Ég hefði komið ágætlega út úr því ef það hefði verið einföld úrtaka, því eftir fyrri daginn var Dimmir í sjötta sæti í A-flokk, en ég gerði ógilt í seinna skiptið, því hann hélst ekki á brokki hjá mér og þar með var sá draumur úti.

Það er ótrúlega stutt í Landsmót, manni finnst vorið bara vera nýbyrjað og það er að detta á hásumar og heyskapur að bresta á en fyrstu túnin voru felld hér í dag.....Allt að gerast!

04.06.2012 01:32

3 x 9,5!!! - Góð byrjun á Kynbótasýningum



Þrumufleygur á hægu tölti í yfirliti! 9 fyrir hægt og 9,5 fyrir Tölt!

Þrumufleygur skyrpti vel úr hófunum á Selfosssýningunni á dögunum og uppskar hvorki meir né minna en 3 x 9.5, fyrir Tölt, Brokk og Vilja og geðslag.  Ekki amalegt það, en þó dugar þessi einkunn honum ekki inná Landsmót sem kynbótahesti sem sýnir það svart á hvítu hvað klárhross eiga erfitt með að fóta sig í kerfinu þó að þau séu afbragðsgóð, nema að byggingareinkunn sé í hæstu hæðum.  Ekki það að Þrumufleygur býr klárlega yfir skeiði, sýndi það í uppvexti þar sem hann ferjaði sig oft á milli staða á flugaskeiði og á fyrri árum tamningar.  En það hefur gengið erfiðlega að sýna það á hvítum vikurvelli og því var bara ákveðið að setja fimmta gírinn í salt og leggja upp með aðrar áherslur.


En Þrumufleygur er engu að síður kominn með farmiða á Landsmót í B-flokki fyrir Fák og svo herma nýjustu fréttir að Álfhólar verði með Ræktunarbússýningu á ný og svona apparat er nottla ómissandi á þeim vettvangi :)



IS2006184674 Þrumufleygur frá Álfhólum
Örmerki: 352206000061211
Litur: 2520 Brúnn/milli- stjörnótt
Ræktandi: Rósa Valdimarsdóttir
Eigandi: Rósa Valdimarsdóttir
F.: IS1999188801 Þóroddur frá Þóroddsstöðum
Ff.: IS1987187700 Oddur frá Selfossi
Fm.: IS1984287011 Hlökk frá Laugarvatni
M.: IS1996284669 Þyrnirós frá Álfhólum
Mf.: IS1993184988 Ögri frá Hvolsvelli
Mm.: IS1979284670 Vaka frá Álfhólum
Mál (cm): 141 - 130 - 136 - 63 - 143 - 38 - 47 - 43 - 6,6 - 29,0 - 18,0
Hófa mál: V.fr.: 8,7 - V.a.: 8,5
Sköpulag: 7,0 - 7,5 - 9,0 - 8,0 - 8,5 - 7,0 - 9,0 - 8,5 = 8,04
Hæfileikar: 9,5 - 9,5 - 5,0 - 8,5 - 9,5 - 9,0 - 7,0 = 8,43
Aðaleinkunn: 8,27
Hægt tölt: 9,0 Hægt stökk: 8,0
Sýnandi: John Kristinn Sigurjónsson




Og hér má svo sjá Videó úr forsýningunni.



Litla systir Þrumufleygs stóð sig líka svaka vel og næli sér 5 vetra gömul í 3 níur, fyrir tölt, vilja og fegurð í reið, auk þess 9 fyrir hægt tölt.  Hún er í eigu þeirra Húsafellsfélaga, Róberts og Sigurðar sem eiga t.d helminginn í Dívunni.  Má segja að þeir félagar séu þokkalega hestheppnir ;)

IS2007284669 Álfarós frá Álfhólum
Örmerki: 352206000055986
Litur: 3500 Jarpur/milli- einlitt
Ræktandi: Sara Ástþórsdóttir
Eigandi: Róbert Veigar Ketel, Sigurður Tryggvi Sigurðsson
F.: IS2000125300 Bragi frá Kópavogi
Ff.: IS1986186020 Geysir frá Gerðum
Fm.: IS1983210001 Álfadís frá Kópavogi
M.: IS1996284669 Þyrnirós frá Álfhólum
Mf.: IS1993184988 Ögri frá Hvolsvelli
Mm.: IS1979284670 Vaka frá Álfhólum
FORSKOÐUNARDÓMUR
Héraðssýning Selfossi
Mál (cm): 143 - 138 - 64 - 143 - 27,0 - 17,0
Hófa mál: V.fr.: 8,8 - V.a.: 8,0
Sköpulag: 8,5 - 8,0 - 8,5 - 8,0 - 8,0 - 8,5 - 7,5 - 7,0 = 8,00
Hæfileikar: 9,0 - 8,5 - 5,5 - 8,5 - 9,0 - 9,0 - 7,5 = 8,22
Aðaleinkunn: 8,13      Hægt tölt: 9,0      Hægt stökk: 8,0
Sýnandi: John Kristinn Sigurjónsson





Og önnur Bragadóttir nældi sér í farmiða á Landsmót, en það er hún Eldglóð 5 vetra undan Gásku gömlu.  Hún var seld í fyrrahaust, og hann var ekki minna heppinn eigandinn, Gísli á Geirlandi sem eignaðist þessa stóru og stæðilegu alhliða hryssu. 

Skemmtilegt dæmi um það að 2+2 verða ekki alltaf 4, en Gáska hefur aldrei átt fimmgangs hross með nýtanlegt skeið fyrr en þessa hryssu.  Bragi var ekki sá vakrasti í bransanum, fór að mig minnir hæst í 7 fyrir skeið.  Annars er þetta 3ja Gáskuafkvæmið sem fer í fyrstu verðlaun, búið að sýna allt undan henni sem tamið er, 6 stykki, hin 3 eru klárhross rétt fyrir neðan áttuna öll með 8.5 fyrir tölt og fegurð í reið svo dæmi sé tekið.

IS2007284672 Eldglóð frá Álfhólum
Örmerki: 352206000056416
Litur: 1610 Rauður/dökk/dr. skjótt
Ræktandi: Sara Ástþórsdóttir
Eigandi: Geirland ehf
F.: IS2000125300 Bragi frá Kópavogi
Ff.: IS1986186020 Geysir frá Gerðum
Fm.: IS1983210001 Álfadís frá Kópavogi
M.: IS1995284672 Gáska frá Álfhólum
Mf.: IS1973135980 Gáski frá Hofsstöðum
Mm.: IS1990284669 Blíða frá Álfhólum
FORSKOÐUNARDÓMUR
Héraðssýning Selfossi
Mál (cm): 145 - 141 - 64 - 147 - 28,0 - 17,5
Hófa mál: V.fr.: 8,6 - V.a.: 8,2
Sköpulag: 7,5 - 8,0 - 7,5 - 8,5 - 9,0 - 7,0 - 8,0 - 7,0 = 8,06
Hæfileikar: 8,5 - 8,0 - 8,0 - 8,0 - 8,5 - 8,5 - 7,0 = 8,22
Aðaleinkunn: 8,15      Hægt tölt: 8,0      Hægt stökk: 7,5
Sýnandi: Sara Ástþórsdóttir

Það var greinilega alveg óvitlaus ákvörðun að nota Braga á sínum tíma, og ég stend í þeirri trú að ég eigi bestu Bragadóttirina eftir þó ég hafi selt tvær góðar.  Sú er sammæðra Dívu undan Dimmu frá Miðfelli og fékk strax nafnið Dimmuborg sem folald, það var eitthvað svo stórkostlegt við hvernig hún bar sig að en því miður fer sú gersemi aldrei undir hnakk en sem betur fer get ég ræktað undan henni þrátt fyrir að hún sé úr mjaðmalið.



Það stóð til að Mánasteinn færi í dóm, allavega framan af vetri.  Þegar harðanði undir, fór gamalkunnug helti í afturfæti að gera vart við sig, en hann svaraði beygjuprófi á kjúku á vinstri aftur í fyrra sumar.  Ég barði hausnum samt í steininn og hélt kannski að hann hefði stigið á stein þegar hann kom haltur úr reiðtúr einhverju sinni, og sendi hann í sund meðan hann væri að jafna sig. Kom voða flottur úr þeirri þjálfun og í svaka stuði fyrsta skiptið sem ég lagði á hann, en svo fór allt niðurá við aftur og Guðmar tók á honum beygjupróf sem hann svaraði enn og aftur greinilega.  Þá nennti ég ekki meir og setti hann í saltpækilinn, fór svo með hann í byggingardóm í vor og hann kom bara þokkalega út úr því eins og ég bjóst við eða 8 slétta, hæst 8.5 fyrir samræmi og fætur. Reyndar kom höfuðeinkunnin mér mjög á óvart, hefði frekar búist við 8.5 en 7.5 og útskýringuna slök eyrnastaða get ég ekki með nokkru móti skilið!  Hann er að verða hálfgert olnbogabarn þessi blessaði hestur, sem er alger synd því það er svo mikið í honum og tryppin undan honum líta vel út líka.

IS2006184667 Mánasteinn frá Álfhólum
Örmerki: 352206000046915
Litur: 8600 Vindóttur/mó einlitt
Ræktandi: Sara Ástþórsdóttir
Eigandi: Sara Ástþórsdóttir
F.: IS1986186025 Tígur frá Álfhólum
Ff.: IS1979184667 Nátthrafn frá Álfhólum
Fm.: IS1979284670 Vaka frá Álfhólum
M.: IS1998284673 Móeiður frá Álfhólum
Mf.: IS1989176289 Kjarkur frá Egilsstaðabæ
Mm.: IS1986284671 Móna frá Álfhólum
Mál (cm): 140 - 128 - 136 - 62 - 143 - 39 - 45 - 41 - 6,3 - 30,0 - 18,5
Hófa mál: V.fr.: 8,1 - V.a.: 7,6
Sköpulag: 7,5 - 8,0 - 8,0 - 8,5 - 8,5 - 7,5 - 7,5 - 7,5 = 8,00
Hæfileikar: 
Aðaleinkunn: 
Hægt tölt:       Hægt stökk: 
Sýnandi: Sara Ástþórsdóttir



Nýjustu fréttirnar eru að hún Indía Leiknis og Svertudóttir, í eigu Hrefnu Maríu, fór í fyrstu verðlaun núna í seinni vikunni á Hellu, fyrir yfirlit stendur hún með 8.10 í aðaleinkunn.  Hún ætlar að erfa það frá móður sinni, Rósu að vera hestheppin því þær tvær hryssur sem hún hefur ræktað eru báðar komnar í fyrstu verðlaun.

Dómur fyrir yfirlit.

IS2005284670 Indía frá Álfhólum
Örmerki: 352206000061253
Litur: 2700 Brúnn/dökk/sv. einlitt
Ræktandi: Hrefna María Ómarsdóttir
Eigandi: Hrefna María Ómarsdóttir
F.: IS1999181675 Leiknir frá Vakurstöðum
Ff.: IS1985157020 Safír frá Viðvík
Fm.: IS1988258049 Lyfting frá Ysta-Mói
M.: IS1991284671 Sverta frá Álfhólum
Mf.: IS1986186025 Tígur frá Álfhólum
Mm.: IS1981284667 Mugga frá Álfhólum
Mál (cm): 142 - 138 - 64 - 144 - 28,0 - 18,0
Hófa mál: V.fr.: 8,5 - V.a.: 7,8
Sköpulag: 7,5 - 8,5 - 8,0 - 8,5 - 8,5 - 7,5 - 8,0 - 8,5 = 8,24
Hæfileikar: 8,5 - 8,5 - 6,0 - 8,0 - 8,5 - 8,5 - 8,0 = 8,01
Aðaleinkunn: 8,10
Hægt tölt: 8,5      Hægt stökk: 8,0
Sýnandi: Hrefna María Ómarsdóttir




Og talandi um Rósu, þá stóð efstur í unglingaflokki Fáks á dögunum, hann Íkon frá Hákoti undir stjórn Rakelar Jónsdóttur frænku okkar. Frábært hjá þeim og spennandi að fylgjast með gangi mála hjá þeim á Landsmóti.  Það er að fæðast talsvert af folöldum undan Íkon hérna á Álfhólum þessa dagana og þetta eru allt léttbyggð og reisuleg folöld, gaman að því.  Hef trú á því að þessi hestur sé frábær söluhestafaðir með sitt einstaka geðslag, auðvelda ganglag og rúma, mjúka tölt.

Díva fékk sinn Landsmótsmiða á dögunum á Reykjavíkurmeistaramótinu.  Ég var reyndar lítið stolt með þá sýningu, miklir feilar í öllum atriðum og einkuninn eftir því, 7.70 sem er nú heldur lítið á hennar mælikvarða. En það er svona þegar maður stekkur beint út úr fjárhúsinu á miðjum sauðburði og ætlar að gera stóra hluti óæfður og undirbúinn, þá er ekki við miklu að búast þó hrossið sé gott ;)  En við ætlum okkur að standa okkur töluvert betur á stóru mótunum í sumar, það er verið að fara yfir tæknileg atriði og undirbúningur gengur bara vel :)

Og svona í lokin af því að ég kom inná sauðburðinn, þá var þetta alger metsauðburður, þurfum að panta 20 merki í viðbót og vorum samt með 20 auka merki miðað við í fyrra, þannig að það komust um það bil 40 lömbum fleira á legg í vor en í fyrra, 280 lömb í stað 240, samt hefur fénu ekki fjölgað meir en kannski um 5-8 stykki (ásetningurinn varð aðeins ríflegur og einhverjar kindur sluppu undan manninum með ljálinn). Gemsarnir voru óvenju frjósamir, báru allir nema 1 (35 af 36) og stór hluti þeirra tvílemdur!  Og eldri skjáturnar skiluðu sér flestar með 2-3 lömb, tvær hafa ekki borið enn, kemur í ljós hvort þær koma með óvæntan glaðning í réttir í haust eða eru geldar.

Daddara...... sem sagt allt að gerast þó að lífið á heimasíðunni hafi verið lítið undanfarið :)

11.04.2012 12:55

Meistaradeildin

Það var í byrjun október að ég fékk símhringingu frá Sigga Matt og boð um að vera með þeim í liði Ganghesta Málningu, á komandi keppnistímabili í Meistaradeildinni. Þó svo að það hefði alveg blundað í mér löngun til að vera með, verandi með góð hross undir höndum þessi misserin, þá þurfti ég smá umhugsunarfrest til að velta þessu fyrir mér, hvort ég væri að nenna þessu og svo er ekki eins og olían sé ókeypis þessa dagana! En ákvað svo að slá til reyndar með því skilyrði að ég mætti sleppa því að keppa í skeiðgreinunum.

Keppnishryssurnar Díva og Sóllilja voru svo teknar inn í byrjun nóvember eftir að hafa verið í fríi frá því í lok júlí og því ekki seinna vænna en að fara að dusta af þeim rykið og senda þær í bootcamp eftir allt hamborgaraátið í mýrinni! Og auðvitað fór ég í bootcamp líka því það er ekki nóg að hrossið sé í góðu formi ef knapinn er það ekki ;)

Ég var nú ekki alls ekki með nein markmið í sambandi við að vinna deildina enda fyrsta skipti sem ég tek þátt, en við einstakar greinar hafði ég sett mér háleit markmið, sérstaklega í töltinu og slaktaumatöltinu sem var þó algerlega óskrifað blað fyrir mig. Gæðingafimin var líka spennandi grein, og ég hafði trú á að ég gæti gert ýmislegt af mér þar.  Fyrir mér var hins vegar fjórgangurinn úrslitamót því ef mér tækist vel upp þar, þá ætti ég kannski raunhæfan möguleika á því að komast í toppbaráttuna, ef ekki, þá væri á mjög brattan að sækja þar sem í skeiðgreinunum er ég langt frá því skarpasti hnífurinn í skúffunni og með algerlega tóman reynslubanka.


                                                                                                            Mynd Valgerður Valmundsdóttir

Fyrsta mótið í röðinni var fjórgangur og þar lá þunginn á Sóllilju. Hún var mjög góð á æfingum og það eina sem þurfti að pússa fyrir mót að manni fannst voru gangskiptingarnar.  Mótinu var svo frestað um viku og ég veit ekki hverju var um að kenna, en hún náði ekki sama flugi á mótinu og hún hafði verið á æfingum og einkuninn uppá 6.5. Þær voru svakalega misjafnar einkunirnar á henni, frá 5.9 sem mörgum fannst nú hreinasti dónaskapur uppí 6.9. Og einkunnir fyrir einstaka gangtegundir, voru t.d frá 6 uppí 8.5 fyrir stökk, flestir í 7,5 og fet frá 4 til 6, þannig að dómarar voru ekki alveg sammála um það hvernig átti að meðhöndla okkur.
 
En mestu munaði um töltið sem átti að vera nokkuð öruggt, að fyrir bæði hægt og hratt var einkunnin í kringum 6, sem var langt undir hennar getu, enda hefur hún sýnt það og sannað á mótum seinna í vetur að hún getur vel farið yfir 7 í tölti! Þannig að já, fjórgangangskeppnin olli mér vissum vonbrigðum...... en áfram skyldi haldið....... en ekki í hvítu reiðbuxunum, þær voru bara ávísun á "Bad Luck"!!

Næsta mót var gæðingafimi og það var ekki mikill undirbúningstími fyrir það útaf seinkun fjórgangasmótsins. Fyrir fjórganginn þá fannst mér 50/50 hvort ég færi með Dívu eða Sóllilju á í gæðingafimina, þar sem mér fannst full mikið að leggja það á Dívu að koma fram á þremur mótum í röð svona snemma að vetri. Díva er auðvitað mikið meira show hross, en Sóllilja gæti hentað í allskonar krúsidúllureið og slöngulínur og orðin nokkuð sleip í fimiæfingum.   


                                                                                         Mynd Eiðfaxi

En eftir fyrstu æfingu á laugardeginum var ekki aftur snúið..... "ÞÚ BLASTAR ÞAKIÐ AF HÚSINU" sagði Edda Rún við mig og sagðist aldrei hafa lent í því að hafa fengið gæsahúð á æfingu!  En svo kom höfuðverkurinn að setja upp prógramm sem hentar Dívu, það er jú töluvert stressandi að mæta með hross á mót með tvær tíur í farteskinu, var eiginlega auðveldara hérna áður þegar hún var ekki svona hátt dæmd sko! Þannig að ég las mér til um reglur og leiðara og sá að gangtegundir og flæði fleytir manni býsna langt þanng að ég ákvað að stilla hlutum upp þannig að hryssan myndi njóta sín sem best, og ekki vera að flækja hana í miklum æfingum, baugum eða slöngulínum og tapa á því fasi.  Það er ljótt að segja það, en það eru alltaf einhverjir sem bíða eftir mistökum og það að góð hross komi ekki svo góð fram, bara til þess að smjatta á því.  Það var því einkar ánægjulegt að fyrrverandi kennarinn minn frá Hólum hringdi í mig eftir mótið, ánægður með okkur og hvað það væri gaman að sjá hross koma fram og standa við tíurnar sínar, en hlaupa ekki i felur eins og stundum er gert með hross sem fá gríðar háa dóma :)  


Það var bara sett eitt markmið fyrir þessa grein.... og það var að hafa gaman :D


                                                                                                                         Mynd Gígja Einarsdóttir
En, já við enduðum sem sagt i öðru sæti eftir fágaðri sýningu Artemisar og Korgs, "Girlpower"!

Næst á dagskrá var töltkeppnin, þar átti að gera stóra hluti og því mikið svekkelsi að forkeppnin gekk illa, 7.63 í einkunn þar. Ég var búin að breyta hjá mér beislabúnaðinum í von um betra "touch" en það varð til þess að það varð ekkert "touch" þannig að fyrir úrslit var honum breytt aftur, og allt small saman og óhætt að segja að þar hafi verið nokkur yfirburðarsigur, þar sem Díva klikkti út með 9.5 fyrir yfirferðartölt og endaði í 8.72 í lokaeinkunn, rúmlega heilum hærri en í forkeppninni.
Þar með var ég komin í toppbaráttuna í heildarstigasöfnunni á eftir Jakop og Artemisu. 
 

                                                                                            Mynd Gígja Einarsdóttir

Kjempakátar eftir sigurinn í tölti, tja eða ég allavegana, veit ekki um Dívuna ;)

Slaktaumatöltið var svo þriðja mótið okkar Dívu og ég hafði tvær vikur til að beisla orkuna í henni til að ná að stjórna henni án taumsambands.  Og það voru margir sem höfðu ekki mikla trú, tja eða vonuðu að ég gæti ekki sleppt taumnum á þessari fjörbombu án þess að fara á fulla ferð, en í T2 er beðið um tölt á slökum taum frá hægu upp í milliferð. Ég vissi að ég var undir smásjá, var alveg búin að fá að heyra það útundan mér, og því sigldi ég öruggu leiðina í forkeppninni og náði öðru sæti rétt á hæla fyrrverandi Íslandsmeistara, Jakops og Als frá Lundum. Í úrslitum, lét ég svo gamminn geysa, allt að vinna og keppnin gat varla verið meira spennandi því eftir hæga töltið og frjálsu ferðina vorum við Kobbi jöfn. En slaki taumurinn vegur tvöfalt og hann réði úrslitum, þar vann Díva og lokaeinkunn 8.54. Ekki svo slæmt að vinna örugglega fyrsta T2 mótið sem ég á ævinni tek þátt í :)

Sem sigurvegari ætti ég ekki að vera að væla neitt yfir dómgæslunni, en mér fannst samt skrítið að ég fékk lægra fyrir hæga töltið í T2 heldur en T1, því tilfinning mín var allt önnur.  Mér fannst hún svo miklu jafnari og betri á hægu í Slaktaumatöltinu.... en já já kannski hafa dómararnir séð eitthvað sem ég ekki fann.... en annars ætti að liggja betur fyrir henni að fá að fara aðeins hraðar á hæga töltinu eins og má í T2, því Díva er stór og löng og eins og einhver sagði á æfingu þegar það var verið að skamma mig fyrir að ríða of hratt á hægu.... "common ef hún fer mikið hægar þá er hún komin niður á fet"    

En það er allt önnur saga sem  verður ekki sögð hér...... En hins vegar má alveg segja þá sögu að ég var svo sniðug að halda undir snilldartöltarann Tón frá Melkoti í fyrrasumar og á von á tveimur folöldum!


Stelpurnar sem áttu að taka upp fyrir mig töltúrslitin máttu ekkert vera að því fyrir fagnaðarlátum og það var svoldið mikið um hálfar ferðir, vantaði niðurhæingarnar og svona ýmislegt, en ég reyndi samt að klippa það eitthvað saman.  Annars er hér annað video með öllum hestunum frá Hestafréttum  http://www.youtube.com/watch?v=yLCUNJt_EEE


Og hér er upptaka frá Hestafréttum af úrslitum í T2

Eftir slaktaumatöltið var ég orðin efst í deildinni, en ég hló nú bara að því og sagði að það yrði nú bara í hálftíma eða þangað til að skeiðinu væri lokið. Ég var þó komin með fína meri í hendurnar, Zeldu frá Sörlatungu sem ég þekkti þó lítið nema að ég var búin að komast að því að henni var sérstaklega illa við haglél, sem var ekki alveg nógu sniðugt því úti geysaði stormur með stórhríð og Hagléli!!!!  Ég náði einum sprett en eftir nokkrar stökkskiptingar og hopp og skopp fyrir utan reiðhöllina svo tíminn var dapur.   En aðalkeppinautarnir náðu heldur ekki stigum svo viti menn, ég fékk að vera stigahæst í heilar tvær vikur, ekki bara hálftíma....wúhúú!

Ég hélt áfram að bambast á þessari skeiðhryssu hvað sem verða vildi. Ég gerði nokkrar heiðarlegar tilraunir til að komast hjá því að mæta á skeiðmótið í Ármóti, því það hefði jú verið inní samningum í upphafi að ég hafi ALLS EKKI ætlað að taka þátt í skeiðinu. En ég lét undan, gat ekki verið þekkt fyrir annað fyrst ég var orðin efst í deildinni, varð að þykjast berjast allavega. Ég afréð að gera aðra tilraun með Zeldu og fara með hana í 150 metrana og þ.a.l fyrsta skipti sem ég hleypi út úr boxi (Siggi var reyndar búinn að vara mig við því að Zelda væri inní boxi eins og hún væri í hagléli, svo það hljómaði ekkert sérlega uppörvandi fyrir jómfrúarferðina ;) Fyrri umferð gekk fínt, nema ég fór of pent í hvatningarnar og fékk enga keppni frá hestinum sem var hleypt með. Og svo átti sko að gefa allt í botn í seinni umferð, en hún stóð ekki nógu vel í básnum og stökk út á kusu og þar með var það "game ower".  Munaði samt sorglega litlu að ég næði inn stigum því hesturinn í 9. sæti fór bara tveimur sekúndubrotum hraðar en ég, ellefta sæti varð því niðurstaðan...... En jæja,  nú er ég búin að prófa að hleypa úr boxi og læra hvernig hestur á að standa í boxi,  það er það jákvæða við allt saman..... aldrei að vita nema maður prófi það aftur einhverntíman síðar!


Ég var búin að fara nokkra hringi með val á hesti í gæðingaskeið, en var í lokin komin með þá skoðun að ég færi með Dimmi, enda ætti ég að þekkja hann best. Vandamálið var hins vegar að eftir að hafa verið frábær í janúar og febrúar, þá var hann ekki eins frábær í mars, og það skrifast að hluta á mig og mínar járningartilraunir en nokkrum dögum fyrir mótið set ég hann á orginal járningu og hann fór að verða eins og hann átti að sér að vera....þetta video tekið kvöldið fyrir mótið.... Það böggaði mig samt að hann var jafn reynslulaus í þessari grein og ég.

Siggi var nokkrum sinnum búinn að bjóða mér Birting sinn við litlar undirtektir, því ég vissi að hann var að fara á honum í 150 metrana og vildi ekkert vera að hringla inní því dæmi og fannst það ekki við hæfi.  En á mótsstað fór hausinn á mér að snúast í hringi og ég ákvað að prófa gamla snillinginn sem gekk bara svona voða fínt, og ákvað því að leyfa Jarpi mínum að bíða bara inní húsi.  En gamli var nú ekki lengi að fatta að meistari Sigurður var ekki lengur við stjórnvölinn og tók góðan snúning á mér, svo við riðum ekki feitum hesti frá þeirri keppni. Og til að toppa daginn, lagði ég á Dimmi eftir mótið uppí Ármóti, lagði hann upp afleggjarann þar og hann nottla eins og hugur minn..... ég ætla ekki að hafa eftir hvað ég blótaði sjálfri mér mikið eftir hringlandaháttinn í mér!


Rétt áður en Birtingurinn ákvað að leika á mig ;)

Fyrir lokamótið, fimmganginn fékk ég lánaðan reiðhestinn hans Ragga Hinriks, Völ frá Árbæ rétt fyrir mót. Loðinn og krúttlegur innan um alla "spikk and span" graddana skilaði hann sínu með sóma fékk 6.50 í einkunn sem væri á venjulegu móti hin fínasta einkunn og í fyrra hefði dugað í B-úrslit í Meistaradeildinni. En það var öðru nær í ár á þessu firnasterka móti þar sem dramatíkin og spennan réði ríkjum til enda. John tók heldur betur glæsilegan endasprett í deildinni þegar hann vann sig upp úr 10unda sæti í það fyrsta á Konsert frá Ármóti, sem ég á "by the way" glæsilegt folad undan síðan í fyrra :)


Konsert sonurinn.

Heildarstigakeppnin í deildinni fór þannig að Misa vann verðskuldaðan og öruggan sigur.

  1. Artemisia Bertus  lið Hrímnis 48,5
  2. Jakob Svavar Sigurðsson lið Top Reiter / Ármót      41
  3. Sigurbjörn Bárðarson Lýsi 36
  4. John Kristinn Sigurjónsson Lýsi 35
  5. Sara Ástþórsdóttir Ganghestar / Málning      34    
En það að vera í Meistaradeild kallar líka á fjölmiðlathygli og endalaus viðtöl, sérstaklega þegar vel gengur... og þó maður geti á stundum verið málglaður, þá langar manni líka stundum bara til að þegja og getur alveg lent í því að verða algerlega andlaus þegar ætlast er til annars.
 
Um miðjan marsmánuð fékk ég bæði hressar Eiðfaxa konur og hressan Samúel Örn í heimsókn á fallegum fimmtudegi og málbeinið var alveg sæmilega laust ;)  Sjónvarpsþáttinn má sjá hér:   http://www.ruv.is/sarpurinn/meistaradeild-i-hestaithrottum/21032012 og Eiðfaxann má kaupa útí búð eða í áskrift á netinu. 

Það er náttúrulega frábært þegar almennir fjölmiðlar sýna hestasportinu áhuga, Morgunblaðið hefur líka komið að fréttaflutningi frá stærstu mótum vetrarins og bara vonandi að fjölmiðlar haldi áfram að veita þessu eina vinsælasta sporti þjóðarinnar athygli og helst enn meiri.



Montrassgatið sem skottaðist í kringum mig á hólnum í lok sjónvarpsþáttarins er hryssa á fjórða vetur sem ég hef töluverða trú á, Meyja undan Dimmir og Mær Mónudóttur opin og skemmtileg klárhryssa. Hún fékk líka þann heiður að verða forsíðufyrirsætan í Eiðfaxa!

Það er búið að vera frábær reynsla að taka þátt í Meistaradeildinni í vetur og hefur ýtt manni verulega út fyrir þægindaramman að keppa í fullt af nýjum greinum sem ég hef hingað til ekki haft nokkurn áhuga á og hefur haldið manni við efnið dimmustu mánuði vetrarins. Ég þakka liðsfélögum mínum kærlega fyrir samveruna í vetur, þetta er búið að vera virkilega skemmtilegt og gefandi að vinna með ykkur, takk fyrir mig!

26.03.2012 10:57

Svellkaldar!


Veturinn í vetur hefur verið viðburðarríkur og af mörgu af að taka. Það hefur heldur ekki verið auðvelt að hafa eirð í sér og setjast fyrir framan tölvuna og blogga auk þess sem tölvan fór í smá mótþróastuð þegar ég ætlaði að setja hérna inn myndir fyrir nokkru.... en hún virðist hafa jafnað sig á því blessunin svo enga hef ég afsökunina lengur!

17. mars mættum við gallvaskar á ísmótið Svellkaldar konur. Sóllilja fór þar með í sína fyrstu töltkeppni og við fengum 7.23 í forkeppni.  Úrslitin voru aðeins daprari, en ég kenni tilraunastarfsemi minni algerlega um það, því ég ákvað að skera undan henni botnana sem hún var með í hléinu og það gekk erfiðlega að finna réttan takt fyrst eftir það, en við enduðum í fimmta sæti og bara vel ásættanlegur árangur það á fyrsta töltmótinu.




Rósa mætti til leiks á nýrri litfagri hryssu frá Hrefnu og Jonna, Dís frá Jaðri. Dís er undan Þrist frá Feti. Þær komust inn í B-úrslit og gerðu sér lítið fyrir og unnu þau með meistarabrag, en þreytan farin að segja aðeins til sín í A-úrslitum og þær enduðu því í 6 sæti. Glæsilegt það!  


Aðstoðartamingarkonurnar mínar þreyttu frumraun sína á svellinu og Andrea náði 5.sæti á hryssunni sinni Kátínu frá Grímsstöðum og Verena 6.sæti á Hjaltalín frá Reykjavík í sínum flokki.



Hrefna María og Hugleikur frá Fossi, góður hestur sem Hrefna hefur nýlega fengið í sölumeðferð fengu ágætis einkunn 6,30 en það dugði þó ekki í úrslit.

Það verður kannski eins og að bera í bakkafullan lækinn að tala um meistaradeildina sem hefur verið mikill tímaþjófur í vetur, en það verður samt gert á næstunni :)   

13.03.2012 23:34

Ármótstíðindi - Þyrnirós að skila

Það var einn daginn í febrúar mánuði að Hrefna María skrapp í heimsókn til síns heitt elskaða í Ármót og fór yfir stöðuna hjá honum og hrossunum. Enda gengur það ekki til lengdar að leyfa honum leika lausum hala þar niðurfrá án þess að Bossinn (Hrefna María) viti hvað er í gangi og hafi stjórn á hlutunum. 

Staðan á hrossunum hjá honum var góð enda nú ekki við öðru að búast. John Kristinn er afar flinkur tamningamaður og þjálfari. Þolinmóður, næmur og flinkur, laðar það besta fram í trippunum á þeirra forsendum, ríður þeim fram með léttleika og lipurð. 

 
Álfarós frá Álfhólum er ung hryssa á 5 vetur. Hún er undan Þyrnirós frá Álfhólum og Braga frá Kópavogi. Álfarós er því hálfsystir Þrumufleygs. John tamdi hana í fyrra og var hún komin nokkuð langt í tamningu en tekin sú ákvörðun að leyfa henni að þroskast aðeins meira áður en farið væri með hana í dóm. John byrjaði svo með hana núna í Janúar aftur. Hún er svo sannarlega að blómstra þessa dagana og heyrðist í Johnna í gær að hryssan væri "alveg svakaleg" meira segja í þessu drullufæri sem búið er að vera. Hún er mjög rúm og afar hreingeng og mikið fas og rými. Frábært tölt og mikið brokk, örugglega alhliða hryssa.  


  
Hrefna hafði orð á því að myndirnar náðu ekki að fanga fasinu nægilega vel og að hún lúkkaði betur "live" en á myndum. "Hún er bara ótrúlega líka Þrumufleyg, með þetta svakalega mjúka tölt, rými og vilja og svona flengi rúm á brokki" sagði Hrefna. 



Álfarós er í eigu Róberts og Sigurðar Húsafellshesta félaga og ekki fyrsti gæðingurinn sem þeir pikka út úr stóðinu á Álfhólum!

John er núna með 3 hálfsystkyni í tamningu öll undan Þyrnirós. Þau Þrumufleyg, Álfarós og svo er hann með einn fola á 4 vetur, Þrumu-Þór, sem er undan Leikni frá Vakurstöðum. 



Þrumu-Þór var gerður reiðfær fyrir áramót þegar þessi mynd var tekin og var sérlegur aðstoðamaður Johns fengin í verkið að sýna okkur hann. Enda er John búin að læra taktana vel af Hafliða, að hann þurfi sko að standa með gestum og lýsa nákvæmlega hvað ber fyrir augu auðvitað með miklum tilþrifum! 



Kári Steins er flinkur tamningamaður sem starfar með John Kristni á Ármóti. Tíminn verður að leiða það í ljós hvernig hestur Þrumu-Þór verður en hann er stór og þroskamikill hestur sem er núna í gangsetningu og gengur ágætlega, þó svo að á tímabili í Janúar hafi hann fengið viðurnefnið "Stjörnukíkir" , það nafn hefu þó núna rjátlast af honum enda John ekki þekktur fyrir að hafa hrossin sín eins og endur á oddaflugi !  :) 

21.02.2012 11:37

Landsmótsbreytingar



Held að það fari ekki framhjá neinum í hestaheiminum þessar heitu umræður um kynbótasýningarfyrirkomulag á landsmótum, sem mörgum finnst illa ígrundaðar þó það megi sjá jákvæða punkta í þeim.

Núningur innan stéttarinnar er ekki hestaheiminum hérna til framdráttar, en stundum finnst manni ekki alveg nógu góð tengsl milli þeirra sem ráða og þeirra sem vinna á akrinum.  Og þó maður mæti á fundi, og tjái sig þar, þá er ekki alltaf haft rétt eftir manni eða orðin mistúlkuð.... en það er önnur saga.

Ég var spurð útí þessa hringvallarreið af hestafréttum fyrir nokkru og ég ætla ekkert að útlista það aftur hér en ummæli mín má lesa hérna.

Ráðunautur hefur miklar áhyggjur af því að hrossin okkar séu ekki nógu góð til að vera á hringvelli eða illa tamin eða þjálfuð.  Knapar hafa aftur á móti meiri áhyggjur af framkvæmd dóma, að ekkert fari fram hjá dómurum, af því að einungis 8 ferðir voru riðnar í forsýningu og ekki ólíklegt að eitthvað fari úrskeiðis, því þrátt fyrir að hrossin okkar séu vel tamin og þjálfuð, þá erum við með lifandi dýr og það getur alltaf eitthvað komið uppá.  

Ekki er ólíklegt að óánægjuraddirnar með hringvallarreiðina á yfirliti séu enn hærri einmitt af því að það er búið að klippa af ferðunum.  Sumir segja að 8 ferðir séu nóg af því að Spuni gat farið 8 ferðir og fengið topp einkunn..... ok, það tókst vel til en það eru ekki öll hross eins góð og Spuni og ekki allir sýnendur jafn reynslumiklir og Þórður Þorgeirs. Væntanlega viljum við hafa breidd í knapaflórunni sem sýnir kynbótahrossin, ekki bara að taumurinn sé réttur örfáum knöpum á brautarenda.  Ég horfði á mikla fagmenn fara mislukkaðar ferðir í forsýningu á síðasta landsmóti, oftar en einu sinni og oftar en tvisar og ef einungis 8 ferðir hefðu verið farnar, hefði hrossið komið inná yfirlit með dapran hæfileikadóm.

Ef að fagráð hefði ekki alveg farið offari í þessum breytingum sínum, hefði kannski ekki orðið meiri sátt?   Ef þeir hefðu haldið ferðunum í forsýninunni í 10 ferðum og einungis gert breytingar á yfirlitssýningunni?   Það er nú auðvitað svo að menn reyna að ná öllu sem hægt er í forsýningu og ekki að treysta á hækkanir á yfirliti.  En til þess þarf líka að hafa aukaferðir fyrir þær sem klikka, það er ekkert sem má klikka ef riðnar eru bara 8 ferðir, og ég vil árétta það enn og aftur, sama hvað hross eru vel tamin og þjálfuð, þá geta alltaf orðið mistök.

Það versta í þessu er að það er ekkert víst að það sé nokkur tímasparnaður sem felst í þessu nýja fyrirkomulagi yfirlitssýningarinnar.   Það tekur tíma að fara 3 hringi og tvær ferðir á beinu brautinni, það er í raun búið að fjölga ferðum á yfirliti úr 6 í 8 ef við tölum um eina langhlið sem eina ferð. Svo þess fyrir utan er hellings úttekt úr hrossi að ríða í afköstum 3 hringi og eiga svo orku eftir í að sýna afköst á beinu brautinni.  Vil minna á að það er bannað samkvæmt lögum að ríða 4 vetra hrossum á hringvelli í keppni, þannig að þetta skýtur skökku við!

Ég er búin að vera að hugsa þetta aðeins eftir að þetta kom upp, og er komin á þá niðurstöðu að ef forsvarsmenn vilja endilega breyta formi yfirlitssýninga, þá verði forsýningin að fá að halda sér eins og hún er, 10 ferðir, það verður ekki sátt um annað held ég.   Og yfirlitið yrði 2 hringir á hringvelli í stað þriggja og tvær ferðir á beinu brautinni, og knöpum væri í sjálfsval sett hvort þeir byrjuðu eða enduðu sýninguna á hringvellinum en hollið verður að vera samtaka í því.  Ég er ekki á því að það eigi að vera opið inná hringvöll og menn geti farið þangað ef þeir vilja einhversstaðar í sýningunni, það gengur ekki upp að það sé riðið bæði á hringvelli og beinu brautinni í einu, því þá geta knapar verið að ríða á móti hvor öðrum.  

Yfirltssýningin myndi klárlega styttast eitthvað við þetta frá núverandi fyrirkomulagi, forsýningin heldur sér, og ég sé ekki stóra vandamálið í því hvort 7 v hryssur byrji á sunnudegi eða mánudagsmorgni.  Forsýningar eiga að fá að taka sinn tíma, en rennslið þarf að vera gott frá fimmtudegi til sunnudags þegar flestir eru í brekkunni, hvort sem það yrði með betra utanumhaldi núverandi fyrirkomulags t.d með takmörkun á fetreið, ákvörðun í hvaða ferð það megi vera riðið og stjórnanda við hvorn brautarenda sem passar uppá flæðið, eða ef að menn vilja brydda uppá einhverju nýju.  Það verður þá að passa að nýungarnar verði til batnaðar og hugsa þær til enda.


18.01.2012 20:26

Nýir eigendur

Nýja árið tekur á móti okkur með rysjóttu veðri, en afar fallegum dögum inná milli.  Árið 2011 hefur verið viðburðarríkt en að fara að gera það sérstaklega upp er að bera í bakkafullann lækinn því flestum stórviðburðum hafa verið gerð góð skil í fyrri fréttum.

Salan var ekkert til að hrópa húrra fyrir framan af ári en þó var að fara eitt og eitt hross fram á sumar.  En þegar haustaði hljóp heilmikið líf í hana og mörg hross skiptu um eigendur og hér eru nokkur dæmi:



Xenia og móðir hennar Dr. Anja eignuðust Vöku hennar Hrefnu Maríu núna í haust.
Þær mægður hafa verið í sambandi við okkur og gengur vel með Vöku í útlandinu sem er alltaf gaman að heyra. 

Hér er video af Vöku og Hrefnu síðan á Ístölti 2011



 

Kraftur frá Strönd skipti líka um eigendur og er á leið til Swiss núna í vetur. Hann verður þó framan af í þjálfun þangað til hann fer út. 



Hinn stóri og myndarlegi Solandus er kominn út til Slóveníu.  Solandus er albróðir bleikblesóttu Sóllilju. Traustur og góður fjóragangari. Hér er skemmtilegt video af honum á youtube.


Sóldís var að lenda í Swiss núna í vikunni ásamt Hilmi frá Álfhólum sem því miður engin mynd er til af. Góð reiðhross sem eflaust eiga eftir að gleðja hina nýju eigendur mikið enda með eindæmum elskuleg og góð hross. 


Kathy góð vinkona okkar frá Þýskalandi féll fyrir frábærri hryssu hjá vinum okkar í Ármóti. Ása frá Ármóti er hrikalega efnileg alhliða hryssa sem eflaust á eftir að vera mjög sterk í sportinu í framtíðinni. Hún er alsystir Ás frá Ármóti. Hér er mynd af henni og Ásu og John. 



...og hér er nýr eigandi kominn á bak. Ása fer utan núna í febrúar. 



Og Katharina vinkona Kathy fann sína draumahryssu í hesthúsinu á Álfhólum í sömu ferð, hina léttu og litfögru Litbrá frá Baldursshaga.



Og maður verður víst að týma einu og einu uppáhalds....Eldglóð Gásku og Bragadóttir fer þó ekki lengra en í næstu sýslu, en verður hér fram á vor fram yfir sýningar.



Fyrstu verðlauna hryssan Vaka frá Kanastöðum fór síðsumars.



Víkingssonurinn Nói vakti lukku hjá nýjum eigendum sínum í Þýskalandi, en það fuku nokkrir svona reiðhestar og hryssur hingað og þangað. Yljar manni alltaf um hjartarætur þegar maður fær email og skilaboð frá nýjum eigendum "Er ist ein tolles Pferd!! :)"  ... I love him to death, he is so nice... 

Við leggjum okkur í líma við að bjóða aðeins góð, traust, vel tamin hross sem okkur líka vel við sjálfum, til sölu og reynum að finna rétta hestinn handa hverjum. Við teljum það vera grunninn að að góðu orðspori.  Við hikum ekki við að neita að selja, ef okkur finnst áhugasamur kaupandi ekki passa fyrir hestinn sem við bjóðum.  Það er svo mikilvægt þegar mikið er selt í gegnum netið að það ríki fullkomið traust og það sé ekki stokkið á hverja einustu sölu sem kemur upp, án þess að spá í hvort hrossið komi til með að henta viðkomandi.

En það kemur hestur í hests stað og hérna fyrir neðan eru nokkur dæmi um hross sem eru á sölu hjá okkur...



Ketill frá Vakurstöðum, frábær fjórgangari og töltari sem hentar öllum. Mikið unninn hestur með einstakt geðslag og farsælan ferill í keppni að baki. Meira um Ketil HÉR



Einn af Söru uppáhalds, Gaukur frá Strandarbakka, klárlega efni í alvöru fimmgangshest.  Video HÉR og HÉR



Stormur frá Kanastöðum, traustur, risastór og skreffallegur alhliða hestur, Eðlistöltari. Meira um Storm  HÉR



Svo fyrir þá sem vilja komast hratt á tölti í framtíðinni er hér ein undan Asa frá Kálfholti, hryssa á sjötta vetur, Lind frá Baldurshaga.  Video HÉR  tekið eftir 3 vikna vetrarþjálfun en hún var þá búin að vera í fríi frá því í Júlí með tilheyrandi aukakílóum.  Var fyrst tamin í fyrravetur og á mikið inni.

Allar upplýsingar [email protected]

27.12.2011 00:13

Gleðileg Jól - Holiday Greetings





Kæru vinir nær og fjær!

Eigið yndislega jólahátið og megi nýja árið færa ykkur gleði, gæfu og góða heilsu. Þökkum samveru og góðar stundir á liðnu ári. 
Hittumst heil á því nýja!

Jólakveðja frá okkur öllum á Álfhólum!


Dear friends,
 
Merry Christmas to you all near and far. Wishing you good times, good cheer and a happy new year!


Holiday greetings from everyone at Álfhólar!

19.12.2011 21:47

Meiri snjó, meiri snjó....





Var að vafra á netinu um daginn, og fannst ekki vera neinar fréttir neins staðar..... gleymdi alveg að líta í eigin barm enda kominn mánuður síðan eitthvað kom hérna inn!

Eftir rigningarsamt en hlýtt haust skipaðist skjótt veður í lofti.  Svo fljótt að það munaði minnstu að ég missti af flugvélinni 25 nóvember til Þýskalands þar sem ég var boðuð með námskeið, vegna þess að ég þurfti að keyra undir löglegum hraða á Reykjanesbrautinni vegna hálku!  Alveg með eindæmum hvað maður lætur veturinn alltaf koma sér á óvart þótt það sé langt liðið á hann ;)

En vá, loksins fylgdi skemmtilegt útreiðarfæri vetrinum.  Það hefur nefnilega oft verið svo að hér hefur bara fryst á auða jörð og allt gaddfreðið og útreiðarfærið núll spennandi!



Það er verst ef að það hvellspringur á hrossunum hjá manni þegar það þiðnar!  Annars erum við frekar mikið að nota reiðhöllina þrátt fyrir færið, en það er gaman að láta skyrpa úr hófum á mjúkum snjónum annað slagið.  Allavega leiðiðst  Sóllilju  það ekki og mér leiðist það enn minna að ástarfundur hennar og ónefnds stóðhests hafi ekki gengið upp í sumar enda bara gaman að hafa þessa kátu pæju undir hnakk :)   



Ég ætlaði líka að taka ægilega myndasyrpu af Mánastein nýjárnuðum... svona áður en hann yrði enn og aftur haltur á einhverri löpp...... en það gleymdist víst að kenna myndatökumanninum á myndavélina, svo hann missti af öllum bestu mómentunum.  Hann fékk svo að heyra það eftir á að maður heldur takkanum inni, en ýtir ekki á við hverja mynd, þetta er sko vél sem á að taka 8 ramma á sekúndu en ekki bara einn!!! ;)

En kappinn hangir enn á löppunum og bætir sig vonandi bara fram að næstu myndatöku.  Hann er búinn að vera hálfgerð óheillakráka þessi hestur, slasaður á framlöpp á fjórða vetur, hóstandi langt fram eftir vetri í fyrra, og svo loksins þegar hann hætti að hósta fór hann að fá dularfulla helti í afturfót sem ekki fannst nein skýring á, nema við komumst að því að hann svaraði beygjuprófi á kjúku.  En hann á langt í land með rétt rúma 4 mánuði í tamningu þegar allt er talið og kominn á sjötta vetur :/



Það var aðeins grænna úti í Þýskalandi síðustu helgina í Nóvember þar sem ég dvaldi í boði Kathrin Kasper sem keypti hann Andvara Eldvakason fyrir einu ári síðan.  Þar var ég með helgarnámskeið fyrir ca 10 manns, ágætis tilbreyting :)



En þessi snemmbúni vetur hefur sína ókosti, því aldrei hefur þurft að byrja að gefa hrossum eins snemma.  Systurnar Gáta og Gæska passa vel uppá hvor aðra í stóðinu.  Það er reyndar búið að skilja þær að núna því Gáta er komin inná hús en Gæska er fylfull við Kraft frá Strönd.  Hún kom geld heim frá hesti í haust, og það var örþrifaráð þegar langt var liðið á september að halda henni og Kraftur sá hestur sem var ekki náskyldur henni og var innan seilingar.   Hvort það er gáfulegt að starta 1st verðlauna hryssu svona seint verður bara að koma í ljós.... en mér hefur tekist að rétta af hryssu sem var haldið um miðjan september fyrir fjórum árum en kastaði um miðjan júní í sumar, og hef ég þó ekki alltaf náð henni á folaldagangmáli.



Og svo var ég að dusta rykið af Gauk frá Strandarbakka eftir eins og hálf mánaðar hvíld.  Það voru meiri mistökin hjá eigandanum að setja þennan hest til mín í þjálfun með sölu í huga.... ég tími bara ekkert að selja hann!  Með skemmtiegri fimmgangshestum sem ég hef verið með, hefur hreinar og rúmar gangtegundir, og rífur vel í skeið þó það sé lítið þjálfað, enda hesturinn ekki tamin nema nokkra mánuði.

Nú, svo vonar maður að snjórinn fari hvergi og það verði flennifæri frameftir vetri :)


18.11.2011 09:00

Fjör, Fas og Fótaburður!



Það er alveg á hreinu að hápunkturinn hjá Álfhóla "crewinu" í sumar var að taka þátt í ræktunarbússýningunni á Landsmótinu.  Það var ákveðið með frekar stuttum fyrirvara að vera með því okkur hafði ekki hugnast tímasetningin fyrir ræktunarbússýningar, en þær áttu upphaflega að vera um miðjan dag á fimmtudag.  En Maggi Ben fékk því breytt og taldi okkur á að koma og vera með, því hann hafði trú á því að við hefðum fullt erindi.

Þeir sem voru eitthvað svekktir út í mig að hafa ekki mætt með Dívu í töltið á Landsmótinu, þögnuðu alveg, því þeir fengu alveg nóg að sjá af henni og hreint ekki léleg skipti að fá að þeyta henni trekk í trekk eftir beinu brautinni þar sem fasið og frelsið í henni nýtur sín best.  Og Díva fékk nóg að snúast, kom líka fram með föður sínum Arð á Laugardag, sem tók við fyrsta sætinu fyrir fyrstu verðlauna afkvæmahesta.  Það voru sumir hissa á því af hverju ég reið henni ekki í veðlaunaafhendingunni í 7 vetra flokknum.... Mér þótti tvær innkomur sama daginn vera meir en nóg á hrossi sem gefur allt í botn þegar beðið er um.


Þrumufleygur fékk líka heldur betur að snúast og auk yfirlitsýningar á föstudeginum var hann líka í Þóroddshópnum, en hann stóð sig vel og engan bug að sjá á honum þó lagt væri á hann í þriðja sinn á föstudagskvöldið. Hann var eitt af flaggskipum hópsins þó aðeins fimm vetra sé!!



Dimmir tók hraustlega á því á skeiðinu hjá Leó, svona allavega þegar hann skeiðaði, því kallinn átti til að kynda full mikið undir kötlunum ;)  






Klárhryssurnar í hópnum. Hans Þór á Indíu, Janus á Gjósku og Hrefna María á Sóllilju.


Það var smá hausverkur að finna knapa fyrir sýninguna, en 4 þessara hrossa höfðu varla fengið annan knapa á bak sér nema mig sjálfa.  Tveir vinir Jonna voru til í "geim" og svo var reynt að raða öllu saman eins og best þótti passa.  Þökkum þeim félögum Janusi og Hansa Hvergerðingum kærlega fyrir hjálpina :)

 :

Þær voru kátar Hrefna og Sóllilja ;) "Svona hlýtur Beyoncé að líða eftir hverja tónleika hehehe" kom upp úr Hrefnu eftir laugardagskvöldið. "Þvílíkt kikk að láta 6000 þús mans klappa í takt og hrópa stuðnings orðum að manni!!" 



Gjóska og Janus stóðu sig vel.



Og Hansi fór vel á Leiknisdótturinni Indiu.

Það eru sumir sem segja að það sé lítið að marka svona ræktunarbússýningar, hrossin séu öll yfir viktuð á botnum og 300 gramma hlífum. Það er því gaman að segja frá því að öll hrossin okkar voru á 8 mm skeifum fyrir utan Indiu sem var á léttu fylliefni að auki.  Þyngstu hófhlífarnar voru 200 grömm en allflest voru með 120-155 gramma hlífar.  


Þar kepptu 12 frábær ræktunarbú um þann heiður að fá að koma fram á Laugardagssýningunni. Eftir föstudaginn kom í ljós að það voru tvö bú jöfn að stigum og var þeim att saman í einvígi á laugardagskvöldið, en auk Álfhóla voru það Syðri-Gegnishólar sem var valið hrossaræktunarbú 2010. Skeiðgaffallinn hjá þeim á Laugardagskvöldið var vígalegur og urðum við því að lúta í lægra haldi í þessu einvígi.

En við vorum engu að síður hæst ánægð með árangurinn og stuðning þeirra sem kusu okkur og veittu okkur þann heiður og gleði að vera með á laugardagskvöldinu.  Löngu síðar er maður að hitta fólk á förnum vegi sem lýsir yfir ánægju sinni með ræktunarbúsýningarnar sem sumum þótti toppurinn á mótinu....ekki leiðinlegt að vera þátttakandi í því :D

Læt hér fylgja með nokkur video af stemmingunni.


Skemmtilegt video af bæði Álfhólum og Efri-Gegnishólum á laugardagskvöldið.


Sýningin okkar á föstudaginn.


Sýningin á Laugardaginn.  




Takk fyrir okkur þetta var magnað!!




Og svona í lokin er hér video af afkvæmasýningu Arðs frá Brautarholti.



Ætli það sé ekki toppurinn á tilverunni að þjóta áfram á fljúgandi tölti án þess að þurfa að halda í tauma, mér finnst það allavega ;)

Það má í lokin geta þess að Díva á von á fósturvísafolaldi með áðurnefndum Þrumufleyg sem mun væntlanlega líta dagsins ljós í maí á næsta ári ef allt gengur upp.    

Díva sjálf heimsótti Óm frá Kvistum seinnipartinn í ágúst, en það stopp hefur líklega verið of stutt, því það bar engan ávöxt, enda kannski svoldið seint í rassin gripið og kannski má kalla það græðgi að heimta tvö folöld undan sömu merinni á ári.  Hún kom því á hús fyrir viku síðan, eiganda sínum til ánægju og yndisauka og byrjar betur en nokkru sinni fyrr, það er varla að maður þori á bak svo maður skemmi ekki neitt ;)

Gjóska er hinsvegar fylfull, líka við Þrumufleyg, verður gaman að sjá og bera saman hálfsystkinin undan þessum jafnöldrum, Dívu og Gjósku. 


En að setja upp svona sýningu er ekki bara að sitja á hrossunum og gott aðstoðarfólk er gulls ígildi. 
(Skrifað af Hrefnu Maríu).

Þó við vorum einungis með 6 hross og 6 knapa þá er heilmikið umfang að koma öllu af stað og hafa allt klárt á réttum tíma, finna reiðtygi og hafa búningana klára. 



Strákarnir voru nú ekkert yfirsig ánægðir þegar þeir sáu mig (Hrefnu) koma með allt siflurskrautið og byrjaði að festa það allt á jakkana og ekki má gleyma silfurglans bindinu!!! 

Sagði þeim bara að finna Diskó-Pallann í sér því þetta væri sko Gordjöss!! ... Þeir voru nú ekki alveg á þessu en eftir að ég kom þeim öllum í gallann fengu þeir Módjóið aftur...  og held ég í margfölduðu veldi í þessum líka gordjös búningum!!


Guðrún Elín ein af hjálparhellunum fékk ekki verra hlutverk en að passa Thunderinn :) Thanx!



Þessi sá um að allir væri í góða skapinu og engin "smala/stress" veiki færi um mannskapinn og jú að allir væri stífbónaðir! Thanx Jódís mín ;) 



Allt komið á fullt. Rakel frænka sér hér um að taglið á Dimmi sé rétt kembt :)



Mamma (Rósa) sá um að Janni væri tiptop á Gjósku, taglið verður bara að vera í lagi!



Díva... þó þú sért díva færðu bara gamlan, ljótan, gulan múl á hausinn!!! ... hmmm... Sara á ég ekki að gefa þér glimmer múl á hana í Jólagjöf??



Mesti tíminn hjá mömmu fór nú reyndar í að dást að Fleygunum sínum :) ... ótrúlega skiljanlegt svo sem. 



Rakel með Sóllilju... ekkert unglinga vesen á þessari ungu stelpu. Hjálpaði okkur mikið sem og hinar góðu vinnukonurnar okkar í sumar. Takk stelpur Andrea, Nína, Þórunn, Rakel og ekki síst Hjördís sem var hægri hönd Söru á Landsmótinu.  Þær eiga mest allan heiðurinn af videounum og myndum af atriðinu okkar.  




Þruman góða!! Mestu rokkarar kvöldsins klárlega ;) 



Þessi fékk örlítin einkenni "smala veikinnar" jájá bara svona meðan allir vour að fá axlarpúðana sína, bindin, réttu hófhlífarnar, efrimúl, neðrimúl, skáreim.... og hvað ekki hvað... en það þarf nú eitthver að sjá um að allt sé í topp lagi hehehe.. 



Mamma og Jódís tilbúnar í geimið .... 

og við líka ;)))



Hópurinn komin á bak og reddí að rokka !! 

-Álfhólar, Hrefna María out-

18.10.2011 22:36

Létt yfirlit ársins 2011



Var í gamni að flétta upp í World Feng og skoða árangur okkar þetta árið.  Verð að viðurkenna að ég spái yfirleitt lítið í einkunnir fyrir þetta hitt, heldur reyni að gera mitt besta í það og það skiptið.
Fannst t.d frekar fyndið í vor þegar vinur minn hringdi í mig og sagði mér að ég mætti sko alls ekki sýna hryssuna sem ég var að fara að sýna, ég væri með svo hátt meðaltal á sýndum hrossum. Hann vissi nefnilega að ég hafði sagt að hún væri ekki tilbúin og færi ekki í fyrstu verðlaun þetta skiptið. Ég hló bara og sagðist ekkert vera að spá í því og sýndi hryssuna í sína 7.80 :)   Reyndar komst ég samt á lista, 3-4 sæti, í vor yfir þá knapa sem höfðu hæsta meðaltalið yfir sýnd hross, getum sagt að þar hafi verið gæði umfram magn, því hrossin voru ekki nema 7, annars er gömul frétt um þetta hér   http://eidfaxi.is/frettir/2011/06/mette-med-haesta-medaltal-thordur-med-flest-hross

Ég komst líka að því í þessari stuttu rannsókn að ég er ekki nema hálfdrættingur á við Hrefnu Maríu, en meðaltal hennar í kynbótasýningum ársins er tæplega 8.21.  Hún sýndi 3 hross Kolku frá Hákoti, Eirvör frá Hamrahóli og Grím frá Vakurstöðum, tvö alhliða hross og eitt klárhross.

Rúmlega 8.05 var hinsvegar meðaltal hjá mér á 8 sýndum hrossum sumarsins, en hlutfall klárhestana var hærra eða 5 á móti 3 alhliðahrossum. 

Svo fór ég að skoða hrossin frá Álfhólum og komst að því að það eru 11 hross sýnd á árinu með 8.01 í meðaleinkunn.  Tólfta hrossið Frumraun einnig skráð frá Álfhólum en er ræktuð af og í eigu Danna Smára og tilheyrir strangt til tekið ekki ræktun fjölskyldunnar og er því ekki tekin inní þennan útreikning.

Meðaltal hæfileika er 8.05, byggingu 7.94.  7 þessara hrossa eru klárhross, 4 með skeiðeinkunn. Af einstökum einkunnum er gaman að nefna að meðaltalið fyrir tölt er 8.68 :)

Meðalaldurinn er hins vegar ekki hagstæður í útreikningum og munar þar um 11 vetra gamla hryssu Flugu sem lækkar í dóm, og það gerir reyndar Gáski frá Álfhólum líka, 8 vetra gamall, en þessi hross eru fyrir löngu komin úr okkar eigu. Meðalaldurinn sýndra hrossa er því nokkuð hár, 6.90.

Svo maður haldi áfram að leika sér að tölum og tökum þau hross út sem við höfðum með að gera, þá voru það 8 hross og meðaltalið tæplega 8.10 í Aðaleinkunn, meðalaldurinn kominn niður í 6.25 og þar af eru 5 klárhross og 3 með skeiðeinkunn. Hæfileikaeinkuninn tæplega 8.14 og bygging 8.03.  



Dimmir hafði ekki farið í dóm síðan fimm vetra gamall þar til í sumar, en hann hækkar töluvert nú 8 vetra gamall, endar í 8.29 og með 8.57 fyrir hæfileika og er þ.a.l með hæstu hæfileikaeinkunn búsins og er annað hæst dæmda hross frá Álfhólum þó byggingareinkunn hjálpi lítið til við það.



Díva hálfsystir hans er hæst dæmda hrossið, en aðaleinkunn hennar var 8.33 og þar munaði um tíutvennuna fyrir tölt og vilja, 8.54 fyrir hæfileika. 



Klárhryssan Gjóska hækkar og fær 8 í einkunn, 8.05 fyrir hæfileika.



Sóllilja 6 vetra klárhryssa sýnd í fyrsta skipti með 8.15, 8.14 fyrir hæfileika.


Gæska 6v klárhryssa sýnd í fyrsta skipti vetra með 8.00



Indía 6 vetra  sýnd í fyrsta skipti 7.92



Þrumufleygur er 5 vetra hækkar dóm sinn frá því fjögurra vetra töluvert og hefur þriðju hæstu aðaleinkuninna 8.27, 8.42 fyrir hæfileika



Klárhryssan Gáta 5 vetra sýnd sína fyrstu ferð í 7.80


Þetta eru ekki hávísindalegir úteikningar en það getur verið gaman að spá í þetta. Kannski eru einhverjar vitleysur í þessum útreikningi, því talnagreind er greind sem mér var ekki gefið sérlega mikið af ;)

Já og vindótta folaldið efst á síðunni, er "wannabe star" undan Þrumufleyg og Móey Eldjárnsdóttur, hestfolald.

01.10.2011 23:22

Hámarks hagnaður hlutabréfa!

Smásaga um Rósu hestheppnu og hrossakaupin hennar.
Kona sem hefur aldrei tapað á hestakaupum!

Skrifað af Hrefnu Maríu.

Það var einn sumardag að við sátum inn í kaffi í Álfhólum, farið var yfir stöðuna í hrossamálum, spáð og spekúlerað í stóðhestum og hryssum eins og gengur og gerist meðal hestamanna á þessum tíma ársins. Íkon hennar mömmu (Rósa Valdimars, móðir systir Söru) barst þá í tal og var mamma með það á hreinu að hann væri besti hestur á Íslandi... hún lét dæluna ganga um að þetta væri sko mesti og besti gæðingur sem hún hafi nokkurn tíman komið á bak, rýmið og gangtegundirnar væru bara engu líkar og í ofan á lagt væri hann traustasti hestur sem hún færi á bak. Geðslagið frábært. Þegar kellingin byrjar á þessu mali sínu um hestinn sinn eigum við bara til að loka eyrunum og nennum ekkert að spá í þessu rausi henni meir.  Mamma endar svo á því að spyrja Leó Geir sem sat þarna yfir kaffibolla með okkur, "Andskotinn Leó  ég verð að eignast annað svona hross! Er ekki til eitthvað undan honum ?". 


Rósa á Íkon sínum, þarna sigurvegarar Firmakeppni Fáks 2011 

Leó seldi okkur á sínum tíma hann Íkon þegar hann var aðeins 5 vetra. En Leó og Markús í Hákoti eru góðir vinir og auðvelt að forvitnast um Hákotshrossin í gegnum hann. Þá hrynur í Leó... " hmm Rósa það er til ein brún hryssa undan honum, niður í Þykkvabæ. Hún er 2 vetra og undan góðri hryssu !!  "Ertu í alvörunni að meina þetta?  'Eg get þá athugað þetta fyrir þig"
  
Þá kviknar í gömlu eitthver neisti og hún segir já athugaðu hvort hún sé föl og svo framvegis.  Svo líður og bíður og þetta mál er hálf gleymt í nokkrar vikur. Þangað til mamma fer að lofa hestinn sinn aftur og fer að spyrja um hryssuna.  Leó segist þá fara í málið að alvöru. 

Samið var um verð og við Sara voru hreint og beint lítið hrifnar... "Hvað er kellingin að fara kaupa eitthvað djöf... trippi í kartöflugörðunum óséð á jú ágætispening miðað við aðstæður" ... heyrðist nokkrum sinnum í Söru " Geturu ekki bara keypt eitthvað af mér, þarftu að vera spreða peningunum í einhvern annan?"... og svo í framhaldi hjá mér "Mamma ég nenni ekkert að vera temja eitthvað dót sem þú ert að kaupa, ég hef nóg að trippum að sinna!"

Það leið svo að hausti 2008 að mamma átti að fara gera upp merina, eitthvað dróst það þangað til Leó fór að rukka frúna, þá dreif hún sig út í banka og losaði út nokkur hlutabréf sem hún hafði átt í bönkunum og greiddi merina. Einungis nokkrum dögum síðar hrundi bankakerfið á Íslandi og í staðinn fyrir að eiga innistæðulausan hlutabréfapappír átti hún núna hana KOLKU!  
Þann sama dag og mamma greiddi hryssuna hringdi Leó í þá gömlu í vinnuna en hún náði ekki símanum og las inn á símsvarann hjá henni "Rósa þetta er gjöf en ekki sala"!!! ...Kokhraustur var hann en hlýtur að hafa meint að hryssan væri svona gríðarlega góð, en Rósa var ennþá grunlaus um þetta happ að hafa borgað hryssuna með peningum sem annars væru horfnir og hryssan í sjálfu sér gjöf :)
 
Kolka fékk að ganga heima í heimahögum þar til hún komst á tamningaaldur. Um haustið 2009 dreif ég mig svo niður í Þykkvabæ að sækja hryssuna þegar hún var 3 vetra og átti að byrja í frumtamningu. Gleymi því ekki að ég var svona ´´nett" pirruð að þurfa vera vesenast þetta fyrir hana móður mína að sækja eitthvað helv... trippi sem henni hefði dottið í huga að kaupa... óséð... og enginn hafði trú á fyrir utan hún og Leó. 

Þegar ég kom á staðinn hélt Markús í þessa undurfögru skepnu, risastór og gullfalleg biksvört hryssa sem minnti helst á arabískan gæðing. Augun duttu nánast út úr andlitinu á mér "ER ÞETTA HRYSSAN?!"  uhhh " Já takk við tökum þessa, takk!"

Kolka kom úr heimahögunum vel væn, stór og þroskuð. Frumtamningin gekk afar hratt og endaði ég með að hringja í Markús og fullvissa mig um að ég væri með rétt hross og þá hvort hann væri örugglega ekkert búin að eiga við hana. Hún hagaði sér eins og nokkuð tamið hross og tók öllum þáttum tamningarinnar eins og stálpað tamið hross. Nema það var svolítið fyndið að það var eiginlega ekki hægt að hringteyma hana, henni fannst það bara eitthvað fáránlegt að hlaupa svona í hringi og þá var bara ekkert annað í stöðunni heldur að leggja á og skella sér á bak og elta sem henni fannst mun skemmtilegra og sótti strax mikið fram :)

Kolka var afar fljót til og minnist ég þessa að hafa kvótað á facebook eitt kvöldið að ég hafi unnið Landsmót á henni í einum reiðtúrnum á 4 vetur. Sem var náttúrulega slegið fram í gamni en lýsir þó því að hún var einstakt trippi í tamningu og þjálfun. 

Stóð til að sýna hana á 4 vetur en hún veiktist á hrossapestinni nokkrum dögum fyrir sýningu og ekkert úr varð. Þannig að núna í vor var hún sýnd í fyrsta sinn í Víðidalnum 5 vetra gömul og fór í frábæran dóm 8,39 fyrir byggingu og 8,50 fyrir hæfileika, aðaleinkunn upp á 8,46. 


Ég og Kolka í Vorsýningu í Víðidalnum 2011. Mynd Krissa Auðholtshjáleigu

2 vikum fyrir sýningu var haldinn úttekt á okkur Kolku. Vinkona mín hún Heiða Dís og Jonni fengu heiðurinn... "Hrefna þessi hryssa fer í 8,50, en hún er bara alltof feit!!" já hreinskilna Heiða Dís skafar ekki af hlutunum. Þá fékk ég svona staðfestingu á því að þetta gæti nú farið kannski vel en hvað á ég að gera í fitunni á hryssunni? ... hún er að fara í dóm eftir 2 vikur? Hún þarf nú helst bara að komast í rekstur, ég eyðilegg hana ef ég fer að hossast meira á henni ;/ Brá ég þá á það ráð að hringja í hana Kristbjörgu á Jaðri og skutla hryssunni til hennar, hún er með rekstrar hring sérhannaðan fyrir fitubollur og prinsessur. Fékk hana svo í bæinn og hvíldi í 3 daga og svo beint í sýningu. 


Augnakonfektið og Drottninginn Kolka. 8,5 háls, 9,5 bak og lend, 9 samræmi. 8,39 í byggingu. Finnst hún mætti nú alveg fá 9 háls og herðar hóst hóst !!!

Daginn sem ég sýndi var ekki mikið unnið, get viðurkennt það. Ég hafði engan til að hjálpa mér í byggingardóm og því lá ég í símanum í mömmu um að drífa sig heim úr vinnunni og koma með mér í byggingardóm... sem var nú eitt bíó atriði út af fyrir sig. Við mamma saman inn í byggingardóm, drullu stressaðar! Og vorum svo hræddar um að dómararnir myndu ekki finnast hún jafn falleg og okkur ! Þeir sem þekkja mig og mömmu vita að við verðum hálfklikkaðar í stressi svo við vorum örugglega gott skemmtanagildi fyrir dómarana. "Shit mamma helduru að þeim hafi ekki örugglega fundist hún falleg ?" ... kurraði í mér þegar ég labbaði upp í hús með hana....  jújú 8,39 í byggingu og þó fannst mér þeir hefðu alveg getað gefið henni 9 fyrir háls :)

Á Landsmótinu blómstraði hún, þó svo aðstæður væru hrikalegar í fordómi gífurlegt rok og suddi. Þakkaði ég guði fyrir að vera með nokkuð þægt og traust trippi en enginn aðstaða er til að klifra á bak þarna á melunum ef þú þurftir örlítið aðhald. 


8,58 í hæfileikum og aðaleinkunn upp á 8,51. Hæst dæmda 5 vetra hryssan á Landsmóti og yfir árið :) Mynd. Jens Einarsson


Þrumufleygur á LM. Eigandi hans er að sjálfsögðu Rósa Valdimarsdóttir.  Mynd: Kolla Gr. 

Drottningin Kolka hefur það gott núna út í mýri með vinum sínum.  En Kolka var leidd undir Þrumufleyg frá Álfhólum í sumar og fósturvísirinn var færður yfir í aðra hryssu. Á hún því von á erfingja næsta sumar en hún sjálf verður inni í vetur, væntanlega í drottningar dekri hjá Frú Rósu og til sýnis fyrir gesti og gangandi í Víðidalnum :) Stefnan er jú auðvitað svo tekinn á Landsmót 2012 á heimavelli!

Þetta er ekki í eina skiptið sem hestakaup hafa farið vel hjá frúnni, Sara segir hana ætíð hafa hagnast vel á sér þegar þær hafa haft skipti á hrossum. Sem er hið besta mál enda ekki annað hægt en að hafa kellinguna vel ríðandi. 

Eftirmáli

Skrifað af Söru Ástþórsdóttur.

Það má við þetta bæta að Rósa var ekki síður heppin þegar Íkon sjálfur rak á fjörurnar hjá henni, en ég var búin að spotta þennan hest út fyrir vinkonu mína sem vænlegan kandidat í unglinga og ungmennaflokk og þá væntanlega með það í huga að hann yrði geltur.  Hrefna komst á snoðir um þetta, brunaði niður í Kanastaði, prófaði hestinn og gekk frá kaupunum "einn, tveir og bingó", þetta var sko fullkominn hestur fyrir mömmu hennar, en Hrafnar frá Álfhólum,  gamli keppnishesturinn hennar var kominn til ára sinna.   Þetta var árið 2007.  Íkon fékk fáeinar "guggur" til selskaps um sumarið og ég varð að viðurkenna það hvort sem mér líkaði betur eða ver, að folöldin undan honum voru lipur og flott að sjá, og ég síðan hef verið að lauma inn fleirum og fleirum hryssum til hans ;)



"Konni litli" eins og við köllum hann stundum hefur kannski ekki fengið mikla náð fyrir augum kynbótadómara, en er þó með 9 fyrir tölt og hefur farið hátt í töltkeppnum og Rósa verið afar sigursæl á honum, flugrúmur og taktviss, hraðabreytingarnar góðar.

 Það vita þó kannski færri að hann fæddist seint í september eða byrjun október, og heilsaðist mjög illa folaldsveturinn, sífellt með drullu og varð hálfgerður vesalingur sem rétt tórði á lífi.  Það er klárt mál að þessi veikindi drógu mjög úr þroska og hann var fremur lítill og ósjálegur framan af aldri.  Hann telst ekki til fótahárra hesta, en er hins vegar að gefa frá sér fótahæð og gott samræmi, sbr Kolku og mörg tryppin undan honum hér myndarleg og ekki að sjá að hann sé heldur að erfa sjö fimmuna fyrir frampartinn mjög sterkt frá sér ;)



Það var ánægjulegt að fá þessa fínu hryssu undan Íkon og Nótt, rígfullorðinni meri sem okkur langaði einmitt í hryssu undan áður en hún færi.



Rósa hélt svo Þyrnirós undir Íkon í fyrra.  Við Hrefna hristum hausinn yfir því í fyrra að vera að spandera svona góðri hryssu undir annarra verðlauna hest, en við steinhöldum kjafti núna ;)



Svo erum við með eina gamla hryssu, Rauðhöttu, í áskrift hjá Íkoni, hún á eiginlega bara falleg folöld með honum. Þessi heitir Rjóður og er veturgamall á myndinni, var seldur folald til Finnlands. Og rauðblesótta hryssan sem er efsta folaldamyndin og hér fyrir neðan Skjóni litli sem hún eignaðist í fyrra :)



Já, litlir ljótir andarungar geta átt fallega svani ;)


Til hamingju með afmælisdaginn Rósa!!!! 


24.09.2011 10:58

Kindablogg


Haustið er komið í allri sinni dýrð, já og hefur eiginlega verið alveg dásamlegt framundir þennan tíma.  Eitt af haustverkunum er að smala saman skjátunum og setja litlu fallegu lömbin í "hvíta húsið".   
Þau voru reyndar ekkert sérstaklega lítil þetta haustið og meðalviktin af 108 stykkjum sló öll met, 18.7 kíló og gerðin alveg heilum hærri en undanfarin ár, 9.63, fitueinkuninnkannski ekki alveg eins góð, 8.07 en það getur orðið aðeins óhagstætt hlutfallið þarna á milli þegar ekki er um eiginlegan haustbata að ræða, þau koma flest nánast beint af mýrunum og móunum hér en einhver hluti þó búin að koma sér vel fyrir í túni seinni partinnn í ágúst.  Við nennum ekkert að eyða of miklu púðri í þessar rollur með að búa til kál og dekstra þær um of, þær verða bara að vera flottar af náttúrunnar hendi enda er það sérlegt áhugamál mitt þegar á haustinn að þukla læri fram og aftur ;)   Reyndar stóð ég mig ekki alveg nógu vel í hrútaþuklinu núna um daginn vegna tímaleysis og "missti" 3 hrúta sem fóru í E í húsið, hefði nú verið skemmtilegra að láta dæma þá fyrst :/  Sérstaklega af því að það er alltaf að aukast að maður er beðinn um kollótta hrúta, en megin þrorri fjársins er án halda.  
Sumir eru þó minna hrifnir af því þegar þeir eru í réttarstörfum hérna og kvarta sáran og skilja ekkert í því að maður skuli ekki vera með höldur á þessu.  Ég svara þá bara á móti, hvernig myndi þér líða við að fæða stórhyrnt mannabarn ;)   En það er alveg gaman að hafa eina og eina stolta hyrnda ær með í hjörðinni til að setja á hana svip.

Myndin að ofan er úr myndasafni, og brátt fækkar í mórauðu hjörðinni því Móflekkur gamli skilaði sér ekki af mýri í sumar.  Þannig að það verður að fara að gera ráðstafanir því það er voða auðvelt að týna þessum lit ef maður er ekki annað slagið með mórauðan hrút.




Þar sem kindurnar báru heldur seinna í ár en oft áður þá vorum við aðeins hissa á þessum vænleika, en það kom einn með þá skýringu á að við ættum að þakka fyrir að fá þessi fínu eldgos sem gæfu túnunum svona fín "boost" og ættum bara að biðja um eitt á ári.........ehmm veit ekki alveg með það sko, en kannski fáum við eitt enn áður en langt um líður því Katla gamla er eitthvað að hrista sig og reka við þessa dagana, en megi hún samt sem áður sofa sem lengst, allavega ef Eyjafjallajökull er bara sýnishorn af henni, úffffff...

Þessi mynd er einmitt tekin við það tilefni þegar Vatnajökull sneri öskutróknum sínum yfir okkur á öðrum eða þriðja degi í vor.

Nú, þó að það sé gaman að stunda hrúta og lambaþukl, er það ekki það eina sem á hug manns þessa dagana, því hesthúsið er fullt að vanda, slatti af nýjum trippum í vinnslu og þónokkuð af góðum söluhestum, en það koma fréttir af hestum síðar!  Over and out :)


06.09.2011 19:16

Liebe Leserinnen und Leser aus Deutschland!



Ab sofort gibt es die Neuigkeiten rund um das Gestüt Álfhólar auch in deutscher Sprache. Beiträge aus 2011 sind jetzt dort online. Viel Spaß mit der neuen Seite!

01.09.2011 09:59

Síðsumarssýningar 2011


Síðsumarssýningu lauk á Hellu fyrir viku síðan. Það var varla hægt að segja að við höfum verið stórtæk þar, en við fundum þó fáeinar eftirlegukindur í stóðinu sem voru sýningarhæfar ;) 


Gáta Gásku og Þokka Kýrholti dóttir fór í fínan klárhryssudóm, 7.80 í aðaleinkunn. "Þetta var hennar fyrsta ferð" eins og ágætur bóndi að norðan orðaði það þegar klárhryssan hans fór í 7.50 en endaði svo nokkrum misserum síðar í fyrstu verðlaunum!

Gáta fékk 8.5 fyrir tölt, hægt tölt vilja, fegurð í reið, háls og herðar,  bak og lend.

Þess má geta að Gáta er að hálfu leiti í eigu hinna hestheppnu Húsafellshesta.

IS2006284668 Gáta frá Álfhólum
Örmerki: 352206000051645
Litur: 1510 Rauður/milli- skjótt
Ræktandi: Sara Ástþórsdóttir
Eigandi: Róbert Veigar Ketel, Sara Ástþórsdóttir, Sigurður Tryggvi Sigurðsson
F.: IS1997158430 Þokki frá Kýrholti
Ff.: IS1984163001 Sólon frá Hóli v/Dalvík
Fm.: IS1986257809 Þörf frá Hólum
M.: IS1995284672 Gáska frá Álfhólum
Mf.: IS1973135980 Gáski frá Hofsstöðum
Mm.: IS1990284669 Blíða frá Álfhólum
Mál (cm): 138 - 136 - 64 - 147 - 27,5 - 17,0
Hófa mál: V.fr.: 8,1 - V.a.: 8,0
Sköpulag: 7,0 - 8,5 - 8,5 - 8,0 - 7,0 - 7,0 - 8,5 - 6,0 = 7,86
Hæfileikar: 8,5 - 8,0 - 5,0 - 8,0 - 8,5 - 8,5 - 7,5 = 7,75
Aðaleinkunn: 7,80
Hægt tölt: 8,5      Hægt stökk: 7,5
Sýnandi: Sara Ástþórsdóttir




Hér er myndband af forsýningunni hennar Gátu.



Saga vinkona sýndi hana Myrkvu sína og hún hækkaði aðeins frá því í fyrra.  Við vinkonurnar vorum samt ekki alveg sáttar við útkomuna og töldum að hún ætti meira inni eftir forsýninguna, ekki síst vegna þess að Saga sýndi mér hryssuna í Víðidal alveg vígalega nokkrum dögum fyrr.  Það var svo úr að Myrkva kom með mér heim að Álfhólum,  og vegna anna hjá Sögu við vinnu og fjölskyldu svona í miðri viku,  ákváðum við að ég myndi fara með hana á yfirlit fyrir hana þar sem hún hækkaði fyrir fegurð í reið og hægt tölt.  Þá vorum við þokkalega sáttar báðar tvær, enda klárhryssan komin með nærri 8.5 á línuna í hæfleikum.  

IS2004284670 Myrkva frá Álfhólum
Örmerki: 352206000013304
Litur: 2500 Brúnn/milli- einlitt
Ræktandi: Sara Ástþórsdóttir
Eigandi: Árni Reynir Alfredsson, Saga Steinþórsdóttir
F.: IS1998184587 Gustur frá Lækjarbakka
Ff.: IS1988188239 Gustur frá Grund
Fm.: IS1989265186 Orka frá Búrfelli
M.: IS1986284671 Móna frá Álfhólum
Mf.: IS1979184667 Nátthrafn frá Álfhólum
Mm.: IS1972284671 Silfra frá Álfhólum
Mál (cm): 138 - 135 - 63 - 140 - 27,0 - 17,0
Hófa mál: V.fr.: 8,1 - V.a.: 7,9
Sköpulag: 7,0 - 7,5 - 7,5 - 8,0 - 8,0 - 8,0 - 8,0 - 8,0 = 7,76
Hæfileikar: 8,5 - 8,5 - 5,0 - 8,0 - 8,0 - 8,5 - 8,5 = 7,80
Aðaleinkunn: 7,79
Hægt tölt: 8,5      Hægt stökk: 8,5
Sýnandi: Saga Steinþórsdóttir


Saga er alveg í fluggír með hana Myrkvu og búin að keppa nokkrum sinnum á henni í sumar.  Var meðal annars í A-úrslitum á henni á Suðurlandsmóti á Hellu um daginn í fjórgangi opnum flokki, fjórða sæti ef ég man rétt og skaut gömlum kempum ref fyrir rass ;)  Hún var að sýna sína fyrstu kynbótasýningu í 16 ár núna á Hellu. 




En sú sem hlaut hæsta dóminn að þessu sinni af Álfhólahrossunum var hún Indía hennar Hrefnu Maríu. John Kristinn sýndi hana fyrir konuna í 7.92. Indía er dóttir Leiknis frá Vakurstöðum og Svertu frá Álfhólum sem hefur gefið okkur mörg góð hross (Zorró, Trú, Zara, Zonja, Arabía).


Hún er opin í ganglagi með mikla útgeislun og mikinn fótaburð. Hún á eflaaust eftir að smella sér yfir áttuna og í 1stu verðlaun á næsta ári með aðeins meiri styrk og þroska og ég veit að Hrefna María stefnir á það með þessa hryssu.


Indía er fallega byggð hryssa og hefur hlotið 8,14 í byggingu.  Þessi mynd er tekin á á dómsdegi en eins og sjá má eru hrossin aðeins farin að loðna og verða haustleg.   


IS2005284670 Indía frá Álfhólum
Örmerki: 352206000061253
Litur: 2700 Brúnn/dökk/sv. einlitt
Ræktandi: Hrefna María Ómarsdóttir
Eigandi: Hrefna María Ómarsdóttir
F.: IS1999181675 Leiknir frá Vakurstöðum
Ff.: IS1985157020 Safír frá Viðvík
Fm.: IS1988258049 Lyfting frá Ysta-Mói
M.: IS1991284671 Sverta frá Álfhólum
Mf.: IS1986186025 Tígur frá Álfhólum
Mm.: IS1981284667 Mugga frá Álfhólum
Mál (cm): 142 - 138 - 65 - 144 - 27,5 - 17,5
Hófa mál: V.fr.: 8,9 - V.a.: 8,0
Sköpulag: 7,5 - 8,5 - 8,5 - 8,0 - 8,0 - 7,0 - 8,5 - 8,5 = 8,14
Hæfileikar: 8,0 - 8,0 - 6,5 - 7,5 - 8,0 - 8,5 - 7,5 = 7,76
Aðaleinkunn: 7,92
Hægt tölt: 8,0      Hægt stökk: 8,0
Sýnandi: John Kristinn Sigurjónsson




Hrefnan lét heldur betur til sín taka á síðsumarssýningunni og sýndi Eirvöru frá Hamrahóli, hryssu sem hún hefur þjálfað með hléum frá 4 vetra aldri.  Sú þjálfun skilaði sér heldur betur í dómi, og það sannaði sig og sýndi að það borgar sig að láta þjálfarann sýna hrossið sjálfan ef hann treystir sér í verkefnið og er þokkalega hestfær!  



Eirvör fékk hvorki meira né minna en 8.50 fyrir hæfileika, þ.a 9 fyrir tölt og vilja. Aðaleinkunn uppá 8.14 þar sem byggingin dró hana niður, 7.59



Eirvör er undan gæðingshryssunni Sabrínu frá Hamrahól og Akk frá Brautarholti.



Hrefna og Eirvör skiluðu hæðsta hæfileika dómi Síðsumarssýninga þetta árið yfir landið. Hrefna er búin að sýna þetta árið 2 hryssur 5 og 6 vetra með yfir 8,50 í hæfileikum og geri aðrir betur :) Eirvör svo tekinn og leidd strax undir hest enda í bullandi látum og fyrir valinu varð frændi hennar Blysfari frá Fremra-Hálsi. Spennandi að sjá útkomuna undan því á næsta ári. 


IS2005286613 Eirvör frá Hamrahóli
Örmerki: 352098100006497
Litur: 3500 Jarpur/milli- einlitt
Ræktandi: Guðjón Tómasson, Valgerður Sveinsdóttir
Eigandi: Guðjón Tómasson, Valgerður Sveinsdóttir
F.: IS1998137637 Akkur frá Brautarholti
Ff.: IS1990157003 Galsi frá Sauðárkróki
Fm.: IS1988258705 Askja frá Miðsitju
M.: IS1990286021 Sabrína frá Hamrahóli
Mf.: IS1986186021 Helmingur frá Hamrahóli
Mm.: IS1983286406 Kopra frá Hamrahóli
Mál (cm): 139 - 139 - 62 - 143 - 28,5 - 17,5
Hófa mál: V.fr.: 8,9 - V.a.: 8,1
Sköpulag: 7,0 - 8,0 - 8,0 - 8,0 - 7,5 - 7,5 - 7,0 - 6,0 = 7,59
Hæfileikar: 9,0 - 8,5 - 7,5 - 8,5 - 9,0 - 8,5 - 8,0 = 8,50
Aðaleinkunn: 8,14
Hægt tölt: 8,0      Hægt stökk: 8,5
Sýnandi: Hrefna María Ómarsdóttir

Innilega til hamingju Guðjón og Vala í Hamrahól með hryssuna ykkar. 

21.08.2011 23:13

Íþróttamót Harðar og Dreyra 2011

Um helgina var íþróttamót Dreyra og Harðar haldið í Mosfellsbæ á góðum keppnisvelli þeirra Harðarmanna.  Fullt af sterkum hestum skráðum til leiks í öllum flokkum enda síðasta stóra íþróttamót sunnan heiða í bili og alveg 8-9 mánuðir í næsta íþróttamót.  Spurning um að fara að lengja keppnistímabilið?



Gjóska átti góðan dag á föstudaginn og fékk 6.93 í forkeppni í fjórgang með heldur sannfærandi sýningu að mér fannst.  Ég ákvað vísvitandi að "gleyma" þyngri hlífunum heima svo ég myndi ekki freistast til að þyngja hana of mikið á mótsstað.  60 gramma "kvartbútts" og átta millimetra skeifur er málið fyrir þessa skvísu, þyngri vikt skapar bara vandræðagang, því eins og sést á þessari mynd þá er ekki mikið rúm fyrir hærri lyftu!



Hæga töltið í Gjósku er að verða betra og betra, ég var búin að sprauta hana af stað og ætlaði að halda henni, en ég hugsa að ég sleppi því og taki með henni einn vetur í viðbót, nú loksins þegar merin er komin í eðlileg reiðhestahold og hætt að berjast við fitupúkann sem er búinn að há henni frá því að hún var trippi ;)



Skálmandi á brokki í úrslitum.



Hóóó.. nóg af "power" í þessari



Afar áhugasöm við að týna keppinauta sína uppi á öllum gangtegundum ;)



Og þó að hún líti út fyrir að "þokast" (eins og sagt var um ágæta hryssu ;) eftir brautinni á yfirferðinni þá var hún búin að týna uppi tvo keppinauta áður en yfir lauk og samt fannst mér hún vera bara á hálfum snúningi! 

Það var bara einn galli á gjöf Njarðar....það var full mikið keppnisskap á fetinu fyrir framan dómarana, en slakaði vel á langhliðinni fjær sem dugaði þó ekki til og fet með meðaleinkunn uppá fimm landaði okkur í síðasta sæti í úrslitum, en meðaleinkunn fyrir hina þætti var uppá 7.5, og enduðum aftur með 6.93 út.   Spurning um að fara að sækja reiðkennslu í fetreið ;)




Hrefna María er heldur betur búin að hrista uppí stóðhesti sínum Grími frá Vakursstöðum og þau kepptu í B-úrslitum og voru aðeins hársbreidd frá því að vinna sér keppnisrétt í A-úrslitum. Hlutu flotta einkunn í úrslitum 7.00 en 6.77 í forkeppni.   


Efnilegur fjórgangari með sterkan grunn, hástígur og fasmikill á brokki.


Brúntvístjörnóttur með leist, næstum eins og Fagri-Blakkur, draumaliturinn hennar Hrefnu ;)



Svo er spurning hvað henni helst lengi á þessum hesti, því þvert á hið göfuga íslenska ræktunarmakmið, þá eru þessir fjórgangsprammar alveg gríðarlega vinsæl söluvara!  Á meðan eðalfín fimmgangshross enda liggur við á útsölu hjá manni, þá er slegist um fjórgangarana.....skrítið?




Síðastur í braut á föstudaginn var hann Kraftur frá Strönd, hann er kannski ekki með besta grunnin af fjórgangara að vera....en yfirferðartöltið hjá gæanum....ég fékk næstum gæsahúð í gegnum myndavélalinsuna við að horfa á hann...6.70 í einkunn.



Nei það er ekki stertsláttur í Skjóna, hann ber taglið bara svo flott!  



Engin furða að þau folöld sem við fengum í sumar sýni ógnar takta á tölti svo eftir því verður tekið.



Eins og þessi skjótti sem töltir á slíkri yfirferð líkt og enginn sé morgundagurinn :)  Takið eftir afturfótaskrefinu!

Og af því að Kraftur slapp við að mæta í úrslit, þá var ég fljót að nappa honum uppá kerru hjá mér og halda undir hann hryssu sem ég vissi að var í látum um helgina ;)


01.08.2011 23:50

Meistarar!


Harpa Sigríður og Trú frá Álfhólum urðu Íslandsmeistarar í Fjórgangi barna á Íslandsmóti Barna og unglinga í Keflavík á dögunum.  Þær hafa vaxið saman þessar stöllur og flottur endir á ferlinum að landa Íslandsmeistaratitli, því lítill fugl hvíslaði að mér að Trú sé á leiðinni í folaldseign.  Til hamingju með árangurinn, Harpa :)

Trú er undan Eldvaka frá Álfhólum sem var undan Andvara frá Ey og Vöku frá Álfhólum, móðirin er Sverta frá Álfhólum undan Tígur frá Álfhólum sem einnig er undan Vöku frá Álfhólum, þannig að þarna er talsverð skyldleikaræktun á bak við.



Sömu helgi varð hin sænska Filippa Hellten tvöfaldur Svía meistari á stóðhestinum Rauðskegg frá Brautartungu. Filippa og Rauðskeggur sigruðu bæði fjórgang og slaktaumatölt á sænska Meistarmótinu.  Þau hafa átt mikilli velgengni að fagna alveg frá byrjun en hann var keyptur í gegnum síðuna okkar fyrir tveim árum síðan. Hrefna María byggði Rauðskegg upp í 2 ár og keppti töluvert á honum í Slaktaumatölti og fjórgangi hér heima með góðum árangri áður en hún seldi hann.

Við óskum þessum ungu og sannarlega miklu reiðkonum innilega til hamingju með árangur sinn á hrossunum frá okkur. 

23.07.2011 14:27

Skagafjarðarskjóna


Þannig var mál með vexti að í byrjun Júní kastaði gömul hryssa hjá okkur dauðu folaldi.  Það var greinilegt var að hún tók missinn nærri sér eftir að hafa verið geld árið áður og hafði mikinn áhuga á að stela folaldi frá annari hryssu sem var nýköstuð.  Þá skellti ég inn tilkynningu inná slúðrið á Hestafréttum ef ske skildi að einhver væri í vandræðum með móðurlaust folald, því ég var viss um að sú gamla myndi taka því fagnandi.  Og morgunin eftir fékk ég hringingu frá Móniku á Korná í Skagafirði sem ég er nú kunnug frá því á Hólum í denn og hún var sem sagt með folald sem þeim hafði verið gefið fáeinum dögum fyrr því mamma hennar, Birna, er algert sjení að koma svona móðurleysingjum á legg og Skjóna litla ekki sú fyrsta sem er í fóstri hjá henni.  En eins og þeir vita sem hafa það reynt, er mikil vinna að hugsa um svona kríli og fyrst það var hryssa í boði......



..... þá voru þau alveg til í að skutla Skjónu litlu suður fyrir heiðar og það vildi svo til að Hrefna María var í Reykjavík, sparaði þeim sporin og hitti þau Móniku, Högna og Birnu í Borgarnesi en Skjóna litla var í aftursætinu í góðu yfirlæti hjá þeim :)



Hún kippti sér ekkert upp við þennan langa bíltúr og þótti ekkert sjálfsagðara en að vera ein af fólkinu og það átti eftir að koma í ljós þegar við vorum að setja hana undir að hún hafði mun meiri áhuga á að vera í félagsskap með okkur ;)


Það var gott að fá sér sopa þegar loksins var stoppað í Borgarnesi!



Og svo var skipt um farartæki.....



...og sú litla var ekki lengi að gera sig heimankomna í skottinu á Crusernum og það var svo brunað niður í Álfhóla og lending þar rétt fyrir miðnætti.  Hrefnu til halds og trausts var Rakel frænka Jónsdóttir.



Svo varð spennandi að vita hvort öll fyrirhöfnin myndi vera til einskis og við myndum sitja uppi sjálf með móðurlaust folald.  Gígur gamla var ekki alveg eins hrifin af þessari eins og folaldinu sem hún reyndi að stela kvöldinu áður og það virtist sem móðureðlið væri eitthvað að rjáltlast af henni enda 1 og hálfur sólarhringur frá því hún kastar sínu folaldi þangað tl að Skjóna kemur.  Og Skjóna litla var heldur ekki par hrifin af þessari nýu fóstru sinni og reyndi við öll tækifæri að koma og vera hjá okkur frekar, enda taldi hún sig vera mannabarn en ekki folald lengur ;)



En morguninn eftir voru nýju mæðgurnar orðnar nokkuð sáttar hvor við aðra, þótt  Skagafjarðar-Skjóna hafi fagnað mér gríðarlega þegar hún sá mig og elt mig niður á tún en ekki merina þegar ég leiddi þær út í lítið hólf.   En hún áttaði sig fljótlega og þarna er hún orðin þriggja vikna gömul og það er skemmst frá því að segja að hún vill ekkert tala við okkur mannapana lengur ;)



22.07.2011 23:30

English readers



The English News page has now been updated. News from Landsmót and the Icelandic Sport Championship.

Stay tuned, more to come!

19.07.2011 11:00

Tölt-Tölt-Tölt


Um helgina fór fram Íslandsmót í Hestaíþróttum í bongóblíðu á Selfossi.   Við Hrefna María tókum þátt og enduðum báðar í A-úrslitum í sitthvorri töltgreininni.  



Hrefna var hér áður mjög framarlega í keppni á Rauðskegg sínum í slaktaumatölti, nú er hún búin að dubba upp nýtt hross fyrir þessa grein, hana Indíu Leiknisdóttur frá Álfhólum.  Þær enduðu í sjötta sæti.



Þetta var önnur töltkeppni sumarsins hennar Dívu og við gerðum ágæta ferð þrátt fyrir litla sem enga æfingu á hringvelli þetta sumar þar sem ég ákvað að einblína á kynbótabrautina þetta tímabilið með ágætum árangri eins og áður sagði.    

Engu að síður tókst sýningin ágætlega og við fengum 7.9 og eitthvað í forkeppni. 7.93 og í 4-5 sæti var sagt, en vegna villu í útreikningum var ég eitthvað hærri og örugglega í fjórða sæti eftir forkeppni.  

Akkelesarhællin hjá okkur í úrslitum var hæga töltið sem var ekki nógu vel útfært en hraðabreytingarnar voru uppá 8.5 og yfirferðin 9 og við fengum 8.39 í úrslitum og 3-4 sæti ásamt Jakobi fyrrverandi skólabróður mínum frá Hólum sem kom á blússi uppúr B-úrslitum.   Kobbi heppni vann svo hlutkestinn og skildi mig eftir í 4 sæti!  

En eftir á að hyggja er þetta engu að síður besti árangur hjá okkur Dívu í töltkeppni, því þarna voru samankomnar allar stærstu kanónurnar í töltinu að Tuma undanskildum og hestar sem voru í A-úrsitum á Landsmótinu þurftu að láta sér lynda að vera í B-úrslitum í þetta skiptið.

Skemmtilegt hvað hryssurnar eru að standa sig vel í töltinu þessa dagana en úrsitin voru eftirfarandi:

1. Sigursteinn Sumarliðason og Alfa frá Blesastöðum 1A  9,00.
2. Sigurður Sigurðarson og Kjarnorka frá Kálfholti 8,61
3. Jakob Svavar Sigurðsson og Árborg frá Miðey 8,39
4. Sara Ástþórsdóttir og Díva frá Álfhólum 8,39
5. Hinrik Bragason og Sigur frá Hólabaki 8,28
6. Sigurbjörn Bárðarson og Jarl frá Mið-Fossum 8,00

Hérna má sjá öll A-úrslit frá Íslandsmóti:




Þar sem ég hef verið aðeins duglegri að uppfæra Smettiskinnuna heldur en heimasíðuna, þá hafa þessi video hér aldrei náð að komast inná heimasíðuna fyrr en nú, en hér má sjá Dívu í forsýningu á Hellu......



....Og hér er eitt ennþá eldra frá Reiðhallarsýningu í vor þar sem Díva og Kjarnorka komu saman og skemmtu reiðhallargestum :)

13.07.2011 13:22

Kynbótahross á Landsmóti


Kolka Íkonsdóttir frá Hákoti og Hrefna María komu langhæstar inná mót í fimm vetra flokknum og það var nokkuð ljóst að þeim þyrfti að mistakast verulega eða önnur hross að bæta töluvert í ef eittvað átti að breytast með toppsætið.



En að var ástæðulaust að hafa áhyggjur af þeim stöllum og þær bættu við stóru tölurnar frá því í vor, hækkuðu fegurð í reið uppí 9, og var með fyrir 9 fyrir brokk og vilja fyrir.  


Og sigurinn innstimplaður með góðum spretti, 8.58 í hæfileikaeinkunn og 8.51 í aðaleinkunn! Sannarlega glæstur árangur hjá þeim stöllum!



Kátar og stoltar mæðgur með Hremsuskjöldinn.  Já, það voru aldeilis happakaup hjá Rósu þegar hún fjárfesti í Kolku 2008, korteri fyrir Bankahrun!



Díva var ekki alveg sjálfri sér lík fyrstu dagana eftir að hún kom norður á föstudaginn og vildi liggja meira og minna allan laugardaginn svo mér var ekki alveg farið að lítast á blikuna...



En það var þó ekki ástæða til að hafa miklar áhyggjur og hún stóð vel fyrir Tíunni sinni fyrir töltið þó að einhverjar aðrar tölur hafi verið reittar af henni.  Hún var í essinu sínu á yfirlitinu og sýndi töltið sitt í öllum útfærlum og hraða undir dynjandi lófaklappi brekkunnar :) 



Það þótti kannski sumum skrítið þegar ég skokkaði með Dívu til verðlaunarafhendingar í 7 vetra flokknum þar sem hún varð sjötta í röðinni.  En hún átti eftir að spila stórt hlutverk í tveimur sýningum seinna um daginn og mér þótti það bara einfaldlega of mikið að hnoðast á henni þrisvar sama daginn!



Sjarminn Sóllilja lækkaði lítillega frá Hellusýningunni, fékk 9 fyrir tölt og fegurð í reið.



Fljúgandi stökk.... hvað skildi hún vera hátt uppi frá jörð, hálfan meter?  Sóllilja hefur fengið 9 fyrir stökk en fékk bara 8.5 á Landsmótinu þó.



Þrumufleygur komst ekki á sama flugið og í Hafnarfirði en fékk 9 fyrir tölt og stóð vel fyrir því og...



....9 fyrir brokk og hann vakti mikla athygli á yfirlitinu þrátt fyrir að vera ekki í hópi efstu hesta....


.....og brekkan tók vel við sér þegar hann gekk í sínum stóru og háu skrefum á brokki og tölti eftir brautinni og einhverjir höfðu á orði að þessi hestur hefði alla burði til að fara í 9.5 fyrir tölt og brokk.



Því miður var hann eitthvað með sviðskrekk þegar átti að sýna fimmtu gangtegunina fyrir framan dómarana, en á æfingu daginn fyrir yfirlit sýndi hann okkur góðan og töluvert kraftmikinn sprett. Spurning hvort að það sé kannski bara sviðskrekkur í Jonna þegar hann kemur fram fyrir of mikið af fólki ;)



En fótahreyfingarnar eru miklar og kannski ekki óeðlilegt að fótaröðunin ruglist aðeins þarna á milli, sérstaklega þegar völlurinn er svona harður eins og hann var á Melunum og sást kannski best þegar úrslitin í A-flokknum voru á sunnudag þegar ansi margir sprettir fóru í vaskinn.   



Jonni stóð líka sig vel með Sál frá Ármóti og hún endaði í þriðja sæti í 7 vetra og eldri hryssum.

En þó að kynbótasýningarnar væru búnar var "Álfhólhólacrewið" ekki komið í frí og hrossin okkar áttu eftir að spila stóra rullu á föstudagskvöld og laugardaginn og því í nógu að snúast :)   Meira um það síðar!

14.06.2011 00:39

Tíu tvenna og fleiri góð



Það þótti sumum brjálaði að fara með hryssu í dóm sem þegar væri komin með tvær níu fimmur, hvað á að sækja meir??? voru meðeigendur mínir spurðir að þegar fréttist að Díva væri skráð í kynbótadóm.  Sem betur fer voru raddirnar í kringum mig mun jákvæðari og ég fékk strax áskoranir eftir sýninguna á Hellu í fyrra að ég yrði að fara með hana aftur og sækja tíuna fyrir töltið.  Get alveg viðurkennt það að það fór um mann glímuskjálfti áður en riðið var í braut, en hugsaði sem svo að hún myndi allavega standa fyrir sínu og líklega hækka fyrir grunngangtegundir sem hún og gerði og fékk 9.5 fyrir tölt og vilja eftir forsýningu eftir smá hnökra í síðustu töltferðinni.


Yfirlitið gekk hinsvegar mjög vel og hún marseraði fyrst hrossa í brautinni ferð eftir ferð, spilandi létt og lipur eins og henni er einni lagið og tíurnar lágu flatar fyrir tölt og vija og geðslag! 8.33 í aðaleikunn, 8.54 fyrir hæfileika.  Ætli hún sé þar með ekki með hæstu hæfileikaeinkunn sem klárhross hefur fengið síðan að skalanum var breytt?



Svo er stóri höfuðverkurinn.... á að fara í töltið eða kynbótadóm á Landsmóti??? Ef maður nær að halda sama dampi í þjálfuninni og ekkert kemur uppá, ætti ekki að vera nein geimvísindi að láta hana standa undir sínu í kynbótadóm, svo ég viðurkenni alveg að það togar aðeins í........

Eftir því sem ég kemst næst er Díva annað hrossið sem nær þeim frábæra árangri að hlotnast þessar 2 dýrmætu tíur í kynbótadóm, bæði fyrir tölt og vilja og geðslag.



Dimmir bróðir Dívu fór í góðan dóm og vantaði 1 kommu til að komast inná Landsmót.  Það voru hins vegar ekki hæfileikarnir sem voru þess valdandi því þeir hljóðuðu uppá 8.57, þ.a þrjár níur, fyrir brokk, vilja og fegurð í reið, 8.5 fyrir tölt og stökk, 8 fyrir skeið.



Það var nú planið að ríða í hærri skeiðeinkunn, en það kemur bara seinna! 




Klárhryssan Sóllilja nældi sér í landsmótsfarmiða, fékk 9 fyrir tölt, stökk, vilja, fegurð, og hægt tölt. 9.5 fyrir hægt stökk!   Aðaleinkunn 8.15, 8.16 fyrir byggingu og 8.14 fyrir hæfileika.  

Sóllilja er undan Tígursdótturinni og klárhryssunni Sóldögg frá Álfhólum og Berki frá Litlu-Reykjum sem líka var klárhestur, Þorrasonur.  Börkur er sammæðra Þulu frá Litlu-Reykjum sem var eftirtektarverð 1st verðl klárhryssa með 9.5 fyrir hægt tölt.

Það er gaman að segja frá því að bleiki liturinn í Sóllilju kemur ekki frá Ófeig frá Flugumýri sem hefur verið hesta öflugastur við að halda álótta litnum á lofti.   



Gjóska Höskuldsstaða Hrannarsdóttir og Gásku fékk í aðaleinkunn átta, 9 fyrir tölt, fegurð í reið og hægt tölt, 8.05 fyrir hæfileika og 7.93 fyrir byggingu.



Gæska 6 vetra undan Tígur gamla og Gásku stigast vel í byggingu og er með góðan klárhryssuhæfileikadóm, 8.5 fyrir allt nema 8 fyrir stökk og fet. Hún er með 8.23 fyrir byggingu, 7.85 fyrir hæfileika og 8.00 í aðaleinkunn.

Gaman að segja frá því að báðar þessar skjóttu hryssur eru gamaldags ættaðar og eiga hvorki Hrafn frá Holtsmúla né Sauðárkrókshross í sínu ættartré og eru því lítið skyldar þeim hrossum sem eru mest áberandi í dag.



Sjötta hrossið sem ég sýndi á Hellu var hún Vaka frá Kanastöðum sem er undan Arð frá Brautarholti líkt og Díva.  Þessi hryssa var í léttu sölutrimmi hjá mér í vetur, og ég ákvað með stuttum fyrirvara að snara henni yfir á kynbótavikt og renna henni í gegn.   Það fór bara vel og Vaka kom út með einkuninna 8.04, 8.01 fyrir hæfileika og 8.09 fyrir byggingu. 



Drífa frá Miðfelli er gríðarstór (148) og gerðarleg hryssa sem kom út með 7.81 í aðaleinkunn.  Þó að hún sé orðin 8 vetra gömul, þá er hún ekki mikið gerð.  Drífa er undan systir Dimmu frá Miðfelli og Flosaættuð í bak og fyrir.




Bragadóttirin Eldglóð Gáskudóttir fór í byggingadóm og kom út með einkuninna 8.08.  Viljug og skrefmikil alhliða hryssa, en ekki alveg tilbúin í fullnaðardóm þetta vorið.

Get ekki verið annað en sátt með afraksturinn þetta vorið, búin að eignast 3 nýjar 1 verðlauna klárhyssur og Dívan komin í algerlega frábæran hæfileikadóm sem klárhryssa og þokkalega sátt með Dimmirinn þó að ég sé örugglega búin að ríða honum nokkrum sinnum í 8.80 á afleggjaranum heima sko ;)   

Var ekkert sérlega brött þegar ég var spurð fyrir rúmum mánuði síðan með hvað ætti að fara í dóm, á kafi í sauðburði, ekkert hross tilbúið, járningarmaðurinn sem ég var búin að finna gufaður upp o.sfr.....En þá er bara að bretta upp ermarnar og járna sjálf, ég á víst að kunna það og flest hrossin 8 og 8.5 fyrir hófa, það má ekki gleymast að það er dýrmætt að hafa hófhirðuna í lagi því einkunn fyrir hófa hefur hátt vægi í byggingardómi.  






14.05.2011 21:06

Reykjarvíkurmeistaramót


Reykjavíkurmeistaramótið var haldið um síðustu helgi í blíðskaparveðri, ólíkt því sem var helgina þar á undan þegar allt var á kafi í snjó.  
Þó ég hafi ekki hoppað hæð mína í loft upp yfir persónulegum árangri á þessu móti, þá vakti Saga vinkona athygli mína á því hvað það voru mörg hross fá Álfhólum skráð á þetta mót sem er líklega annað sterkasta Íþróttamót ársins með fjöldann allan af skráningum og það er vissulega ánægjulegt fyrir ræktanda að vita til þess að það sé hægt að nota hrossin frá manni í fleira heldur en að ríða fyrir kind ;)
Og því má bæta við að það er gleðilegt þegar að hrossin lenda í góðum höndum, hjá metnaðarfullum knöpum sem kappkosta við að gera sitt besta með þau.


Ég mætti með Dívu í töltið en það var alveg óhætt að segja, að við vorum ekkert að gera okkar besta miðað við hvernig hún hefur verið undanfarið, en fór þó í einkuninna 7.90 sem væntanlega dugar sem farmiði inná Landsmótið í tölti, tja allavega ef maður tekur mið af einkunnum fyrri ára.  
Ég hafði nú reyndar lúmskan grun um að þetta gæti farið svona og svona, því ég var eitthvað að gambla með járninguna á henni stuttu fyrir mót.  Gerði tilraun til að setja hana á botna í lok apríl, en ákvað það fjórum dögum fyrir mót að mér fyndist hún bara mikið betri á gömlu átta millunum sínum, en það var full skammur tími uppá að hlaupa og jafnvægið raskaðist, eðlilega.  Þessi mynd er tekin um miðjan apríl, áður en ég fór út í tilraunastarfsemina ;)   Ég var ekkert að þvæla henni í B-úrslitin enda var sauðburður komin á trilljón hérna í sveitinni og í nógu að snúast!


Frumraun Sóllilju í fjórgang skilaði henni í meistaraflokks einkunn 6.37 en dugði ekki í úrslit. Sóllilja er undan Sóldögg og Berki frá Litlu-Reykjum.


                                                                                                                    Mynd Þórunn Þöll
Gjóska fékk fínar einkunnir í fjórgang fyrir allt nema fet, var dáldið heit á brautinni, kom út í einkunn 6.40. Þetta var líka fyrsta skiptið sem hún keppir í fjórgang.  Gjóska er undan Gásku og Hrannari frá Höskuldsstöðum.



Það var glæsilegt "Comeback" hjá Sögu vinkonu eftir 6 ára keppnishlé á hryssunni sinni henni Myrkvu frá Álfhólum 7 vetra, sem er undan hinni öldruðu Mónu frá Álfhólum og Gusti frá Lækjarbakka.  Saga er áhugamaður en fór í fína meistaraflokkseinkunn í þeirra fyrstu keppni, 6.37.  Þær enduðu í öðru sæti í opnum flokki 2 í góðum félagsskap, með fyrstu verðlauna stóðhesta á hvora hönd.  Mér segir svo hugur að nú sé Saga kominn á bragðið og láti finna fyrir sér á fleiri mótum ;)



Myrkva var ekki eina afkvæmi Mónu sem var að gera það gott, en hún Þórunn Þöll er að gera flotta hluti með Mózart sem er 13 vetra Tívarssonur.  Þau voru í A-úrslitum í fjórgangi unglinga og samkvæmt síðustu fréttum stóðu þau efst á íþróttamótinu í Herði eftir forkeppni í fjórgangi.  Hörku stelpa hún Þórunn og stefnir að því að koma með Mozart í heimahagana í sumar og vinna hérna á Álfhólum :)



Hrefna mátaði Indíu sína á keppnisvellinum í fyrsta skipti og keppnisgreinin slaktaumatölt varð fyrir valinu.  Það gekk svona glimrandi og þær fóru í A-úrslit með einkunina 6.47 eftir forkeppni og enduðu í fjórða sætinu með 6.67. Indía er að stíga upp úr meðslum en hún var illa sleginn í vetur og var frá hátt í 2 mánuði, en hryssan er komin núna á beinu brautina og verður gaman að fylgjast með þeim tveim í sumar. 



 
Ekki bara góð í kyrrstöðu :) ... Indía er falleg hryssa og hefur hlotið 1st verðlaun fyrir byggingu þar af 8,5 fyrir háls og herðar og bak og lend.  Hún er undan Svertu og Leikni frá Vakursstöðum



Harpa Sigríður gerði góða hluti á Trú í barnaflokki, var í B-úrslitum í fjórgang og A-úrslitum í tölti.  Þess má geta að þær eru efstar í fjórgang á Íþróttamótinu í Herði eftir forkeppni. Trú er undan Svertu eins og Indía og Eldvaka frá Álfhólum og er 11 vetra gömul.


Trú er í miklu uppáhaldi hjá fjölskyldunni og fyrr í vetur festu þau kaup á unghryssunni Arabíu sem er undan Svertu og Leikni frá Vakursstöðum, alsystir Indíu.




Alsystir Trú heitir Zara frá Álfhólum og er 7 vetra gömul keppnishryssa hjá Mariu Greve.  Þær voru á Reykjavíkurmeistaramótinu einnig, en eru að gera enn betri hluti uppí Gusti þessa helgina og eru sem stendur fjórðu í tölti með einkuninna 6.77 sem er meistaraflokks einkunn.



Zorro frá Álfhólum er gamalreyndur keppnishestur, líka undan Svertu og Ögra frá Hvolsvelli. Þau Guðlaug Jóna fengu einkuninna 6.43 í ungmennaflokki, flott einkunn en dugði ekki í úrslit í þetta skiptið enda mótið fyrna sterkt.


Það er svoldið gaman að því hvað þessar ósýndu hryssur, Móna og Sverta eru að gefa frá sér fína keppnishesta, þannig að það má nú ekki alltaf afskrifa þessar ósýndu hryssur sem ræktunar hross ;)



Skyggnir frá Álfhólum hefur oft staðið sig vel á mótum með eigandann sinn, Drífu Harðardóttur, þó þau hafi ekki verið í toppslagnum á þessu móti.   Skyggnir er undan Pegasus frá Skyggni og Kolföxu frá Álfhólum sem var af gamla kyninu hér í Álfhólum en er fallin.

Það voru semsagt 11 hross frá Álfhólum skráð á Reykjarvíkurmeistaramót, 10 luku keppni og 5 af þeim fengu rétt til að ríða úrslit.  Dimmir var skráður í fimmgang en ég var með samviskubit yfir því að vera svona marga daga að heiman svo ég sleppti því að mæta með kappann.

Svo af öðrum hestum tengdum okkur.... allt stóðhestum :) 



Rósa með Konna sinn, Íkon frá Hákoti.  Rósa var stór uppá sig og vildi ekki fara í áhugamannaflokkinn og skellti sér í opna flokkinn og stóð sig vel að vanda en fór ekki í úrslit að þessu sinni.  Þau hafa gert það gott á mörgum mótum í vetur að vanda og verið í úrslitum í flestum mótum ef ekki unnið þau.



Hún Hrefna María eignaðist nýjan hest í fyrrahaust, hann Grím frá Vakurstöðum en hún fékk hann hjá þeim Valdimari og Halldóru á Vakurstöðum. Hrefna tamdi þennan hest á sínum tíma og var alltaf hrifinn af honum og stökk á hann þegar tækifærið bauðst.  Stórættaður stóðhestur undan Gæfu frá Úlfsstöðum og Leikni frá Vakurstöðum. 
 



Hrefna og Grímur gerðu ágæta hluti í sinni fyrstu tilraun á keppnisvellinum og hlutu 6,60 í forkeppni í fjórgangi opnum flokk. Þau námu ekki staðar þar en síðustu fréttir herma að þau rúlluðu upp B-úrslitum í fjórgangi nú á íþróttamótinu í Herði í gærkvöldi. A-úrslit verða riðin nú í dag. 



Þennan hest spottuðu Hrefna og Jonni út í fyrravetur og keyptu, Kraftur frá Strönd, Kjarksonur.  Þeir Jonni gerðu það gott í slaktaumatölti og enduðu 4 með 7,50 í einkunni í meistaraflokki. Stefnan er að sýna hestinn aftur í kynbótadóm en þess má geta að við væntum þess að fá 4 folöld undan þessum litfagra gæðingi nú í sumar...


14.04.2011 23:31

Í þjálfun 2011


Það var nú alltaf meiningin að vera dugleg að taka myndir af þjálfunarhrossum (svo fólk haldi ekki að maður sé bara með eitt hross á járnum), svona fyrst maður væri komin með almenninlega myndavél.  En það er lítið spennandi að taka myndir þegar veðrið er alltaf jafn skítfúlt og það er búið að vera hér mest allan Mars og það sem af er Apríl.

Þetta tryppi heitir Gáta og er undan Gásku og Þokka frá Kýrholti.  Hún er klárhryssa á fimmta vetur og hefur verið að koma skemmtilega síðustu vikurnar og það næst vonandi að sýna hana í vor. Húsafellsfélagar eiga helminginn í þessari hryssu.

09.04.2011 11:36

Allra sterkustu


Um síðustu helgi var gammurinn Díva látinn geysa um Svellið í Laugardal, og það tókst bara með miklum ágætum.  Uppskárum þriðja sætið í hörðum slag með einkuninna 8.56 í úrslitum og ég get ekkert verið annað en stolt af henni Dívu "litlu" sem er töluvert yngri í árum talið en skæðustu keppinautarnir.   Og er enn að bæta sig frá síðasta keppnistímabili ef marka má tölur.



Og eins og sjá má af þessum B-úrslitum þá voru engir aukvisar að eigast við þar, sigurvegarar af stærstu Ísmótum vetrarins svo eitthvað sé nefnt.

01.04.2011 00:40

Díva live!


Var orðin úrkula vonar yfir því að nokkur hefði náð almenninlegu videoi af okkur Dívu á Orradeginum, en til allrar lukku þá var þarna staddur umboðsaðili Hrímnis, hann Rúnar Þór til að taka mynd af hnökkunum sínum sem voru á sýningunni og við fengum að fljóta með á filmunni ;)

By the way, hann á nú alveg hrós skilið fyrir þessa hnakka, líklega eini hnakkurinn sem ég hef tollað í svona lengi án þess að hugsa um að skipta í nýtt.  Reyndar svo húkkt orðin að ég er að spá í að kaupa mér annan alveg eins svo vinnufólkið geti líka verið í almennilegum hnakk ;)

27.03.2011 12:50

"Arðsemi"


Hvaða hvatir lágu að baki þegar maður fór með eina af sínum uppáhalds ræktunarhryssum undir ósýndan tveggja vetra folatitt.  Já ef ég gæti nú bara svarað því!

Ég man reyndar að ég hugsaði þegar ég var búin að sjá Öskjuafkvæmin Ask og Akk, að fyrst að Askja gæti eignast fótaburðarhesta með tveim lágengustu stóðhestum á Íslandi, þá hlyti hún nú að eiga eitthvað bitastætt með Orranum ;) ( Nú verður örugglega einhver móðgaður við mig, en báðir þessir hestar og þá sérstaklega Galsi hafa alveg verið að skila ágætis hrossum)

Arð sá ég fyrst veturgamlan og leist vel á hann, verklegt tryppi, lofthár og sterklegur, og brokkði skrefmikill í háu þúfunum á Kanastöðum. Einhverra hluta vegna fannst mér alveg tilvalið að leiða Miðfells-Dimmu undir hann árið eftir.  Og 2004 fæddist Díva litla sem er búin að vera mér mikill gleðigjafi frá upphafi.

Eftir að það kom í ljós að Díva reyndist ætla að verða eitthvað meira en meðalhross, reyndi ég að leiða Dimmu aftur undir Arð fyrir tveimur árum en hafði ekki erindi sem erfiði og fékk hana gelda heim í lok september eftir að hafa verið hjá honum frá miðjum Júlí :(





Ekki til mikið af myndum af Dívu í uppvexti og hún var ekkert endilega með eitthvað "showtime" fyrir mann eftir pöntunum.  Þó lyftir hún hér þokkalega í þúfunum sem folald :)

Fyrsta afkvæmasýning Arðs var í gærkvöldi í Ölfushöll á stórglæsilegri sýningu sem haldin var til heiðurs Orra gamla frá Þúfu. Þar komu fram með föður sínum 3 Arðsafkvæmi, sem öll komu undir þegar Arður var tveggja og þriggja vetra og eru því á sjötta og sjöunda vetur.



Auk Dívu, var þar Blær frá Miðsitju, hestur á sjötta vetri, sem ég varð strax hrifin af á Svínavatni fyrr í þessum mánuði, en hann varð fjórði í A-flokknum þar.  Léttur hestur sem loftar undir.  Þess má geta að eftir að ég spottaði þennan hest út, þá skoðaði ég ættartréð hjá honum og komst að því að hann er af B-línunni frá Hólum, undan hálfsystur Blæju frá Hólum, ofurtöltaranum mikla. Hann er hæst dæmda afkvæmi móður sinnar Björk með 8.25 í aðaleinkunn.



Og Skreyting frá Kanastöðum.  Klárhryssa með 9 fyrir tölt og vilja.  Var í A-úrslitum í tölti á Metamótinu síðasta haust og á örugglega eftir að gera eitthvað meira á keppnisvellinum áður en hún fer í folaldseign.  

Díva og Skreyting eru ekki bara systur heldur náfrænkur líka.  Skreyting er undan Flosadótturunni Lömbu frá Lambleiksstöðum og Miðfells-Dimma móðir Dívu undan Brönu Flosadóttur.   Það leynir sér ekki ættarsvipurinn og kannski ekki skrítið, að þegar Leó var að fara að leggja á Skreytingu í hesthúsinu hjá mér fyrr í vetur, þá ætlaði ég að bregðast hin versta við og spyrja hvern fjandann hann væri að veltast með Dívu að mér óforspurðri! ;)


                                                                                                                           Mynd Örn Karlsson
Skyrpt úr hófum á Dívunni í Ölfushöllinni í gærkvöldi. 


                                                                                                                                                           Mynd Brautarholtshestar
Arður hefur kannski ekki náð að slá almenninlega í gegn sem einstaklingur, en það má þó þakka fyrir að hann er það sem hann er, eftir að hafa slasast alvarlega á afturfæti á fjórða vetur og ekki hægt að sýna hann fyrr en 7 vetra vegna þess. Það er reyndar alveg undravert hvað hann fæst til að beita sér á gangi svona skaddaður sem hann er og koma vel fyrir. Og það sem meira er, hann er að tikka inn sem góður kynbótahestur, kominn með nokkur hross í góð fyrstu verðlaun, og ekki síst virðist hann ætla að gefa frábær keppnishross sem vegur heldur betur þungt á vogarskálinni.

Að veðja á tvævetlinga, getur verið eins og að spila í Lottó en ég vann allavega pottinn í þetta skiptið ;)

25.02.2011 09:02

Febrúarfréttir og Glens


Jæja, það er nú bara tvennt í stöðunni, að skila inn þessu léni sem maður er að borga formúgur af á hverju ári, eða að fara bretta upp ermarnar og reyna að uppfæra reglulega!



En þótt lítið sé um fréttaflutning, er ekki þar með sagt maður hafi haft lítið fyrir stafni undanfarið, nema síður sé.   Ég er samt búin að komast að því að það er ekki nóg að eiga dýra og fína myndavél, ef að enginn er til að taka myndir af manni á hestbaki :o

Þá er ekki annað í stöðunni en að skella sér í bæjarferð og troða sér í "spotlætið" en ég reið nokkra hringi í reiðhöllinni í Víðidal um síðustu helgi með öðrum útskrifuðum reiðkennurum frá Hólaskóla á henni Gjósku minni sem er hægt og rólega að komast í form, en má samt missa svona 50 kíló í viðbót ;)   Líklega eina hrossið sem ég hef verið á sem hefur náð að gefa sjálfri sér á kjaftinn, en það gerðist fyrr í vetur þegar hún var í ægilegu stuði!


Þessari mynd stal ég af Fésinu hennar Rikke Norsku sem var hér á Íslandi í heimsókn í nokkra daga og tók þessa mynd í rigningarsudda hér um daginn, en þetta er hún Sóllilja, undan Berki frá Litlu-Reykjum og Sóldögg minni.  

Það munaði nú ekki miklu að það færi illa fyrir henni þessari í haust, en ég fann hana í lok október afar illa til reika og hún hafði greinilega legið í afveltu í nokkurn tíma, en var nýstaðinn upp þegar ég fann hana, mjög þrekuð og ég tók hana að sjálfsögðu heim í meðhöndlun. Þegar ég setti hana út daginn eftir til að viðra sig, gat hún varla gengið, svo miklar harðsperrur var hún með greyið. Hvað það var sem kom henni loksins á lappir veit ég ekki, en grunar þó varginn sem er nú ekki að spyrja að því hvort skepnan sé lifandi eða dauð þegar hann býst til matar.   

Vegna þessa áfalls var Sóllilja ekki tekin inn aftur fyrr en um áramót, svo hún fengi góðan tíma til að jafna sig og er bara búin að vera í þjálfun í rúman mánuð þegar þessi mynd er tekin.

Það væri ólíkt tómlegra í hesthúsinu ef Sóllilja væri ekki þar að bjóða manni góðann daginn á morgnanna með sínu vinalega kumri, má ekki til þess hugsa!



Í byrjun febrúar var alveg geggjað útreiðafæri í nokkra daga, hérna tekur Leó hálfsystur Sóllilju til kostanna, Bót sem er á fimmta vetur undan Berki frá Litlu-Reykjum og Synd frá Kollaleiru, hörku gott tryppi með allar fimm gangtegundirnar.

Ég var ekki lítið pirruð á að hafa ekki neinn góðan myndasmið í þessu frábæra færi, gerði eina tilraun við að setja annan á vélina en mig, en gafst upp þegar vantaði ýmist haus eða fætur ;(

Þá rölti ég bara sjálf niður í mýri til að leika mér með nýju cameruna og náði nokkrum skemmtilegum myndum í snjónum! 



Eyjafjallajökull skartaði sínu fegursta og lítið við hann sem minnir á gjörningatímabil síðasta vors.

 

Þetta er yngsta afkvæmi Mónu, og hugsanlega það síðasta, þar sem hún er orðin frekar ellileg greyið, jarpvindóttur hestur undan Fróða frá Staðartungu.  Móna gamla klikkar sjaldan á því að gefa pattaralega klárhesta og hátt hlutfall af vindóttu.  



Nei Vindur litli er ekki bara að lyfta í snjónum ;)



Afturhjólaspyrna1



Þessari hryssu hef ég tröllatrú á, en hún er undan Dimmi og Þyrnirós og þá hálfsystir Þrumufleygs.  Hún er lík móður sinni þegar hún var folald á margan hátt, nema það er ívíð betra afturfótaskref í þeirri litlu að sjá (Þá er ég ekki bara að tala um í snjónum) Eitt af örfáu merfolöldum sem fæddust hér í sumar.  Þau fæddust fimm, ég átti fjögur, seldi eitt og þá eru ekki nema þrjú eftir, ekki mikill ríkidómur það!!! 

En hestfolöldin..... þau fæddust hvorki meira né minna en 15 hér á bæ, 75%!  Og svona var það í fyrra líka, yfir 70% hestfolaldahlutfall.  Ég verð að fara 3-4 ár aftur í tímann til að finna jafnt hlutfall hesta og hryssna! Það liggur við að maður missi gersamlega áhugann á hrossaræktinni með þessu áframhaldi!
Og dýralæknirinn ánægður enda nóg að gera við að klippa kúlur á næstunni!



Gásku og Kappasonurinn er kominn með formið á kristaltært, spurning hvort hann hafi kíkt á FT sýninguna og numið fræðin?



Fyrir tveimur vikum var Þorri blótaður af miklum krafti hér í Njálsbúð og Kjellan fyllti heilt borð af Grúppíum og gæum héðan og þaðan af landinu sem biðu spennt eftir að sjá þá gömlu láta ljós sitt skína á leiklistarsviðinu, en það var hlutverk mitt þetta árið að vera í skemmtinefnd ásamt öðru stórskemmtilegu fólki ;)



Systkinin Fannar og Hrefna með John á milli sín.  Gárungarnir eru farnir að kalla hann John Skúla eftir góðan árangur í tölti í Meistaradeildinni og ekki síst stórsigur á "Tengdamömmubrún" í liðakeppni Höfuðborgarbúa í tölti.  Tengdamömmubrúnn (Það var Daníel Ingi Smárason sem fann uppá þessu frábæra nafni og póstaði á Feisbúkk ;) er sem sagt Íkon frá Hákoti, alveg þrældrjúgur keppnishestur í tölti. Rósa reið meira segja yfir dóttur sína um daginn á Bleika töltinu á honum, ekki skrítið að Hrefna nauði í þeirri gömlu að selja hann, ómögulegt að hafa hana of vel ríðandi ;)



Og hér má sjá hluta af skemmtilegu skemmtinefndinni, þá Tomma Snorra og Danna Smára. Skemmtilegu skemmtinefndinni segi ég, því hópurinn var samheldinn og skemmti sér stórlvel þennan mánuð sem æfingar stóðu yfir.  Það var töluvert stórt hlutfall af hestamönnum í nefnd þetta árið. Og margir sýndu hæfileika sem þeir sýna alla jafna ekki dags daglega. By the way ef ykkur vantar trúbador þá skulið þið hringja í Vigni í Hemlu hann er alveg með þetta, og Tommi getur örugglega sungið með ;)


Hér má einmitt sjá feðgana í Hemlu ná upp rífandi stemmingu í salinn með því að syngja um Gestalistann í afmælisveislu Nautabílsins....Jahá sumir geta alltaf fundið sér partítilefni!

Við lögðum allt undir til að gera eina stóra flugeldasýningu og skemmta sveitungum okkar og við höldum að það hafi tekist!  Allavega voru "grúppíurnar mínar" inná því að þetta hefði verið skemmtilegra en áramótaskaupið ......humm veit ekki hvort ég tek því sem hrósi því mér fannst áramótaskaupið ekkert skemmtilegt í ár ;) 
En stemmingin á sviðinu í lokin var geggjuð þegar allir í salnum stóðu upp og tóku undir í lokalaginu sem var ekki af verri endanum, Íslenskuð útgáfa af Fairytale hans Alexanders Rybak! Því miður náðist það ekki á filmu því myndavélin mín varð batteríslaus í lokaatriðinu :/

Og ég ætla hiklaust að kenna þessu Þorrablótsstandi um bloggleti mína undanfarnar vikur, því öll tölvuvinnsla ( og hún var mikil) lá á mér og einnigl á Daníel, sem er algert séní á að finna réttu lögin við atriðin og stílisera eitt og annað.  Ef við Danni verðum atvinnulaus í hestamennskunni þá setjum við bara á stofn Kvikmyndafyrirtæki saman, mohahaha

Læt hér fylgja með stutta video sketsa sem við fléttuðum inní skemmtiatriðin okkar.


Þarna má sjá fréttafólkið frá Asísku sjónvarpsstöðinni sem var í hér í sveitinni í fyrra í leit sinni að venjulegu fólki í Landeyjum. Hvort að nágrannarinir í Fróðholti og Ármóti falla undir þá flokkun, skuluð þið sjálf dæma um ;)



Og áður en Sjónvarpsstöðin yfirgaf klakann, fékk hún að fylgja Lilla í lokatilraun til þess að finna "Venjulega fólkið í landeyjum"

Góða skemmtun ;)




11.01.2011 01:00

Á nýju ári



"I have a dream".... um að það komi svona jafnfallinn og fallegur snjór ofan á frosnu freðmýrarnar hérna sunnanheiða, eins og kom hér einn dag yfir jólin :)

En gleðilegt árið allavegana áður en lengra er haldið!



 Og þær buðu sko nýja árið velkomið hún Díva og Þokka og Gáskudóttirin sem sprönguðu um og léku sér á nýársdag sem enginn væri morgundagurinn.  Og ég fékk ágætis tækifæri til að prófa nýju myndavélina sem ég fékk um jólin, vúhú!

Jepp góðu útreiðardagarinir í kringum áramótin voru kærkomnir og hrossin alveg í feyknastuði mörg hver, verst að ég hafði engann á myndavélinni þá til að festa það á filmu ;)




Ekki voru tilþrifin lítil hjá hálfsystur Dívu, henni Vöku frá Kanastöðum sem setti sig í hollingu eins og hún væri tilbúin að keppa við þá bestu. Hörkugóð og jafnvíg alhliðahryssa, og ég skil ekkert í því að enginn skuli vera búinn að fjarlægja hana úr hesthúsinu mínu ennþá! Já það er svoldið spes að þau hross sem staldra lengst á sölu eru fimmgangshrossin en klárhrossin eru oftar en ekki farin innan tveggja vikna eftir að þau koma inná síðuna hjá okkur.  Svoldið sérstakt í ljósi þess að alhliða hrossum er núna gert hærra undir höfði eftir vægisbreygingarnar heldur en klárhrossunum sem enda bara í 7,92 í aðaleinkunn fyrir hæfileika en voru með 7.98 áður.  Maður spyr sig hvort að það sé verið að færa ræktunina fjær markaðinum með þessu?  Og til hvers?  Ég nenni samt ekki að fara útí þessa sálma núna, á einhverstaðar risa bloggfærslu um þetta frá því snemma í haust sem ég hef þó ekki nennt að ómaka mig við að klára, kannski geri ég það seinna. 

En Vakan er góð hvað sem öllum vægisbreytingum líður, enda með brokk eins og klárhestur og mikill reiðhestur að auki! 


Fatlaða fólið hún Dimmuborg hálfsystir Dívunnar í móðurlegg, var ekki lítið ánægð með veðurblíðuna og spólaði upp alla brekkuna.  Þetta video tók ég þegar ég var að prófa  videoið á nýju myndavélinni minni og það er nú svona og svona tekið með alltof mikilli zoom linsu í of mikilli nálægð, en vonandi kemst myndefnið til skila engu að síður.   Hún Dimmuborg getur vonandi gefið einhverjum óheppnum eiganda von sem lendir í sömu aðstæðum og ég, hvort á að fella eða eiga.  Ég er allavega alveg hrikalega ánægð með mig að hafa tekið slaginn með henni þótt að það hafi oft verið erfitt að horfa uppá hana.  Hreyfigetan verulega skert en engu að síður fær um að sletta úr hóf ef svo ber undir og stendur upp núorðið án nokkura vandræða þótt hún sé komin slatta langt á leið.  Í fyrra voru miklar tilfæringar við að koma sér á lappir og helst vildi hún bara liggja 80% af sólarhringnum.
En verður spennandi að sjá hvort hún kemur frá sér spræku folaldi á komandi sumri, en hún er eins og áður hefur verið sagt, fylfull undan Frosta frá Efri-Rauðalæk

Jæja, best að fara að leggjast á bæn og biðja um snjó eða rigningu, því þetta er orðið full mikið af því góða, alger óþarfi að kaffæra norðlendingana í öllum snjónum!   Hrossin hjá manni fara að vera svo mikið tamin á þessari reiðhallarþjálfun, maður er að verða uppiskroppa með æfingar til að kenna þeim til að halda við fjölbreytileikanum!  Jú jú auðvitað er hægt að ríða á túnunum eitthvað, en það er líka bara oft svo rosalega kalt og sum hrossin ekki fullgóð í lungunum ennþá eftir flensuna, búin að setja tvö á Penisilin kúr eftir að þau komu inn, bæði með Bronkítis, Gjóska og Mánasteinn, hann reyndar helmingi verri og tamingin sem átti að vera á honum seinnipartinn í haust hefur  farið útum þúfur.  En hann er kominn undir Back on track núna og þetta hlýtur að fara að lagast, en allavega er maður ekki að taka sénsinn og láta þau mæðast í köldu lofti ef hægt er að komast hjá því og útreiðarfærið lítið spennandi.

Ég ætla að minna hesteigendur á Suðurlandi að tékka á vatni í hólfum hjá sér, því þó að það hafi sloppið undanfarin ár, þá er það ekki víst að það sleppi núna, öflugar sprænur eru að frjósa þannig að hrossin komast hvergi nærri vatni, og þegar þetta er farið að hlaupa á vikum... þá er það ekki gott.

24.12.2010 17:43

Gleðileg jól!

05.12.2010 11:18

Undantekningin



Í mínum eftirlitsferðum um hrossahópinn í haust er einn rauður sem fangar alltaf athygli manns fyrir vasklega framgöngu.  Þetta montrassgat er undan Kappa frá Kommu og Gásku frá Álfhólum.



Ég var nú með mínar efasemdir um að pörunin hefði verið gáfuleg þar sem bæði Gáska og Kappi flokkast undir að vera klárhestar og þrátt fyrir að vera heldur höll undir slíka hestgerð, þá trúi ég ekkert endilega á að það sé sniðugt að halda klárhestum hverjum undir annan.  En Gáska er með 9 fyrir tölt og Kappi er kominn með 9.5 og mér sýnist miðað við það sem ég hef séð í þeim rauða að þar vanti ekki töltið þannig að ég er bara sátt með útkomuna.  Kannski það sé bara málið, að hnykkja á góðum klárhryssum með því að halda undir enn betri klárhest, hummm........



Og lofthæð hefur hann fengið frá báðum foreldrum sínum þannig að þetta er hið besta mál allt saman.........nema hann er undantekningin sem sannar regluna!  Hann er Rauður!  Ég er orðin góðu vön þegar Gáska á í hlut og hún er alltaf búin að eiga skjótt afkvæmi þangað til núna.  Aldeilis heppin þar til í sumar að "Rauður tíundi" kom í heiminn mér til mikilla vonbrigða.   En maður ríður ekki langt á litnum einum saman og honum til tekna þá er hann dökkrauður og verður vonandi "Vallarvænn".  Rauður tíundi hefur nú ekki fengið nafn ennþá en ætli það liggji ekki best við að kalla hann Garp.  Hann er eini hesturinn sem er til undan Gásku fyrir utan Gáska Geislason sem var seldur til Austurríkis í fyrra.
Fleiri myndir hér



Keilissonurinn frá því í fyrra sem var í eigu Húsafellshesta hlaut heldur dapurleg örlög.  Honum var forðað hér í vor undan gosi, flóði (sem aldrei kom) og öskufalli.  Ég man eftir því þegar ég setti hann á kerruna að ég sagði við þá félaga að þeir yrðu að passa sérstaklega uppá hann af því að ég ætlaði að fá hann lánaðan tveggja vetra, og hann yrði sá eini úr þeim árgang sem myndi fá að leika sér eitthvað.   En þegar Metamótið var í haust komu þau tíðindi að Skjóni litli væri týndur og eftir dauðaleit fannst hann drukknaður í djúpri gjótu í Flóanum þar sem hann var í hagabeit og er þá annar af fjórum hestum fæddum undan Gásku sem nær ekki að verða eldri en veturgamall.



Gáska er líklega að öllum öðrum stóðhryssum hér ólöstuðum, sú ein sú skemmtilegasta til að henda sér á bak og fá sama fílinginn eins og maður hefði tekið útúr henni beislið deginum áður í fullri þjálfun.  Þarna er hún nýkominn úr girðingu frá Kappa og að sjálfsögðu ójárnuð! 
Í sumar var henni haldið undir Ágústíunus.

24.11.2010 09:41

Fræg í þrjár!



Eyjafjallajökull dró margan blaðamanninn til landsins, en það var þó Íslenski hesturinn sem dró Heinz Bayer sem skrifaði þessa grein á forsíðu Salsburger Nachrighter til Íslands með fjölskyldu sinni.  Meðan ég labbaði með þeim út í mýri að skoða folöld og heilsa uppá Mánastein, bullaði ég eitthvað um eldgosið, alveg grunlaus um að það yrði eftir mér haft á opinberu prenti! Og þegar myndavélaskotin dundu á okkur...... ég hélt bara að við værum svo sæt saman, við Mánasteinn, að það langaði öllum að eiga mynd af okkur ;)



Elisabeth konan hans Heinz keypti hina ágætu Heiðrúnu Pegasusdóttur af mér síðasta vetur og þau eru afar ánægð með hana. Þau koma reglulega að Egilstöðum1 í Árnessýslu og ríða þar út í nokkra daga í senn. Gott orðspor Heiðrúnar flaug á milli gesta á Egilstöðum1 í sumar og ekki leið á löngu að Ólafur bóndi mætti með gest í hlaðið til að versla dóttur hennar Heiðrúnar....



....hana Sabinu frá Þýskalandi sem varð strax ástfangin af hinni stóru og myndarlegu Heiðdísi Heikisdóttur og er orðin stoltur eigandi hennar.



Af hestamiðstöðinni hér á Álfhólum er annars allt gott að frétta, fullt út úr dyrum eins og venjulega og áhugaverð söluhross að bætast í hópinn.  Þetta er Andvari Eldvakasonur, 5vetra, traustur og auðveldur mýktarhestur með fallegan fótaburð.
 
Flestir "stórsnillingar" ef mætti kalla eru ennþá úti að njóta síðustu haustdagana, enda er þeim ekki vorkunn að vera úti í svona góðri tíð.

Og af pestinni góðu... mér sýnist hún í fljótu bragði vera algerlega búin í folöldunum líka.  Ég skil ekkert í því hvað þau sleppa vel hér miðað við hvað maður heyrir annarstaðar. Kannski af því að ég er bara semí kærulaus og læt hrossin vera sem mest í friði, er ekki að reka þau til og frá, inní  hús og svona þar sem smitið gæti hugsanlega magnast upp.  Er venjulega búin að örmerkja og gefa öllu inn um þetta leyti en hef verið að bíða með það sem lengst, til að leyfa þeim jafna sig áður en ég fer að valda þeim stressi og leiðindum með aðgerðum mínum.
Verð að segja að ég er alveg forviða þegar menn eru að rífa folöldin undan mæðrum sínum og loka inni úf af pestinni, held að það sé þeim fyrir bestu að vera sem lengst á móðurmjólkinni úti í frelsinu. En.... hver hefur sína hentisemi.


27.10.2010 21:58

Haustverkin



Ætli maður sé ekki búinn að slá öll met í bloggleti í þessum skrifuðu orðum!  Tölvan mín er orðin eins og gamall trabant og ég hef orðið litla þolinmæði við að sitja við hana, sér í lagi ef kemur að myndvinnslu og videovinnslu.  Kannski tími á að fá sér nýja (eða hreinsa vírusana úr þeirri gömlu ;)

Haustið hefur farið mjúkum höndum um menn og hesta, búið að vera alveg einmuna blíða fram að þessu með smá undantekningum,  til allrar lukku vegna heilsufars hrossanna á þessum tímum.  Við höfum ekki lent í að fá mikið veik folöld ennþá en það verður að hafa athugult auga með og grípa fljótt inní ef með þarf.  Fullorðnu hrossin sýnast flest hafa jafnað sig en hjá fáeinum hefur þetta dregist eitthvað á langinn.  Myndin fyrir ofan sýnir sprækan Gáska og Urðarson.


Gola, Blængur, Drífandi, Faró og Gullveig.

8 hross fóru frá okkur um helgina til Nörrköpingen í Svíþjóð, ekkert var stoppað eftir einangrunina þannig að vonandi er hrossahaldið allt á réttri leið.  Það munar nú alveg um að losna við 8 stykki og það voru ánægðir eigendur sem tóku á móti hrossunum,  margir búinir að bíða eftir þeim langþreyttir síðan í vor!


Íslensku gæðingarnir að njóta lífsins síðustu dagana á íslenskri grundu með íslenska "ösku" töðu að smjatta á!






Fyrstu verðlauna myndarhryssan Gullveig frá Lóni komst loksins til eigenda sinna í Noregi.  Hún fyljaðist ekki í fyrra í fyrstu atrennu, en Krákur frá Blesastöðum bætti þar úr í vor og fór hún fylfull út.



Og þessi unga norska mær var búin að bíða í 5 langa mánuði eftir henni Golu.  Gola var veik þegar hún átti að fara í flug í vor og biðin var löng og ströng fyrir Emilie sem poppaði reglulega upp hjá mér á Feisbúkk og spurði hvort Gola væri ekki alveg að koma :) 



Tamningar hafa verið á "speed dial" hérna síðan um miðjan september en þá var hraðtamningarstöðin sett á fullt og 13 ótamin tryppi tekin heim og 12 voru orðin reiðfær úti á innan við viku.  Ég er mjög kröfuhörð um hraða námsgetu hjá hrossum samanber að sá þrettándi sem var ennþá bara inn í hringgerði eftir vikuna fer líklega í "Hvíta Húsið".  En svona er það bara, bransinn er harður. 

Þessi blesótti var reyndar ekki í frumtamningarhópnum, en þetta er 5 vetra efnisfoli, fimmgangari sem er á leiðinni á sölusíðuna von bráðar.  Það vill svo skemmtilega til að honum var bjargað frá "Hvíta húsinu" á sínum tíma.  En fyrir fimm árum síðan var ég stödd á Strönd í Landeyjum að leita að sérstökum litafolöldum fyrir kúnna og sá þá þennan blesótta í folaldahópnum með klippt tagl.  Og það að vera með klippt tagl þýddi að viðkomandi var á leiðinni í "Hvíta húsið" á Selfossi.  Þar sem það vakti athygli mína hvað hann bar fótinn vel, þá hringdi ég í Valda frænda en hann átti hestinn sem þetta folald var undan, Glampasoninn Þrym frá Álfhólum, og sagði honum að versla!  Ekki er móðuættin af verri endanum en Skeiðhestafaðirinn mikli Kjarval er móðurafi.  Það er mjög stutt síðan það var tékkað á fimmta gírnum í þeim blesótta, en hann virðist alveg vera í góðu lagi.



Það sem stendur uppúr af mínum frumtamningartryppum þetta haustið er líklega 3v Gáskudóttirin Eldglóð undan Braga frá Kópavogi.  Stór og myndarleg, gangmikil, næm og létt. 



Aðra Bragadóttir er ég með, Mánaglóð þriggja vetra undan Mónu gömlu, er þá hálfsystir Móeiðar.  Hún er hágeng klárhryssa með frábæra samvinnuþýða lund og góðan vilja, ekki spillir liturinn fyrir, móálótt vindótt.  Stígur hæga töltið mjúklega eftir rúmlega mánaðartamningu, efnilegt fjórgangsefni þarna á ferð.

Þriðja Bragadóttirin, Álfarós Þyrnirósardóttir er í eigu Húsafellshesta og er í tamningu hjá John í Ármóti.  Jonni er komin með öll Þyrnirósarafkvæmin í áskrift eftir að hann kynntist Þrumufleyg :) Við fórum í úttekt í Ármót um daginn og vorum ánægð með það sem við sáum.  Hrefna tók helling af myndum......eða hún hélt það alveg þangað til hún uppgvötaði að það var ekkert kort í myndavélinni!  En ég trúi ekki öðru en það komi önnur Kodak móment síðar!




Jamm, þannig að ákvörðunin með að veðja á Braga með bestu merarnar fyrir 4 árum var ekkert svo galin held ég, mesti bömmerinn er samt að vita ekki hvernig Dimmuborg Dimmudóttir mjaðmabrotna hefði litið út undir hnakk, því öll systkini hennar (hvort sem var af móður eða föðurkyni) voru eins og reiðskólatúttur miðað við hana þegar þær voru ungviði :/ 

Annars er það að frétta af "Prinsessunni á bauninni" eins og hún er stundum kölluð í gríni, að hún er fylfull við Frosta frá Efri- Rauðalæk, en ég var bundin við að nota hesta sem voru í sæðingum í nágrenninu fyrir hana.
Ég var búin að heyra af annari hryssu í eins ásigkomulagi sem búin er að eiga tvö folöld, þannig að ég lét bara vaða á það líka, en lagði ekki í það að láta hana standa undir hesti í þetta skiptið.  Og hún er bara nokkuð brött miðað við aðstæður, getur tekið sig til og brokkað eins og vindurinn og sýnst ekkert vera neitt óskaplega mikið hölt.



En það þarf svo sem ekkert að leiða hugann að því lengur hvort á að halda undir Braga meir því hann fór líka í fluginu um helgina til Nörrköpingen og kemur ekki til baka.  Hann var hér í nágrenninu í sumar en það vissi ég ekki fyrr en of seint og var búin að halda flestum merunum mínum áður en hann kom.





Það er ekki neinn fjöldi af stóðhestum þetta árið, einn Skeljabrekku Glymson á ég, álitlegan og fallegan á litinn, en get ekki sagt neitt um það ennþá hvort þarna sé einhver tímamótahestur á ferð,  geðugur hestur með nógan gang og töluvert skeið held ég, en það er ljóst að sá góðgangur verður að vera til staðar ef þessi hross eiga eitthvað að gera í kynbótakerfið, meir um það síðar ;)

Ætli það séu ekki hérna að jafnaði yfir 30 hross í þjálfun þannig að nóg er að gera. Mér til aðstoðar var í september, hann Arnar, ungur maður af Snæfellsnesinu en Hafnarfjarðarmærin Stella tók svo við af honum og eyddi hér skólafríinu sínu, síðustu fjórum vikum.  Svo á ég von á danskri stelpu, verknema sem verður fram að jólum.

Svo má ekki gleyma henni Hrefnu frænku sem er búin að vera hér í allt sumar en hún er eins og farfuglarnir, flýgur til byggða á veturnar og ég býst við að svo verði í vetur einnig.



Sparibaukar eru flestir í fríi og verða það vonandi sem lengst, það er þá tími til að vinna í öðru á meðan! Stallsysturnar Díva og Gjóska orðnar vel bústnar og belgstórar í hausthaganum eins og sjá má. Það verður farið að tékka á þeim svona eitthvað undir lok Nóvember aftur, það gengur ekki að þær vaxi á þverveginn alveg út í það óendanlega.  Við könnumst nú við það, hvað það er lítið mál að bæta á sig aukakílóunum en algert "hell" að ná þeim til baka ;)  By the way, það er búið að vera Bootcamp þema á þessum bæ hjá tamningafólki undanfarið og verður fram að jólum.  Það gengur ekki að ætlast bara til að hrossin séu í góðu formi, knapinn verður að vera það líka!



Ekki má hlaupa frá haustinu án þess að minnast á kindurnar.  Hverju sem er að þakka, þá var meðalviktin á lömbum þetta árið sú hæsta hingað til, 17,13 kíló og gerðin 8.62, fitan 6,87.  70% af lömbunum fór fyrsta sláturdaginn í September sem var í kringum tíunda.

Gimbrarnar og lífhrútarnir voru svo vegin og metin um miðjan október og var það mat ekkert til að kvarta yfir þó að lömbin væru aðeins farin að slakna, enda grös farin að falla og ekkert kál hér í boði fyrir kindur eins og á mörgum bæjum. Reynum að halda kostnaðinum í lágmarki við þessar rollur, enda eru þær nú hálfgert hobbý miðað við aðrar búgreinar hér á bæ!
Stærstur hluti af gimbrunum voru með 17.5 og 18 fyrir læri og tvær fengu 18.5. Þær eiga það sameiginlegt að eiga hyrndan afa, sæðingarhrútinn Kveik og  önnur þeirra raunar hyrnd og sú eina með höldur sem hlaut náð þetta árið.  Stofninn er 95% kollóttur og þær hyrndu fá að vera með uppá punt ;)

Eins og alltaf var valið á milli gimbrana erfitt og alveg hægt að setja á 45 fallegar gimbrar í staðinn fyrir tæplega 30.  En vinnan við þetta á vorin er alveg nóg til að halda manni á mottunnni varðandi fjölgun, og að eiga 160 -70 hausa á húsi er meir en nóg, fjúff ! 

Stella tamningarkona var farin að hafa miklar skoðanir á valinu og valdi sér auðvitað þær systur sem voru litfallegastar, sjá mynd.  Þær eru reyndar gríðarháar í bluppi þó að dómur hafi ekki verið sá besti.  Skiptir þar mestu að þær eru þrílembingar.  Svo sem ekkert slæmt að fá aukalömb á vorin og með það í huga sluppu þær fyrir horn.



Lenti í því á minni vakt í fjárhúsinu í vor að taka á móti tröllalambi.  Aldrei séð annan eins hlunk og eins og sjá má á myndinni þá eru lappirnar á honum næstum eins breiðar og á mömmunni!  Ég var bara ánægð með ljósmóðurhæfileika mína fyrir að hafa náð honum lifandi út án þess að drepa kindina með hjálp fílsterks aðstoðarmanns!
Hann er eins dags gamall á þessari mynd en Míní mora er 6 daga gömul gemsatvílembingur við hliðina á honum. Það má geta þess að mamman stendur uppá planka þarna við hliðina.  Trölli skilaði sér alla leiðina í sláturhús í byrjun sept og var hátt í 24 kíló,  jafn þungur og fyrirmálslamb, einlembingur fæddur einum og hálfum mánuði fyrr!

Jæja þetta er orðið gott í bili og það verður vonandi ekki jafn löng bið eftir næstu færslu :)


25.09.2010 11:30

English readers



The English News page has now been updated. Enjoy!

19.09.2010 21:22

Síðsumarsýning

Stutt ágrip um Síðsumarssýninguna, einu sýninguna sem ég náði að sýna einhver hross á eftir skrítið sumar.



Ég var nú alveg búin að gefa það upp á bátinn að geta sýnt snillinginn Mátt frá Leirubakka þetta sumarið. 
Hann hóstaði langt fram eftir Júlímánuði og það var ekki fyrr en í lok mánaðarins að það var hægt að byrja á að þjálfa hann á ný eftir þriggja mánaða pásu.  Og eftir aðeins þriggja vikna þjálfun fór hann í 8.57 fyrir hæfileika og raðaði þremur níum á eftirsóknarverðustu eiginleikana að mínu mati, fyrir tölt, vilja og fegurð í reið!  Það er eiginlega hálf sorglegt að þessi stóri og myndarlegi fashestur skuli stigast svona óheppilega í byggingu því þar er hann eigungis með 7.85 og kemur því út með aðaleinkuninna 8.28.



Mátt fékk ég í hendurnar á miðju sumri í fyrra, vel taminn og þjálfaðan eftir Jón Pál Sveinsson.  Það hefur verið virkilega gaman að þjálfa hann og finna hann eflast og nú í sumar sagði ég við félaga mína sem eiga hestinn áður en ég sýndi hann, að það væri ekkert spurning hvort hann dytti í 8,5 eða 9 fyrir tölt, heldur hvort það yrði nían eða níu fimman!  Hann var farinn að sýna mér frábær móment og það að sitja þennan hest í stuði, er eins og maður hafi allan heiminn í fanginu (skrítin samlíking kannski ;)

En öll ævintýri taka enda og ný hefjast í staðinn. Máttur hefur skipt um eigendur að hluta og það var ekkert minna gaman að vera aðalgrúppían á kantinum horfa á hann á Meistaramóti Andvara fyrir tveim vikum síðan þar sem hann og Siggi Matt enduðu í 2-3 sæti í A-flokk.  Svo á ég von á nokkrum folöldum undan honum á næsta ári og á örugglega eftir að nota hann eitthvað meir svo lengi sem hann verður áfram á landinu. 

Máttur er undan Keili frá Miðsitju og Hrafnkötlu frá Leirubakka Hervarsdóttur.



"Díva fer ekki í ræktun fyrr en hún fær almenninlega einkunn fyrir allavega tölt og vilja" sagði ég við meðeigendur mína fyrr í sumar. Á síðsumarssýningunni fékk hún 9.5 fyrir tölt og vilja, 9 fyrir fegurð í reið og 8.20 fyrir hæfileika og 8.10 út.  Þar með voru ásættanlegar tölur komnar og ekkert því til fyrirstöðu að leiða þá jörpu undir hest, enda átti hún að vera á síðasta degi hestaláta þarna á sýningardag.  En þegar kanna átti málið var hún hætt í látum og af því að langt var liðið á sumar verður slagurinn tekinn með hana eitt árið í viðbót. Ég get nú ekki sagt að ég hafi verið mjög leið með þá ákvörðun enda ekki sjálfgefið að eiga alltaf svona gæðing undir hnakk.  Það er nú heldur ekki eins og hún sé að verða ellidauð, bara 6 vetra gömul!


Síkát með eyrun fram :)

Það þarf alltaf að vera eitthvert drama í gangi, og í raun ákvað ég ekki að fara með Dívu í sýningu fyrr en svona korteri fyrir eða hér um bil.  Hún reif svo illilega undan sér í rekstri í vikunni fyrr og annar framhófurinn brotinn í spað.  Lindi járningamaður reddaði því sem reddað varð daginn fyrir dómsdag, nema hóflengdinni, þeir minnkuðu um rúman sentimeter og hófaeinkunnin datt úr 9 í 8.5 og þar með datt hún niður í 7.94 í byggingu.  Það virtist þó ekki hafa stórskaðleg áhrif á jafnvægi á gangi, nema einna helst brokkið sem mér fannst vera orðið meira heldur en upp á 8.  Sem stendur er fetið hennar Akkelesarhæll og einkunn þar uppá 6,5 er ekki til að hrópa húrra fyrir.  Það hefur ekkert með spennuvilja að gera, henni finnst bara fínt að tipla það eins og ballerína, hvort sem það er við taum eða á slökum taum!   Ætli maður verði ekki að kaupa tíma fyrir hana á göngu eða vatnsbretti í vetur til að kenna henni að feta almenninlega ;)

Díva er undan Arð frá Brautarholti og Dimmu frá Miðfelli




Gjóska stóð sig með ágætum þrátt fyrir að þjálfunin hafi gengið brösulega eftir pestina sem hún er reyndar ekkert ennþá orðin góð af, og mér lýst ekkert á ástandið á henni svona fyrir haustið.  En að auki marðist hún í hóf, var slegin og svo framvegis....óttalegur hrakfallabálkur alla tíð, hún Skjóna mín!

Klárhryssa með 8.5 á línuna og 8 fyrir fet, fyrir hæfileika 7.88 og 7.89 fyrir byggingu, Aðaleinkunn 7.89
Gjóska er undan Hrannari frá Höskuldsstöðum og Gásku Gáskadóttur.



Á svífandi brokki. 



Gjóska átti að verða mitt keppnishross í fjórgang svona eitt tímabil áður en hún færi í ræktun, en það hefur eitthvað gengið illa að koma því saman.  Kvöldið fyrir Suðurlandsmótið í fyrra, fékk hún heiftarlega hrossasótt og það hvarlaði að mér að nú væri hún hreinlega að fara.  Og svo ætlaði ég með hana á Íslandsmótið í ár en þá hafði hún stokkbólgnað á framfæti sem hún meiddist á rétt fyrir kynbótasýningu og stakk við.

Það kom upp skemmtileg umræða hjá mér og tamningakonunum í sumar um það að ég skildi hafa bestu hryssurnar einar í sitthvoru hólfinu með eina geit hjá sér fyrir félagsskap.  Það var nefnilega einhver snillingur sem sagði okkur það að hlaupahesturinn frægi Seabiscuit hafi haft slíkan félagsskap!



Móey litla náði sér ekki á nógu gott skrið í sumar og lækkaði lítillega frá því í fyrra, endaði í 7,84.  Úr því verður ekki bætt á næstunni því að hún er fylfull við Þrumufleyg.  Og eftir að meðeigendurnir fengu að prófa hana í sumar, þykir mér ekki líklegt að ég fái að taka hana í þjálfun aftur því þeir vilja eignast sín eigin "töfrateppi" en það er virkilega gaman að sitja þessa meri, hún er svo létt og mjúk. Móey er undan Eldjárn frá Tjaldhólum og Móeiði Kjarksdóttur



Myrkva hennar Sögu vinkonu var í þjálfun hjá mér í vetur.  Hún er undan Mónu gömlu og Gust frá Lækjarbakka og er 6 vetra gömul.  Hágeng fjórgangshryssa sem fékk i byggingu 7.73 og hæfileika 7.67, aðaleink. 7.69.  8.5 fyrir tölt, vilja og fet.  Töffaraleg meri sem á örugglega meira inni með meiri þjálfun.



Líba frá Hamrahóli er undan Þrist frá Feti og Sabrínu frá Hamrahóli, 6 vetra.  Myndarleg klárhryssa sem kom út í 7.77 í aðlaleinkunn, 8.04 í byggingu og 7,60 fyrir hæfileika, 8.5 fyrir tölt og
vilja.



Herská var ekki skráð til leiks á þessari sýningu en þegar það féll úr tími hjá mér, ákvað ég að renna henni í gegn þó að lítið og illa þjálfuð væri.  Það væri hvort eð er ekki úr háum söðli að detta þó að sýningin hefði farið illa því hún var með skelfilegan dóm frá því í fyrra. Fyrir hæfileika fékk hún 7.50, 8 á línuna (klárhryssa)  Bygging 7.81 og aðleink 7.63.
Herská er 7 vetra undan Parker frá Sólheimum og Gýgur frá Ásunnarstöðum (Blakks 999 Hafnarnesi dóttir)

Fleiri myndir teknar af af kynbótasýningu má sjá hér
Þær eru allar teknar af ofurljósmyndaranum Hrefnu Maríu frænku.

Ég ætla að lokum að þakka öllum spræku aðstoðartamningastelpunum sem voru hérna í sumar fyrir hjálpina (ekki allar á sama tíma) þeim Beatrice og Blanca frá Finnlandi, Rikke frá Noregi, Rakel frænku frá Reykjavík og síðast en ekki síst henni Söru Rut "dóttur minni" sem var hérna sjötta sumarið í röð, ekkert smá langlundargeð þar og kannski ekkert skrítið að mér finnist ég eiga svoldið í henni ;)

29.08.2010 21:41

Slagurinn við þá bestu



                                                                                                                                              Mynd Óðinn Örn
Það er nú ekki alltaf sem að hófapressan veitir manni athygli þegar maður mætir í brautina, en Díva fékk óskipta athygli Eiðfaxa manna að lokinni forkeppni í tölti á Íslandsmótinu á föstudaginn.  Við mættum í braut í fyrri hálfleik keppninar og vorum lengi vel í öðru sæti með 7.70 í einkunn, en toppurinn er heitur og margir vilja komast þangað og næstsíðasti hestur í braut ruddi okkur að lokum niður í B-úrslit. 

 




Ég var að vonum ekkert voðalega kát yfir því enda B-úrslitin riðin samdægurs og kannski fór ég ekki alveg með rétta hugarfarið inní þau, því mér fannst eiginlega allt of mikið að ríða tvenn úrslit á tveimur dögum á svona ungu hrossi þó svo að þjálfunarástandið hafi batnað til muna síðasta mánuðinn.  Díva stóð sig vel í B-úrslitunum og eftir hraðabreytingar vorum við efstar.  Svona eftir á að hyggja hefði ég kannski getað tekið meira á henni á yfirferðinni, enda kom það í ljós þegar Siggi Óli ætlaði fram úr okkur, þá setti hún í "óverdrævið", en ég átti nottla að vera búin að setja það á sjálf löngu áður! Hvort þetta réði úrslitum um lokatölur skal ég ekki segja en við enduðum í sjöunda sæti með 7.97 og misstum af því að vera í beinni á RÚV ;)

Hér má sjá sjá umfjöllun um Dívu í nokkrum fréttum Eiðfaxamanna og greinilegt að hún var þeim hugleikin. 

http://eidfaxi.is/frettir/2010/08/im-2010-stada-i-tolti-eftir-50-keppendur

http://eidfaxi.is/frettir/2010/08/tolthryssan-diva

http://eidfaxi.is/frettir/2010/08/im-2010-b-urslit-i-tolti

http://eidfaxi.is/frettir/2010/08/myndasyrpa-ur-b-urslitum-i-tolti

En sjöunda sætið á Íslandsmóti þeirra sterkustu er ekkert til að kvarta yfir og kannski bara besta niðurstaðan fyrir mig fyrst ég náði ekki strax að hanga í A-úrslitum.   Ég á þá kannski frekar möguleika á því að mæta með hana aftur um næstu helgi á Metamótið og bæta um betur ;)

15.08.2010 20:11

Ræktunarbúsýning á Stórmóti Geysis

Við frænkurnar vorum í rokna stuði í lok Júlí mánaðar. Ætli við höfum ekki verið svo yfir okkur ánægðar að vera loksins komnar í hnakkinn aftur að okkur fannst ekki annað hægt en að vera með í ræktunarbúsýningu sem Geysir bauð upp á á Laugardagskvöldið á Stórmóti Geysis sem haldið var um Verslunarmannahelgina. 

Stenft var með Dívu, Dimmir, Þrumufleyg, Gjósku og Indíu. En þó nokkur forföll urðu á hrossum á síðustu stundu þar sem Díva átti að taka þátt í a-úrslitum í tölti strax á eftir sýningunni og Gjóska marðist á hóf daginn áður og draghölt. Föstudagskvöldið fór í að skoða hvað væri til í búllinni á Álfhólum og hver hentaði best til að sýna hvað. 




Hinn ungi og sperti Þrumufleygur var tekinn inn úr hryssum 3 dögum fyrr, járnaður og Jonni prufaði kappan. Það var eins og hann hefði aldrei dregið undan folanum og hann væri í fullri þjálfun, sem sagt Þrumarinn var klár!!. Þrumufleygur og John Kristinn áttu feikna góða innkomu, enda ekki annað hægt en að hrífast að þessum gæðing. 



Já það vantar ekki fagran limaburð í þennann. "Glampi gerði þetta 10 vetra... þessi er aðeins 4 vetra!!!".. heyrðum við í fólki segja eftir sýninguna.



Það mætti halda að hann sé gerður úr gúmmíi, svo mikil er teygjan í þessum kraftmikla pjakk.



Sara reið Dimmi sínum sem fyrr um morgunin hafði þreytt B-úrslit í A-flokk og staðið sig vel.   Þess má geta að Dimmir og Þrumufleygur eru náskyldir, undan hálfsystkynunum og fyrstu verðlauna hrossunum Tígur og Þyrnirós sem eru undan Vöku frá Álfhólum.


....Svo var tekin ein upphitunarbuna á Dívu þar sem hún var að hita upp fyrir Tölt úrslitin. 



Hrefna María sat Indíu sína Leiknisdóttur og dóttur Svertu frá Álfhólum. 5 vetra efnileg keppnis hryssa sem er hálf systir Zorró sem gerði góða hluti með hana á brautinni fyrir nokkrum árum. 



Leó Geir reið á Móey Eldjárnsdóttur og dóttur Móeiðar Kjarksdóttur. 5 vetra hryssa sem fór í 7.90 fjögurra vetra.
"Sara, jakkinn gleymdist!" hahha
Þess má geta að Móey er sónuð fylfull við Þrumufleyg!



"Týndi sonurinn Daníel Smárason á Sóllilju". Danni vann í mörg sumur hjá okkur þegar hann var yngri, er núna komin í nágrenni við okkur, nánar tiltekið á Ármót.


Hér er Video af showinu þar sem Shakira var til hávegar höfð og hrossin dilluðu sér við Waka Waka... 


03.08.2010 10:20

Stórmót Suðurlands


                                                                                                                                                Dimmir og Sara

Hestamennskan hér á Álfhólum er hægt og rólega að rísa upp úr öskustó eftir flensuskrattan sem hefur tröllriðið öllu síðustu misseri.

Það var þó ekki fyrr en um síðustu mánaðarmót, í byrjun Júlí að ég sagði hingað og ekki lengra, byrjaði að járna allt uppá nýtt og koma öllu í gang.  Þá hafði ég varla sest í hnakk frá því í lok apríl, í rúma tvo mánuði!  Ég var að spá í að byrja á því að fara á reiðnámskeið, svo ryðguð var ég orðin, og harðsperrurnar sem ég fékk eftir fyrsta daginn..... við skulum ekki tala um þær!

Hrossin voru svona og svona, og sum höfðu bætt alveg svakalega á sig, eins og til dæmis hún Díva mín sem líktist frekar flóðhesti en venjulegu hrossi eftir hvíldina. Hefði nú getað startað henni eitthvað fyrr, en hún slasaðist á afturfæti um miðjan júní og fékk þ.a.l tvær auka vikur í hvíld.

Um helgina var svo stórmót og miðsumarssýning á Hellu þar sem voru yfir 50 skráningar í öllum  fullorðinsflokkunum og það er ánægjulegt að það sé að lifna svona yfir hestamennskunni.

Í B-Flokk var ég með Gjósku, og fékk hún 8.30 eftir þokkalega sýningu og vantaði herslumuninn til að komast í B-úrslit.  Mér fannst ég reyndar ekki ná nógu vel til hennar og svo kom í ljós daginn eftir að hún var orðin hölt á framfæti og er enn. Þar með er hún að brenna inni með síðsumarssýninguna.

,
                                                                                                                                                Díva og Sara

Systkinin undan Miðfells-Dimmu stóðu sig með ágætum.  Dívan er enn svoldið þung á sér eftir langa stöðu og var svo sem ekkert að toppa sig, en í forkeppni í Tölti skoruðum við 7.20 og í úrslitum 7.57 og uppskárum fjórða sætið.



                                                                                                                                            Dimmir og Sara

Viku fyrir mót byrjaði ég að þjálfa Dimmir aftur.  Ég ætlaði að byrja á honum líka í byrjun Júlí en hann byrjaði þá aftur að hósta mér til mikillar ánægju eða þannig og fékk 3 vikur í viðbót í frí.

Í annað skiptið inná hringvöll og einkunn í forkeppni 8.43 og önnur inní B-úrslit.  Eftir tölt og brokk stefndi allt í öruggan sigur, en úthaldsleysið gerði vart við sig og skeiðið klikkaði. Hann endaði þvi aftur annar í B-úrslitum með einkunina 8.52. Ég fékk boð um að ríða í A-úrslitum á honum vegna forfalla, en ég ákvað að geyma það til betri tíma og koma hestinum í betra form.

Á laugardagskvöldið tókum við einnig þátt í ræktunarbússýningu en meir um það síðar.

25.07.2010 23:51

Töltmyllan



Sum folöld eru "fótógenískari" en önnur.  Og nei, hann er ekki undan Álfi frá Selfossi þó að skjóttur sé.
Hann vakti strax athygli mína þessi þegar hann tölti kattmjúkur upp úr karinu og það var leikur einn að smella af honum nokkrum flottum myndum þegar hann var viku gamall.



Hann er undan keppnishestinum hennar Rósu Valdimars, honum Íkon frá Hákoti sem er 9 töltari og Rauðhöttu frá Álfhólum, Feitu Skjónu sem við köllum þvi það var aldrei hægt að koma henni í sýningarhæft form þegar hún var yngri þótt ágæt væri.  Reyndar lenti hún alltaf í að vera svona sumarþjálfunarhross og kannski ekki við öðru að búast en að hún safnaði á sig þess á milli!



Íkon þarf svo sem ekkert að kynna neitt frekar, en hann og Rósa hafa verið í toppbaráttu á mörgum töltkeppnismótum síðustu tvö ár þar sem Rósa er sko ekkert að keppa við neina áhugamenn heldur bara þá bestu ;)



Það er ekki nóg með að töltið sé dillimjúkt með háum hreyfingum, heldur er liturinn stingandi. Ætli að það megi ekki kalla hann svartskjóttan frekar en brúnskjóttan?  Fleiri myndir hér




Það er gaman að segja frá því á Rauðhatta fékk mikla athygli fyrir annað folald á síðasta ári en sá var einnig skjóttur undan Dáðadreng, Víkings og Dimmusyni.

Rauðhatta er af gamla kyninu í Álfhólum undan Tígur og Bylgju frá Álfhólum og ég hef alveg lúmskt gaman af því hvað það er stutt í eldgamla stofna í gegnum Rauðhöttu. Bara í gegnum móðurina er Nökkvi bæði langafi og langalangafi hennar og þá er ótalin Hornafjarðartengingin í gegnum Tígur sem er margslungnari og ég ætla ekkert út í hér.   En ekki nóg með það þá er Hindisvíkurhesturinn Sörli (141 ef ég man gömlu ættbókina rétt) frá Dalkoti sem fæddur er 1926 langalangafi hennar líka!  Sörla keypti afi Valdimar fyrir 1950 og átti í tvö þrjú ár og eitthvað var hann notaður hér um slóðir.

Undan alsystur Rauðhöttu, Unni, eigum við Urði Ögradóttur, ósýnda hryssu sem gefið hefur eina fyrstu verðlauna klárhryssu með 9 fyrir tölt, hana Artemis sem Valdi Hrefnubróðir á og tryppin lofa góðu.  Unnur veiktist illa veturinn eftir að Urður fæddist og var felld.  Urður er því eina afkvæmið hennar. 

Rauðhetta er önnur alsystir sem er með kringum 7.50, klárhryssa. (Hugmyndaríkin í nafnavali alveg að brillera)



Fyrsta afkvæmið undan Rauðhöttu kemur til tamningar fyrst í sumar því hún var töluvert fullorðin þegar henni var haldið fyrst undir hest.

Þessi huggulegi foli undan henni er hins vegar á leið til Finnlands og er einnig undan Íkoni, tveggja vetra gamall í dag (mynd síðan 2009)

 

12.07.2010 18:31

Þeir skjóttu standa sig

Hrefna María skrifar:

Pestin tíðnefnda hefur herjað á okkur síðustu misseri en nú eru hrossin á Álfhólum svona að stíga upp úr flensunni og flest að komast í lag. Það léttir hressir og kætir að vera komin í hnakkinn á ný. 

Ég (Hrefna) var þó fyrr farin að hreyfa eða fyrir rúmlega 2 vikum síðan, því svo virtist að hrossin sem ég var með í Reykjavík væru að ná sér fyrr heldur en þau sem voru hérna fyrir austan. Líklegasta skýringin er sú að ætla má að ég hafi fengið pestina á undan. 

En hrossin virtust frekar spræk og ekki á þeim að sjá að hafa verið í 8 vikna veikindapásu. Ég og John erum greinilega með keppnissýki á háu stigi því að við stóðust ekki mátið og skráðum okkur á Gullmótið sem haldið var í Reykjavík um síðustu helgi, já á eiginlega óþjálfuðum hrossum :/ .... en við höfum greinilega þjálfað vel í vetur og standa hrossin vel að því.

John Kristinn fór í slaktaumatölt T2 á stóðhestinum Kraft frá Strönd sem er Kjarksonur frá Egilsstaðabæ. Gekk það frábærlega og stóðu þeir efstir eftir forkeppni með 6,77 í einkunn. Úrslitin voru riðin svo á sunnudeginum og sigraði hann þau glæsilega með 7,17 í einkunn.  

 
Mynd: Nína Hjartardóttir

Kraftur er í eigu míns og John Kristins. Hann hefur nú ekki verið formlega kynntur hérna á síðunni en þetta er ákaflega fallegur og góður hestur, frábært geðslag og ekki skemmir nú liturinn og prúðleikinn fyrir honum. Þetta er nú án efa ekki eina skiptið sem þessi hestur mun láta sjá sig á keppnisbrautinni enda mikið efni í frábæran keppnishest hvort sem er í slaktaumatölt, fjórgang eða tölt. 


Mynd: Maríanna Gunnarsdóttir

Hægt er að sjá fleiri myndir, video og upplýsingar um þennan gullmola HÉRNA.


Mynd: Maríanna Gunnarsdóttir

Ég gat nú ekki látið John einan um að baða sig í sviðsljósinu á þessu móti og því skellti ég mér á Mammon í fimmgang og gæðingaskeið. Í fimmganginum gengu hlutirnir ekki alveg upp og var Skjóna bara sleppt út í stykki um hádegisbil eftir þá forkeppni. Síðan var nú bara haft það huggulegt í góða veðrinu og horft á hestamót það sem eftir lifði dagsins ....  eða þangað til að þulurinn fór að tala um að Gæðingaskeiðið væri að fara byrja. Obbobbobbb ... og ég og Mammon skráð í það. Þá var Skjóni tekin úr stykkinu sínu belgfullur og úttroðinn af grasi, lagt á hann á 10 sek og riðið beint á gæðingaskeiðsbrautina og viti menn... Ég og Mammon skoruðu vel og unnu gæðingaskeiðið með 6,58 í einkunn. Verð að viðurkenna að mér fannst þó skemmtilegast að vinna strákana sem heimtuðu að útreikningarnir yrðu yfirfarnir sem var svo gert en úrslitin stóðu. :)



Ég stóðst nú ekki mátið að láta taka mynd af mér með fyrsta skeið-bikarinn minn, og fyrstu verðlaun okkar Mammons. Ég og John komu því heim með sitthvor verðlaunin eftir helgina og eru ekki frá því að brúnskjótt sé orðið okkar uppáhalds litur :)  

29.06.2010 12:42

Tæplega 70% vindótt !



Sumir hafa haft þá skoðun á mér að ég sé upptekin af litum og það að hrossin séu af hornfirskum uppruna.... en það er nú samt engan vegin rétt.  Ekkert nema tilviljun að ein að besta gamla ræktunarhryssan (Móna) er móvindótt og hefur margsnúinn skyldleika í Hornafjörðinn gaf yfirleitt góð hágeng hross, hvort sem þau voru vindótt eða ekki og það að hæst dæmda hryssan hér í Álfhólum, með 8,22 er móvindótt klárhryssa, dóttir hennar með 9,5 fyrir tölt, Móeiður Kjarksdóttir.  Og eins og margir vita þá er móðurætt Kjarks að mestu úr Hornafirðinum líka.

Ég hef aldrei elt uppi einhvern graðhest og haldið undir hann af því að hann er svona eða svona á litinn, þá væri ég löngu búin að ná mér í leirljósa genið einhvers staðar.  En sorrý, það er bara enginn leirljós  eða moldóttur hestur í nágrenninu sem ég hef fallið fyrir. 

Hvort að ég hefði notað Mánastein tveggja vetra eins og ég gerði ef hann hefði verið brúnn eða skal ég ekki fullyrða um..... jú sennilega, hann var lofthár og fallegur, hreyfði sig flott og var undan mömmu sinni.

   

En það er auðvitað tvöföld ánægja að fá svona sperrileg folöld í fallegum lit, eins og hann Frakk hérna sem er unda skjóttri hestakaupa guggu ;) Fregn SauðárkróksFálkadóttur.   Þegar við tókum veturgömlu tryppin inn í vor þá var oftar en ekki, þessi látinn halda sýningu fyrir gesti og gangandi enda skreffallegur með eindæmum.  En Frakkur sprangar ekki lengi um íslenska grundu því hann er seldur til Finnlands og ætlar að auka kyn sitt þar innan fárra ára ef allt fer fram sem horfir.



Eigandi þessa svarta hests taldi hann fallegasta folaldið fætt hjá honum það árið... hann pantaði með tvær hryssur í sumar en guggnaði vegna hestapestarinnar, vildi hafar hryssurnar í sjónmáli en ekki þvælast með þær landshorna á milli.  Samkvæmt síðustu fréttum átti hann að fá að halda kúlunum eitthvað áfram.



En eigandi þessarar litfögru framfallegu snótar lét enga hestapest stoppa sig og mætti með móðurina aftur og tvær aðrar til.



Þessi fæddist kvöldið fyrir öskufallið 13 maí en það skaðaði hann ekkert þó hann yrði svartur af ösku í smá tíma.  Undan Irsu Kýrholts-Hrannarsdóttur frá Kanastöðum.



Og hér er einn móvindóttur sem ætti að geta skyrpt úr hófum þegar fram líða stundir. Móðir er Rún frá Eystra-Fíflholti, ekki ættstór hryssa en hefur eignast eina ágæta hryssu undan Tígur gamla, föður Mánasteins, Ronju sem einnig er móvindótt.



Rúsínan í pylsuendanum þetta árið var svo önnur af tveim fæddum hryssum hér þetta árið (enn sem komið er) undan Ögrun.  Alveg hrikalega sæt. 

Þessi tryppi og folöld virðast hafa gott gang og hreyfingar upplag, hvort þau sem þau sýnast vera fimmgangs eða þróast meira í klárganginn.  Öll sýna gott tölt í upphafi ævinnar.

Það skemmir ekki fyrir að hann er afar örlátur á vindótta grunnlitinn og það eru tæplega 70% af afkvæmunum allskonar vindótt.

Mánasteini hefur verið sleppt í hólf með hryssum og það eru nokkur pláss laus hjá honum og ekkert mál að bæta inná hann fram yfir miðjan Júlí.  Verð er 45.000 með öllu.

Það er svo planið að taka góðan þjálfunarsprett á honum í september og október vegna þess hvernig síðasti vetur fór í vaskinn,  þannig að ég býst við að taka hann úr merum um miðjan ágúst.
Miðað við svingið á honum í haganum virðist hann vera búinn að ná sér alveg í löppinni sem hann slasaðist á í fyrra þannig að ég er bara björt á þetta.




26.06.2010 18:05

COME TO MAMA!!

Áfram halda myndasögur:



Syngið:
Þrír fílar (Sara, ég (Hrefna María) og Sara Rut öðru nafni Rúturinn :) lögðu af stað í leiðangur, lipur var þeirra fótgangur, takturinn var þó heldur tómlegur, svo þeir tóku sér EINN TIL VIÐBÓTAR!!! :Þ



Markmannstaktar eins og á Heimsmeistaramótinu í Fótbolta!



Come to mama!!! 



Sara var harðákveðin að fara ekki heim fyrr en það væri búið að kíkja undir taglið og tékka á kyninu.



Já okkur vantaði svo örugglega eina svona til viðbótar! Sara tók gleði sína á ný eftir að 11 hestfolöld höfðu fæðst í sumar á móti aðeins einni hryssu, þá kom þessi unga dama í heiminn í gærmorgun. Hún kom svo sannarlega sem kölluð. 



Ekki missa hana SARA!... hún er nú ekki nema svona 20 kg.. eða hvað?



Já ekki hlægja þig máttlausa!



Eins og svo margir vita þá eru nýkastaðar hryssur frekar styggar en þá er einmitt sniðugt að reyna ná folöldunum frekar því þá fara þær nú ekki langt. Þyrnirós er upp á Austur mýri sem er mjög stórt hólf og frekar erfitt að ná hryssunum út í svo stóru hólfi. Þyrnirós tók á rás og hljóp af stað rétt fram hjá okkur og folaldið á eftir, Sara var snögg til, skaust á milli þeirra og hljóp það nánast í faðminn á henni:)



Hér er svo móðirin komin það er engin önnur en hún Þyrnirós frá Álfhólum (móðir Þrumufleygs). Faðir folaldins er Dimmir frá Álfhólum





Albróðir þessarar hryssu fæddist í fyrra og vorum við það hrifnar af honum að Sara smellti Þyrnirós aftur undir Dimmi og sagðist ætla að fá hryssu á næsta ári! 



Pirrandi fyrir athyglissjúku eins og mig að fá aldrei að vera með á myndunum því ég held alltaf á myndavélinni!



Við bætum nú úr því og fékk ég að vera með!



Jíhaa.. :)



Tignarleg er hún Þyrnirós alltaf. Hún er ákaflega falleg hryssa í stóði. Myndarskapurinn og upplitið leynir sér ekki. Vinkil hágeng og mikill skörungur.



Æi hvað maður er lítill... en fljúgandi gangur og fótaburður.. aðeins nokkra tíma gömul. 

Svo þarf Sara bara skíra dömuna. Albróðirinn hefur verið nefndur Þrumugnýr og þessi væntanlega Þrumu-? ... Þrumurós, Þrumudís, Þrumuflaug... tja maður spyr sig. 

Rósa Valdimars (móðir mín) á að halda Þyrnirós þetta sumarið og er hausverkurinn byrjaður. Allar uppástungur um hesta eru velþegnar. :)

Texti og Myndir: Hrefna María (tekur yfir þegar þegar yfirmaðurinn stingur af í bæinn). 

26.06.2010 02:03

Ný heimasíða Þrumufleygs

Okkur langaði að benda ykkur á að síða hefur verið opnuð á veraldar vefnum tileinkuð honum Þrumufleyg. 

Slóðin er:



Allt gott er að frétta af kappanum og hefur hann það gott í stóðinu sínu sem er á Skúmstaðalandi í nágrenni Álfhóla. Það má með sanni segja að hann sé að lifa draumalífi margra karlmanna... éta, sofa, og ..... :)

Endilega kíkið við!
 

25.06.2010 01:09

Kaldar kveðjur


Myndasaga



Vúhú, Guggur í sjónmáli !!!



Jójójó.... mér lýst vel á þig mar!  Flott á litinn beib emoticon



"Djöfull er ég flottur, tralla la la tralla la la, djöfull er ég flottur..... Vú...."emoticon 



"Hún sagði hættu, farðu, þegiðu og hætt´að abbast uppá mig!"    Áts, Djöfs bitsið emoticon



Í hvurslags ljónagryfju er eiginlega búið að henda mér í ??? Kræst!!  Ég fíla mig ekkert flottann lengur emoticon



Hóhóhó....bíddu, bíddu ertu að grínast í mér.... ekki þú líka vinan  emoticon



OK, ég verð að halda kúlinu, anda inn, anda út, anda inn..... ekki hlaupa í burt....dem, sú er geggjuð maður, vá!



Er ´etta eitthvað djók með lúkkið á þessum gellum, þær eru allar á svipinn eins og þær séu nýsloppnar út af "gúgú" heimili! Já og með snjóhvít augu, ég hef nú bara aldrei séð svona lagað fyrr!



En það er víst ekki um annað að velja en að taka dansinn með þessum guggum hvort sem mér líkar betur eða verr, vona bara að ég komist heill heim eftir að ballinu lýkur.

Myndatökumaður: Hrefna María Ómarsdóttir
Textahöfundur og stílisti: Sara Ástþórsdóttir
Staðsetning: Skúmstaðir
Fyrirsæta: Máttarbaugur 2 vetra undan Baug frá Víðinesi og Mónu frá Álfhólum


04.06.2010 23:30

Þrumufleygur frá Álfhólum



Það er ekki um auðugan garð að gresja í sýningarhaldi með hross hér frá Álfhólum þetta vorið.  Öll hrossin hjá mér veiktust undir vorið eins og áður sagði, en hjá Jonna í Ármóti var hinn 4 vetra Þrumufleygur Þyrnirósar og Þóroddson í þjálfun í vetur. Það var riðið á tæpasta vað með að fara með hann í dóm en strax eftir sýninguna veiktist hann, fékk hita og komst þ.a.l ekki á yfirlitið. Þrumufleygur fékk meðhöndlun strax hjá dýralækni, hitinn hvarf strax og hann virðist vera nokkuð frískur og ekkert kvefaður.


                                                                                                                    Mynd Kolla GR

Þó var enginn beygur í honum fyrir brautinni á þriðjudeginum enda fjörviljugur og krafmtikill foli, sem lítið bítur á.  Sýningin gekk þokkalega nema skeiðið gekk ekki alveg upp og þótti Jonna það afar súrt að komast ekki á yfirlitið til að laga skeiðeinkuninna sem var bara uppá 6. Brautin í forsýningunni í Hafnarfirði var rosalega hörð og getur það breytt ýmsu með svona ung hross á skeiði sem var raunin hjá Þrumaranum, eins og við köllum hann.


                                                                                                                    Mynd Kolla Gr

Fyrir tölt, brokk, vilja og fegurð í reið fékk hann 8,5 og hæfileikaeinkunn var uppá  7.95  Okkur fannst hann heldur hart dæmdur fyrir byggingu, 7.76 en það getur auðveldlega lagast með auknum þroska á næsta ári. Aðaleinkunn 7.87. Meiri upplýsingar um hann HÉR.

John Kristinn er búinn að vera mjög ánægður með klárinn í allan vetur. Frá fyrsta mánuði í tamningu hefur hann verið hrifinn af hestinum segir hann fljótan til, hreingengan og viljugan.  Hreinlega hefur ekki verið hægt að ná klárnum af honum, svo sem engin ástæða til. John hefur tamið hestinn lista vel og segir hann folann vera besta tryppi sem hann hefur tamið og þjálfað.

Sjá fleirri myndir af Þrumufleyg HÉR



Þrumufleygur verður í góðri girðingu í nágrenni Álfhóla í sumar og áhugasamir geta hringt í Hrefnu Maríu 8611218 eða sent póst á [email protected]



                                                                                                                                                                Mynd Óðinn Örn

01.06.2010 15:44

Attention English readers



More news in English on the right side of the page or click here.

27.05.2010 23:44

Horfum lengra


                                                                                                                                  Mynd: Ransý Ásgarði

Hún skemmti sér vel í vorinu hún Dimmuborg litla þegar ég setti hana á grænan blett um daginn.  "Þrjú hjól undir bílnum en áfram skröltir hann þó" er lag sem manni dettur í hug þegar maður horfir á hana. Stundum fæ ég spurninguna  "Ætlarðu ekki að fella hana?" En ég spyr bara á móti " Sýnist þér eitthvað á henni að hana langi til að fara?"  Það er nú ekki hægt annað en að dáðst að æðruleysi og lífsgleði hjá þessu tryppi þrátt fyrir mikla fötlun. Ég heyrði af tveim hryssum í folaldseign sem eins er komið fyrir og henni (farnar úr mjaðmalið) en það gefur mér von um að ég geti líka fengið folald frá henni.  Hún er bara alger "heartbraker" þessi meri og ef Bragi hefði verið á Suðurlandi þá hefði ég örugglega farið með Dimmu aftur undir hann til að fá annað eintak!

En ég get ekki sagt að mér sé jafn skemmt yfir þessu vori og er farin að fá tilfinningu atvinnuleysingja, skil ekki alveg hvaða tilgang það hefur að rífa sig upp á morgnana, þar sem allar útreiðar hafa legið niðri að nær öllu leyti frá 25. apríl vegna hinnar dularfullu hestapestar sem ekki sér fyrir endann á. Ekkert hross hefur þó orðið alvarlega veikt fyrir utan sum sem hafa fengið þrálátan hósta og eitt tryppi sem gekk úti og var komið með töluvert í lungun. Þess vegna finnst mér það barnalegt að halda því fram að veikin lendi eitthvað vægar á þeim hrossum sem eru úti og það eigi bara að henda öllu út og þá verði allt gott. Málið er ekki svo einfalt og útigangurinn er búin að vera frísandi með hor í nös í rúman mánuð líka, auk einstaka hósts, maður tekur auðvitað minna eftir því í útigangnum af augljósum ástæðum. Ég sé heldur ekki að hrossin sem ég er búin að henda út úr hesthúsinu fyrir nokkru síðan séu neitt betri en graðhestarnir sem eru ennþá inni.

Þetta er verulega óþægilegt því byrjunareinkennin eru óljós og enn verra er að sjá út hvenær er hægt að byrja þjálfunina aftur. Ég er búin að vera að læðast á bak hrossum, en hætt aftur svona síðustu eina og hálfa vikuna af því að mér finnst þau ekki vera sjálfum sér lík. Sum hross fá svo aftur hósta þremur vikum eftir að síðasta hóstakasti lauk, sem rennir stoðum undir kenningu um það að hér sé á ferðinni vírus sem geti tekið hrossin okkar um hálft ár að mynda fullt ónæmi gegn, eins og ég heyrði haft eftir erlendum sérfræðingi. En það eru margar sögusagnir í gangi um þessa pest og stundum veit maður ekki hverju maður á að trúa en reynir að meta hlutina út frá eigin reynslu.

Þetta er verulega óþægilegt að vera undir þessari pressu að finnast maður verða að þurfa að fara af stað, að maður sé að missa af öllu með að vera ekki að þjálfa hrossin, því jú í hesthúsinu er búin að vera töluvert góður efniviður í vetur og stefnt með nokkur í kynbótadóm auk úrtöku í gæðingakeppni og tölti. Ég veit að það eru margir í þessari stöðu og jafnvel í verri. Eigendur hrossa leggja hart að knöpum að sýna hross sem búið er að leggja í kostnað með í allan vetur, hagsmunaaðilar stóðhesta sem eru á mörkunum að ná fyrstu verðlaunum fyrir afkvæmi þrýsta á að efnileg hross verði sýnd osfrv.....

Hagsmunir þeirra sem standa að Landsmóti eru miklir, ferðaþjónustubænda í Skagafirði og öðrum þjónustuaðilum og ekki á það bætandi eftir eldgos og aðrar hamfarir í efnahagslífinu að missa Landsmót líka. Þá eru ótaldir launalitlir tamningamenn og sýningarfólk.

En.....það er ekki bara hægt að horfa til skammtíma hagsmuna, það verður að horfa til langframa, eitthvað sem Íslendingar hefðu þurft að tileinka sér fyrir löngu síðan, þá sætum við ekki í þessari súpu sem við sitjum í nú. 

Ég spyr, er það gott fyrir okkur út á við að halda hér Landsmót hvað sem tautar og raular? Hverslags fordæmi erum við að gefa og höggstað fyrir aðrar þjóðir sem rækta íslenska hestinn á okkur.  Við erum með veirusýkingu í hrossunum sem veldur nefrennsli, slappleika og hósta. Það að leggja að hrossunum í þannig ástandi eykur hættu á bakteríuskýkingu og háum hita. Viljum við að útlendingar sneiði framhjá okkur í hestaverslun af því að við erum svo gráðug að við látum hagsmuni hestsins víkja fyrir okkar?

Ég er búin að vera í sambandi við marga aðra tamningamenn sem óska þess helst að LM verði blásið af til að losa þá undan pressunni. Leyfa hestunum að njóta vafans og jafna sig í friði. Útlendingar halda áfram að leita eftir hrossum á Íslandi þó að þeir komist ekki á Landsmót þetta árið og við viljum geta afhent frá okkur heilbrigða vöru ekki brjóstveika hesta sem fengu ekki að njóta vafans!

Það má heldur ekki gleyma að margt af þeim hrossum sem þegar eru búin að ná lágmörkum á LM eru veik á þessum tímapunkti og litlar líkur á að þau verði jafngóð eftir mánuð.

Að lokum skulum við horfa á málið út frá okkur... erum við líkleg til afreka í 400 metra grindarhlaupi á Íslandsmóti / Ólympíuleikum ef við lægjum í mánuð í bælinu með flensu rétt fyrir mót og hefðum bara viku til mánuð til að jafna okkur og koma okkur í sama formið? Ég held að það þurfi nú ekki neinn íþróttafræðing til að segja okkur að svarið er einfaldlega.. NEI!

06.05.2010 11:46

Miðsumarssýning kynbótahrossa



Það hafa stundum verið vangaveltur hjá mér og nokkrum öðrum knöpum síðustu misseri, um hvers vegna séu ekki í boði miðsumarssýningar á kynbótahrossum.  Það líða allavega 2 mánuðir frá síðustu vorsýningu hér fyrir sunnan fram að síðsumarssýningu og satt að segja skil ég ekki af hverju það er ekki sett ein sýning mitt á milli, t.d um miðjan júlí.  Einhver nefndi við mig sumarfrí ráðunauta, en ég spyr þá, er ekki hægt að hliðra til sumarfríum, þurfa allir ráðunautar að vera í fríi á sama tíma?  

Stundum vantar bara herslumuninn á að hross toppi sig og þá væri gott að geta stefnt með hrossið á sýningu miðsumars en stundum er einfaldlega of langt að bíða eftir síðsumarssýningunni og sum hross hreinlega orðin haustuð á þeim tíma, hrossin farin að loðna og sumarsjarmurinn farinn af þeim.

Ástæðan fyrir að ég viðra þessa skoðun mína fyrst núna er að það blæs ekki byrlega fyrir hestmönnum, ræktendum og þjálfurum núna.  Þessi hestapest sem fyrst átti að vera svo væg að hún átti að ganga yfir á nokkrum dögum, verður svæsnari og svæsnari sem lengra frá líður, eftir því sem menn segja.  Og svo er nú komið að allt mótahald er í uppnámi næstu vikurnar, kynbótasýningar og úrtökur.   Það er næsta öruggt að ekki nærri því öll hross verða komin í sitt besta form þegar kynbótasýningar bresta á og örugglega einhverjir sem velja það að sitja heima með gæðinginn sinn í stað þess að freista þess að sýna hann undir getu og leggja heilbrigði hans að veði.  En það eru miklir hagsmunir í húfi, búið að kosta uppá þjálfun allan veturinn með sýningu í huga.

Þess vegna finnst mér lag núna að brydda uppá þessu, að setja kynbótasýningu á um mitt sumar svo að veturinn sé ekki unnin fyrir gíg og menn hafi þá enn tíma til að halda hryssum sem eiga að fara í folaldseign um leið og viðunandi dómur fæst á þær, einnig nýtt stóðhesta sem koma vel út, á seinna gangmáli.  Og ég er að tala um fyrirkomulag til frambúðar því ég er viss um að margir sýnendur koma til með að vilja sýna hross um mitt sumar, því hvenær eru hrossin best og líklegust til að ná toppi sinnar getu?

Það sem þarf er smá samstaða og pressa frá þjálfurum og ræktendum, því ráðunautarnir eru jú í vinnu fyrir okkur!

27.04.2010 11:00

Í skugga eldgoss



Það er ekki hægt að segja að það sé tíðindalaust hjá okkur á Íslandi þessa dagana, sér í lagi okkur sem búum við rætur Eyjafjallajökuls.

Þeir máttu þakka fyrir það túristarnir sem voru að skoða litla sæta túristagosið á Fimmvörðuhálsinum að vera flestir komnir til byggða þegar Eyjafjallajökullinn sprengdi sig upp um toppinn í alvöru hamfara gosi með flóði og ægilegu öskufalli.

Rýmingaráætlun var virkjuð og við vorum rekin þrisvar sinnum að heiman tvo fyrstu dagana.  Ég verð nú samt að segja það að mér fannst það heldur mikill óþarfi að þurfa að flýja þótt það gysi undir snjóskaflinum í Eyjafjallajökli eins og ég kallaði það.  Það væri hins vegar önnur saga ef stóra systir, Katla myndi fara að ræskja sig, þá skildi maður forða sér þó svo að hún hafi ekki sett hlaup í Markarfljót á síðustu 1500 árum og er vonandi búin að finna sér farveg austur um Mýrdalssand.
 
.

Fyrstu dagana sáum við ekki neitt vegna skýahulu, en á föstudaginn tveim dögum eftir að gosið hófst, sáum við herlegheitin í fyrsta sinn.  Og það voru blendnar tilfinningar sem bærðust með manni og ímynd vinalega jökulsins hafði heldur betur breyst á einni nóttu.



Á laugardaginn var ægilegur kraftur í gosinu á tímabili og gríðarlegur sótsvartur strókur.  Afar myndrænt og stórfenglegt að horfa á fyrir þá sem voru það heppnir að standa fyrir utan, en helvíti á jörð fyrir fólkið og skepnurnar undir Eyjafjöllum að upplifa.



Það var ekki unnið neitt sérstaklega mikið fyrstu dagana sem gosið var.  Maður var stanslaust inná fréttamiðlum og á veður.is að skoða veðurspána og hvort það væri nokkur hætta að fá þetta yfir sig.



"Það er að kvikna í "



Til allrar hamingju var mesta pústið farið úr gosinu þegar áttin breyttist og kom yfir okkur, en það er varla hægt að kalla það öskufall (smá öskufjúk) sem kom yfir okkur á föstudag og laugardag.  Sagan segir að eldgos á þessum stað geti varað lengi og því er manni ekki alveg rótt undir því.  Þótt við höfum verið heppin hingað til, þá veit maður ekkert hvernig sumarið verður.



Stóðhrossin hafa það svo sem ágætt með hey og  ferkst vatn en þau eru ekki sérlega ánægð með að vera lokuð frá nýgræðingnum sem er að skjóta upp kollinum. 



Það getur orðið meiriháttar vandamál hjá bændum sem rækta "ullarpöddur" ef ekki verður hægt að setja þær á gras í vor.  Þessar voru snemma í því hjá okkur og báru í lok mars eða byrjun apríl.  Og frjósemin með ágætum en sú flekkótta er aðeins tvævetur og er þriggja barna móðir og stendur sig með prýði.  Lambakóngurinn er ekki með á myndinni en hann fæddist þegar gaus á fimmvörðuhálsi, 21 apríl og er orðinn alveg gríðarstór. 
Annars er hefðbundinn sauðburður að hefjast á fullu nú í þessum skrifuðu orðum.


                                                                                                                                                       Dimmir frá Álfhólum

Þjálfun hefur gengið ágætlega, en þessi vetur verður samt svoldið skrítinn í minningunnni.  Mótum hefur verið aflýst og ég hef ekki viljað fara með nein hross á reiðhallarsýningar vegna ótta við að fá kvefpestina.  En grunur leikur hins vegar á að hún sé í fullum gangi hjá mér án þess að ég hafi haft hugmynd um það en það var tekið test á nokkrum hrossum hjá mér í gær sem þau svöruðu.  Ekkert þeirra er samt veikt og hvorki heyrist hósti né stuna í húsinu og hafa öll verið í notkun, humm.....Það er bara óskandi að þetta sé réttur grunur og þau séu að sleppa svona létt í gegnum þetta. 

05.04.2010 09:00

Allra sterkustu og Móðir Náttúra


                                                                                                                             Mynd Dalli
Um helgina fór fram Ístöltsmótið Allra Sterkustu í Laugardalnum og þangað höfðum við Díva boðsmiða eftir sigurinn á Svellköldum um daginn.  Forkeppnin gekk ekki alveg hnökralaus fyrir sig og einkunnin 7.50 rétt dugði okkur inn í B-úrslit.


                                                                                                                                 Mynd Dalli
Og það var hart barist fram á síðasta metra og ég var mun ánægðari með Dívu í úrslitum en í forkeppninni, en það dugði samt ekki til og níunda sætið kom í okkar hlut.



Daníel Jónsson og Fontur frá Feti unnu B-úrslit en á eftir komu:

6.-8. Barbara Wenzl og Dalur frá Háleggsstöðum    7,83   
6.-8. Snorri Dal og Helgi frá Stafholti            7,83
6.-8. Birna Káradóttir og Blæja frá Háholti        7,83
9.    Sara Ástþórsdóttir og Díva frá Álfhólum        7,78   
10.    Erla Guðný Gylfadóttir og Erpir frá Mið-Fossum    7,67   
11.    Jakob Sigurðsson og Alur frá Lundum         7,61  



Og aftur var það Nátthrafn, Kjarksonurinn glæsilegi og Dóri sem sigruðu með nokkrum yfirburðum.

1.    Halldór Guðjónsson og Nátthrafn frá Dallandi    9,22   
2.    Sigurður Sigurðarson og Kjarnorka frá Kálfholti    8,83
3.    Lena Zielenski og Gola frá Þjórsárbakka        8,78   
4.    Þórdís Erla Gunnarsdóttir  og Ösp frá Enni    8,39   
5.    Daníel Jónsson og Fontur frá Feti        8,06

Það er nú dáldið athyglisvert hvað hann Kjarkur litli frá Egilsstaðarbæ er búinn að skila mörgum ofurtölturum þrátt fyrir að hafa aldrei hlotið nafnbótina "Tískuhestur" og verið frekar umdeildur.  Ég var nú alltaf á leiðinni að nota hann meira en einhvern veginn varð aldrei af því og svo var hann bara allt í einu kominn úr landi!



Þann 20 Mars var svo Barkarmótið, árlegt töltmót í Víðidal.  Ég dubbaði fimmgangshestinn Mátt frá Leirubakka upp fyrir töltkeppnina og við enduðum í fjórða sæti með yfir 7 í einkunn í einkunn í úrslitum.

Ég var varla komin inn úr dyrunum heima eftir mótið, þegar síminn hringir og ég fæ boð frá Neyðarlínunni um að gos sé hafið í Eyjafjallajökli og allir eigi að hypja sig að heiman.  Og þar sem ég var ennþá með kerruna aftan í, þá fyllti ég hana af úrlvalshryssum og brenndi af stað til forða mér og mínum undan flóði sem aldrei kom og hefði væntanlega aldrei orðið neitt hamfaraflóð þrátt fyrir að þessar varúðarráðstafanir yrðu gerðar.  Gömlu mennirnir á næsta bæ, höfðu vitið fyrir fræðingunum og voru ekki par hrifnir af þessari dómadagsvitleysu, að vera reka þá á fætur um miðja nótt fyrir eitthvað lítið saklaust eldgos.



En ljósmyndarar geta hoppað hæð sína í loft upp fyrir frábæru myndefni næstu vikurnar vonandi.  Ég stal þessum tveim síðustu myndum frá einhverjum á Feisbúkk, og vona að ég sé ekki að brjóta nein höfundaréttarlög með því að setja þær hér.

Ætli Fimmvörðuháls sé ekki í ca 40 km fjarlægð héðan í beinni loftlínu, en þrátt fyrir nálægðina sjáum við bara lítinn bjarma á kvöldin þar sem jökullinn byrgir sýn. (Gömul mynd)

Það er svoldið sérstakt hvað við erum varnarlaus gagnvart Móður Náttúru þrátt fyrir að við teljum okkur vera tæknivædd og tilbúin að segja fyrir um alla mögulega hluti.   Ég hef dregið þá ályktun að ef það hefði gosið undir jökli og það hefði komið flóð, þá hefði maður verið betur staddur heima uppá háum hól heldur en að flækjast eitthvað á milli staða.  Staðreyndin er sú að það var allavega búið að gjósa í hálftíma áður en rýmingaráætlun fór af stað og fræðingarnir trúðu ekki bændalýðnum sem hringdi og tilkynnti um gosið, af því að það sæist bara ekkert gos á mælunum sem þeir höfðu fyrir framan sig!

20.03.2010 20:42

News in English

Now you can also read this newsfeed in English.
Just click on the English flag in the banner on the right site of this webpage. You can also click here

15.03.2010 10:43

Stórir og smáir sigrar



Sveitakjellingin brá sér af bæ um helgina og skellti sér í borg óttans og tók tvær af uppáhalds stelpunum sínum með sér, þær Dívu og Gjósku til að etja kappi við aðrar hestakonur á Svellköldum konum 2010.  Það er ekki hægt að segja annað en að sú bæjarferð hafi endað vel og báðar hryssurnar í úrslit, Gjóska í B-úrslit og fyrsta sætið í höfn hjá okkur Dívu eftir hörkubaráttu við frábæra hesta og stelpur.  Og eins og sjá má á þessari mynd þá eru þarna engir smá keppinautar!!



Innimótin hafa ekki verið sterkasta vígið hennar Dívu hingað til, og því afar ánægjulegt að hafa náð svona góðum árangri þar á fyrsta mótinu hennar í vetur og það er ekki annað hægt en að vera stoltur af þeirri einkunn sem hún hlaut í úrslitum, 8.22.

Ég var aðeins með hnút í maganum fyrir þessa keppni, reiðhöllin hjá mér búin að vera undirlögð í byggingarframkvæmdum að hluta síðasta mánuðin þannig að ég var lítið sem ekkert búin að stilla hana af inni fyrir þetta mót, auk þess sem þjáfunin gekk brösuglega vegna meiðsla á afturfæti framanaf vetri. En það var ástæðulaus hnútur og Díva er svo einstök að því leyti að það er eins og henni finnist alveg hrikalega gaman að keppa, taktviss og kjörkuð og er gráðug í að týna keppinautana sína upp ;)  Og hún þarf að hafa hraðar fætur við að leggja sem flesta keppinauta af velli því hennar bíða víst önnur verkefni eftir næsta sumar.  



Svo var það hún Gjóska mín sem ég hef mikinn metnað fyrir en þessar myndir eru síðan í byrjun febrúar. Hún er undan Hrannari frá Höskuldsstöðum og Gásku frá Álfhólum, hálfsystir Hruna frá Breiðumörk.
Hún er að stíga sín fyrstu keppnisspor, stóð sig vel á fyrsta mótinu sínu Ísmóti Suðurlands sem var haldið í Þykkvabænum fyrir tveim vikum á frosnum sandi.  Þar var hún fjórða í B-flokk með 8.50 og þriðja í tölti með eitthvað yfir 7.  
Ég var á henni í fyrsta holli í Svellköldum og var bara alveg rosalega ánægð með hana.  Hún er svona orkumikill gaur en hefur alveg taugarnar til að taka slaginn.  Þrír af dómurunum voru bara mjög kátir með hana og gáfu henni um 7 í einkunn.  Tveir dómarar sáu eitthvað sem ég veit ekki alveg hvað var (of hratt hæga tölt???) og sturtuðu henni niður en engu að síður dugði hennar einkunn inní B-úrslit, 6.57 held ég að hún hafi verið.  En þar sem ekki er hægt að vera með tvo hesta í úrslitum þá fékk hún bara að fara upp í Víðidal og fá sér kvöldmat meðan við Díva tókum A-úrslitin. 
Það væri freistandi að halda þessari hryssu eitt ár í enn frá folaldseignum því nú er fyrst að verða gaman.  Ég held að hún sé með sömu einkunn og Díva var með í fyrra á Svellköldum, er ári á eftir sem er kannski ekkert skrítið því hún slasaðist á fjórða vetur og missti af lestinni.



En það voru fleiri Áfhólakellur sem mættu á svæðið og létu til sín taka.  Hrefna María mætti með hana Vöku sína Rökkvadóttur frá Margretarhofi og varð í 10 sæti í opnum flokki en þess má geta að þær unnu fyrstu vetrarleikana í Fák fyrir nokkru síðan.


                                                                                                                                                             Mynd Dalli

Og mamma hennar mætti gallvösk á honum Konna sínum, Íkoni frá Hákoti og endaði í sjöunda sæti í meira vönum. Þau eru nú yfirleitt í úrslitum á öllum mótum sem haldin eru í Víðidalnum og oftar en ekki í fyrsta sæti, þessi tvö.



Já, það hefur verið dagskrá allar þrjár síðustu helgar hjá mér. Dimmi tók ég líka með á Ístölt Suðurlands og þar enduðum við í fjórða sæti í A-flokk með einkunina 8.48.  

Um þarsíðustu helgi þreytti ég svo frumraun mína í sýnikennslu þegar ég tók þátt í Hestanálgun í Rangárhöllinnni.  Mér til aðstoðar var hann Dimmir og talaði ég um það hversu mikilvægar ábendingar úr hnakk og með fótum væru og hvað við kæmumst langt með því að stjórna þó að engir væru taumar.  Fyrir áhugasama er video á hest.is    Þá talaði ég einnig um gangsetingu á klárgengum hrossum og var með Sóllilju sem verkefni í því.
Það voru nokkrir knapar og reiðkennarar sem komu að þessari sýningu og hún var mjög vel sótt.  Hún endaði á skemmtilegum fyrirlestri með Rúnu Einarssdóttur og svo vann hún með þremur knöpum inn í höll á eftir.  Hugmyndin hjá staðarhöldurum er að gera þetta að árvissum viðburði.




Og smá af framkvæmdum.... Þær hafa að mestu legið niðri frá því í byrjun árs 2008 en í byrjun febrúar var ráðist í að loka á milli reiðskemmu og hesthúss auk þess að kaffistofan góða er loksins að komast í gagnið.



Gott útsýni bæði yfir skemmu og hesthús, hefði helst viljað hafa allt úr gleri, en þá hefði ég þruft að vinna í víkingalottó!!!  Samkvæmt teikningum verður allt gler að vera eldvarnargler og það er sko ekki gefins!



Búið að einangra og bara eftir að mála. 20 fermetra langþráð kaffistofa að verða til.


Þegar mikið er að gera, verður eitthvað undan að láta og í þessu tilfelli hefur uppfærsla heimasíðunnar setið á hakanum og ég ætla ekki að lofa neinu um bót og betrun í þeim efnum en geri mitt besta :)

16.02.2010 01:23

Sólarmegin.......

Ég er farin að fá símtöl útúr bæ frá fólki sem óttast heilsu mína og afdrif vegna ritstíflu sem hrjáð hefur mig síðustu vikur.  Þannig að áður en það birtist leitarflokkur á hlaðinu tilbúin að skanna mýrarnar hérna til að leita að mér, verð ég líklega að fara að gefa frá mér eitthvað lífsmark ;)

Sem betur fer er bloggletin bara tilkomin af góðu, það er bara svo gaman í vinnunni þessa dagana, fullt af skemmtilegum verkefnum sem eru tilbúin að eyða orkunni manns og gefa mikið til baka að sjálfsögðu.



Solandus er hestur sem aldrei hefur sést í reið á þessari síðu, hörku brokkari og fjórgangsefni sem er komin ágætlega í töltið líka.  Það er hálfgerð skömm að segja frá því að þetta er fyrsti veturinn sem ég sinni þessum hesti eitthvað.  Hann var svo óheppinn að vera á fjórða vetur þegar ég var að byggja hesthúsið, var tekinn í tvær vikur um vorið, en var inni eitthvað lengur og reytti bókstaflega af sér allt faxið áður en ég vissi af!!! Og var eins og reitt hæna í allann fyrravetur og ég hafði bara ekki nokkurn einasta áhuga á því að fara á bak honum, því hvorki ætlaði ég að sýna hann og né var hann söluvara svona útlítandi.  Stelpurnar sem voru hjá mér voru eitthvað að trimma hann en hann varð ekki almenninlega gangsettur fyrr en í vetur og þá á sjötta vetur... náttúrulega engin framistaða hjá manni, en vonandi verður hann orðinn sýningarhæfur í vor, er ekki betra seint en aldrei?? 
Því meira sem maður kynnist honum, því betur líkar manni við hann og geðslagið er alger draumur, liggur við að maður taki hann inn með sér á kvöldin og planti honum í sófann og kúri með honum fyrir framan sjónvarpið!   En svona áður en að þið haldið að ég hafi tapað geðheislunnni er best að halda áfram ....;)



Sóllilja alsystir hans er á fimmta vetur og er alltaf uppáhald allra í hesthúsinu, frábær karakter og alltaf í góðu skapi.  Hún var lítið gangsett þangað til í vetur en þetta er allt að koma hjá henni og tekur töltið skemmtilega og hangir lengi uppi í skrefinu.  Svona áður en lengra er haldið þá eru þessi hross undan Sóldögg og Berki Þorrasyni frá Litlu-Reykjum.  Ég hef verið óheppin með afkvæmin hennar, skjóttur Þristsonur sem hún átti, bókstaflega hvarf af yfirborði jarðar eitt vorið, og önnur gullfalleg Reginsdóttir slasaðist illa og þurfti að fella. Og ofan á allt hefur hún haldið illa eða misst, síðast missti hún fyl við Dug frá Þúfu.  Því var ég afar körg í taumi þegar verknámsdómararnir reyndu ítrekað að véla Sóllilju af mér í fyrra þegar Verena var með hana í verknámi. Hún er eina hryssan sem ég á undan Sóldögg fyrir utan Glymsdótturina sem hún átti í sumar.  Sóldögg var skemmtileg hryssa sjálf og við vorum nokkrum sinnum í úrslitum í B-flokk hérna á Hellu, oftast með einkunn í kringum 8.40.



Dívan er að komast í þokkalegt form eftir brösótta byrjun í vetur.  Hún var fyrsta mánuðinn og rúmlega það, eitthvað skrítin á afturfæti, ekki hölt en bólgin framan á kjúku og ég vildi fara mér hægt í staðinn fyrir að lenda í krónískum vandræðum seinna á þjálfunarferlinum. 

Það er mikil framkvæmdargleði þessa dagana, Valdi frændi (Hrefnu bróðir) smíðaði fyrir mig forláta hnakkastatíf og hristi fram gerði fyrir mig úr annari erminni.  Ekki mikið mál fyrir strákinn enda hámenntaður verkfræðingur og er núna að mennta sig enn meira í Kóngsins Köpen!

Og loksins sér fyrir endan á hesthúsframkvæmdum, hrossin mín eru búin að búa í ósamþykktu húsi til þessa.  Baldur ofursmiður er á fullu við að loka á milli hesthúss og reiðskemmu og í leiðinni að klára hina langþráðu kaffistofu.

Ég er búin að vera vel mönnuð í hesthúsinu þessa dagana.  Elísabet frá Steinsholti verður hjá mér í vetur, og svo er komin verknemi frá hestaskóla í Svíþjóð, hún Jenny sem verður í mánuð.  Íris Fríða úr Mosó lífgaði uppá samfélagið hérna nokkra daga, og kom með "hrekkjabykkjuna sína" með sér eins og hún kallar hana, Íris er alltaf "heppin" í hestakaupum að eigin sögn.  En Íris er að flytjast til Spánar á næstu dögum og því var þetta stutt stopp hjá henni hér.  Og Sara Rut kom og dvaldi hérna í eina viku í lok Janúar og dugleg að tækla tryppin að vanda.



                                                                                                                            Mynd Íris Friða
Við Viggó brugðum á leik einn daginn og reyndum að temja eina veturgamla í mýrinni af fúsum og ófrjálsum við lítinn fögnuð hennar.  En koma tímar og koma ráð og sú bleikálótta temst örugglega fjótt og vel við réttar aðstæður ;)

25.01.2010 15:48

Val á Landsmótsstað



Ég get vart orða bundist yfir þeirri ákvörðun að leitast við að halda Landsmót í Reykjavík 2012.  Persónulega finnst mér nóg að hafa tvo landsmótsstaði á landinu, á Gaddstaðaflötum og á Vindheimamelum, byggja þessa staði betur og betur upp heldur en að hringla með þau á milli staða.
Landsmótið 2008 var illa skipulagt að mörgu leyti og ég skil afar vel óánægju fólks yfir því.  Að hafa keppnishrossin í hólfum á opnu tjaldsvæði, veit ekki hverjum datt þetta eiginlega í hug. Ég hefði verið brjáluð að hafa eitthvað lið undir áhrifum allskyns efna í kringum sparihestana mína.  
En þó að skipulag á mótinu 2008 hafi ekki verið í lagi, hvernig voru mótin á undan því?? Ég man ekki eftir öðru en að LM 2004 hafi bara verið afar vel heppnað og skemmtilegt mót.  Reyndar eru umferðarmálin á sunnudeginum alltaf vandamál og það reyndi verulega á þolrifin að bíða í bílnum í tvo tíma áður en maður komst út á þjóðveginn á síðasta landsmóti.   Ég hugsa hinsvegar að það sé sama hvar landsmótið verði haldið á suðurlandinu, umferðamálin á sunnudeginum verða alltaf erfið, líka í Reykjavík, Landsmótið er jú FYRSTU HELGINA Í JÚLÍ mestu ferðahelgi ársins ásamt verslunarmannahelginni.  Og til að losna við þessa miklu umferð, verðum við þá ekki bara að færa Landsmótið fram um eina helgi??? Og losna þá við skrílinn sem kemur bara á LM til að detta í það, því það hefur ekki efni á því svona rétt fyrir mánaðarmótin! 

Og hver eru svo helstu rökin fyrir því að færa LM til Reykjavíkur, jú það er svo frábær aðstaða þar fyrir hesta og menn. 
Tökum fyrir hestana... Ég veit ekki betur en að allir hestar séu komnir meir og minna á græn grös þegar komið er fram í lok júní. Aðstaðan sem ég sé á höfuðborgarsvæðinu samanstendur af hesthúsi og litlum gerðum fullum af grjóti en mér finnst það ekki vera sæmandi keppnishrossum um hábjargræðistímann.  Ég myndi vilja hafa túnblett til að geta hleypt út á, kannski að maður gæti girt af UMFERÐAREYJU einhversstaðar.  Í þrjátíu km radíus frá Gaddstaðaflötum eru óteljandi tamnngarstöðvar og hrossabú sem hægt er að semja við um geymslu á hrossum og með réttu skipulagi er hægt að hafa fín keppnishestahólf á Gaddstaðaflötum fyrir slatta af hrossum, þannig að fullyrðingin um að aðstaðan fyrir hross sé betri á höfuðborgarsvæðinu er röng að mínu mati.

Og svo fólkið.... Það er ekki hægt að bjóða útlendingum að vera í tjöldum innan um þetta æpandi pakk sem sækir landsmót, þeir vilja vera á fínum Hótelum!  Á suðurlandi eru líka óteljandi gistimöguleikar frá Hveragerði að Eyjafjöllum og ég get ekki séð að það sé stórt vandamál þar á ferð.  Tjaldbúðastemningin líka fyrir marga ómissandi á Landsmótum og ég get ekki séð hvar á að koma henni fyrir á Landsmóti Í Reykjavík, kannski á einhverri ANNARI UMFERÐAREYJU??

Aðstaðan fyrir áhorfendur á Gaddstaðaflötum er sú besta á landinu, hvar annarstaðar geturðu rölt nokkra metra og verið með puttann á púlsinum um hvað er að gerast bæði á kynbótavellinum og keppnisvellinum?? Ekki í Víðidal, ekki á Vindheimamelum eða Melgerðismelum!   Og mér hefur verið tjáð að það eigi að bæta enn um betur varðandi áhorfendabrekkuna á Gaddstaðaflötum ef mótið verður aftur þar.  Til að koma öllum áhorfendaskaranum fyrir í Reykjavík hlýtur að þurfa að gera miklar breytingar, því ef ég man rétt þá var afar þröngt á þingi þar árið 2000.

Hvort að ég sé hlutdræg, já ég er það örugglega en ég þekki samt fullt af fólki héðan og þaðan af landinu sem er sammála mér og vill að þarnæsta Landsmót verði haldið á Gaddstaðaflötum með hæfu og reyndu fólki í skipulagningu sem er ekki alltaf að finna upp hjólið!

 

14.01.2010 00:00

Smá ræktunarpælingar



Alltaf er maður að velta fyrir sér ræktuninni og reyna að læra eitthvað af þeim hrossum sem maður er með undir höndum, hvað passar og hver sé lykillinn að því að hrossin passi saman, og hvernig hross maður eigi ekki að para saman.  Þó svo að blubbið sé örugglega fínt til hliðsjónar fyrir suma, þá get ég ekki sagt að ég fari mikið eftir því.  Ég get verið óskaplega "pikkí" þegar ég er að halda hryssunum mínum, þó svo góðir graðhestar séu í hverju horni þá get ég alltaf fundið þeim öllum eitthvað til foráttu ;) 

Mæður hestanna er eitthvað sem ég lít á áður en ég ákveð mig endanlega, eru þær búnar að gefa einhver önnur afkvæmi sem kveður að eða er allt ósýnt eða með slaka dóma nema þessi eini sem ég er að hugsa um að halda undir. Það hlýtur að vera meiri möguleiki á góðum genum í hesti sem á góð systkini heldur en þeim sem á það ekki. 



Töluvert er ég haldin þeim annmarka að horfa meira á hæfileika heldur en byggingu, sést kannski best þegar litið er á tölur á hrossunum okkar, oftar en ekki er hæfileikaeinkunn töluvert hærri en byggingin.  Ég hef lítið gaman að ríða á útlitinu og faxinu einu saman og vil finna mótorinn virka og hestinn bylgjast undir hnakknum, já og fótaburð takk fyrir!

Geðslag og vilji skipta höfuðmáli, því jú hugurinn ber þig hálfa leið.  Þetta er sá þáttur sem erfiðast er að vita eitthvað um, hvernig var gripurinn sem þú ætlar að nota t.d í tamningu? Hrekkjóttur? Ofur viðkvæmur eða þar fram eftir götunum....



"Sjálfrennireið" var notað yfir hlutinn bíl áður en naforðið bíll eða bifreið varð til.  Ég nota þetta orð stundum um hesta sem ég get riðið um án mikils handafls, og það er líka eitt af mikilvægustu ræktunarmarkmiðunum mínum, að hrossið sé sjálfberandi. Maður vill að afkastahrossin séu líka reiðhestar, en ekkert er leiðinlegra en að ríða á hesti sem hangir stanslaust á taumunum Ég get alveg fengið mér lóð og æft heima í stofu þegar mig langar til, ef mig langar í sterkari upphandleggsvöðva!! 

Það væri auðvitað frábært ef maður kæmist í að prófa alla hesta sem maður hefur hug á að nota því það getur gefið manni réttari tilfinningu á það hver passar undir hvern, en það er afar langsótt mál og því verður maður að fylgjast vel með hvað er í gangi á brautinni þegar sýning er í gangi, því tölurnar á blaðinu.... þær segja nú ekki alla söguna.



Folaldið sem skreytir þessa færslu er undan Dimmir og Þyrnirós.  Þessi tvö hross hef ég tamið og þjálfað frá byrjun og gjörþekkti bæði tvö og fannst bara Dimmir vera akkúrat hesturinn á hana.  Ætla svo sem ekkert að uppljóstra hvaða ræktunarformúlu ég hafði til hliðsjónar og framtíðin verður að leiða það svo í ljós hvort ég hafi haft rétt fyrir mér, en ég kom allavega sigri hrósandi heim  í hesthús eftir að hafa hann augum litið í fyrsta sinn og titlaði sjálfa mig sem ræktunarmann ársins fyrir afrekið.  Svipurinn á Hrefnu frænku sem var þar heima fyrir var heldur vantrúarlegur en samt var það hún sem skríkti hæðst þegar stóðið var rekið heim nokkrum dögum síðar og var með myndavélina á lofti.
En folöld eru jú bara folöld en gefa þó alltaf einhverja vísbendingu um það sem vænta má, og þessi sýndi stökkferð á tölti og skeiði með miklum fótaburði og mýkt fyrstu vikurnar, og geðslagið virkaði mjög indælt þegar hann var örmerktur fyrr í haust þannig það má allavega láta sig dreyma um flotta "Sjálfrennireið"  ;)
 

05.01.2010 23:32

Á nýju ári



Það er ekki hægt að hafa Gleðileg jól fram að páskum þó að óneitanlega hafi maður haft það fínt um jólin, og já og Gleðilegt nýtt ár, "by the way" :)

Veit ekki hvar ég á að byrja en fannst það við hæfi að birta mynd af litlum brandblesóttum Pjakksyni sem komin er í fóstur til mín.  Átti að vera tímabundið því Verena var búin að frátaka hann, en svo kom í ljós að það er ekki víst hvort hún hafi aðstöðu til að vera með hann því hún verður ekki hjá mér í vetur.  En mér er eiginlega alveg sama þó hann verði hér Ótímabundið, því mig langar bara alveg að eiga hann sjálf.  Ekki það að það sé ekki nóg af hundum í kringum mann, hann er bara svo "ógó" mikið krútt ;)




Eins og t.d hann Viggó varðhundur sem tekur sér alltaf stöðu í óbyggðri kaffistofunni (sem á vonandi að fara að klára í vetur)  og tekur hressilega á móti gestum svo að mörgum er um og ó. Það er samt alveg nauðsynlegt að eiga góðan varðhund á þessum síðustu og verstu, allavega er Hrefna María alveg klár á því að það hefði ekki verið brotist inn hjá þeim í fyrra ef Rexi hennar og Fluga hans Valda bróður hennar, hefðu verið heima.  Þau hefðu örugglega tekið á móti þjófapakkinu og pakkað því saman.  En sem betur fer hefur starf Viggós verið Hestasmali fram að þessu og hann er svaka góður í því, hjálpar til við að reka á eftir hjá manni og fleira.  Hann er samt stundum aðeins of aktífur og oftar en ekki heyrast svohljóðandi orgin í manni um allt hesthús: VIGGÓ NEI !!!!!!  Og þá hleypur sá mórauði uppá kaffistofuloft svo ég nái ekki í skottið á honum ;)



Pjakkur minn gamli er þarna fremstur á myndi með Viggó og Rex.  Pjakkur vill heldur halda sig á "Austur-bakkanum", nánar tiltekið á Kanastöðum þar sem honum finnst hann fá betri þjónustu og húsnæði heldur en hérna.  Þar hefur hann líka verið duglegur  við að auka kyn sitt og nýjustu fréttir herma að litfagrir hvolpar undan honum hafi verið að seljast dýrum dómi á einum bæ.  Jahá, ég þarf nú að fara að innheimta hvolpatoll fyrir hann með þessu áframhaldi!



Og Dimmuborg litla biður að heilsa. Það er svo sem ekkert nýtt að frétta af henni, en hún er ekkert
á því að gefast upp á lífinu ennþá og er býsna brött á að líta og fyrirmyndarsjúklingur í alla staði.  
 

"Hörkutól" segir Dýralæknirinn um hana sem hefur meðhöndlað hana og er á sömu skoðun og ég, að gefa henni eins mikinn tíma og sjá til hvort einhver bati komi til með að eiga sér stað.  Vorum raunar sammála um það í síðustu úttekt að hún væri aðeins skárri. Og verður maður ekki að vona að góðir hlutir gerist hægt og ungur aldur vinni með henni.
Heilbrigt hross verður hún náttúrulega aldrei heldur er spurning hvort hún geti gróið einhvern veginn þannig að hún finni ekki mikið til.



En annars bara spennandi vetur framundan og fullt af skemmtilegum hrossum að týnast á skeifur. Móey Móeiðardóttir og Gáskudæturnar Gjóska og Gæska svo eitthvað sé nefnt. Og ég fékk góðar fréttir af Mánastein rétt fyrir áramót. Hann svarar ekki beygjuprófi og ýfingar sem sáust á kjúkubeini fyrr í haust virðast hafa gróið ágætlega, þannig að maður skellir kannski kappanum aftur á skeifur fyrr en síðar og athuga með frekari tamningu :)  Maður fagnar nú samt alveg rólega, því sinar sjást ekki á röntken og það verður bara að koma í ljós hvort að það hafi orðið einhver skaði á þeim.

Og hvort hann verður jafn hágengur og þarna á myndinni verður líka að koma í ljós, en hann er allavega laus í bógunum ;)

Ný aðstoðarkona er komin í hesthúsið og hún er íslensk í þetta skiptið, eða allavega að hálfu leyti, norðmenn eiga svo hinn helminginn, hún heitir Elísabet og er frá Steinsholti í Gnúpverjahrepp.

24.12.2009 15:06

Gleðileg jól!




Óskum öllum lesendum heimasíðu Álfhóla gleðilegra jóla og hamingjuríks nýs árs!


Að halda úti lifandi heimasíðu er alltaf nokkur vinna, en það virkar óneitanlega hvetjandi að það er stór hópur af áhugasömum lesendum og viðskiptavinum sem fylgist reglulega með og ekki skemma fyrir öll skemmtilegu kommentin frá ykkur allt frá byrjun og allar góðu kveðjurnar í gestabókinni. 

Takk kærlega fyrir okkur og njótið jólanna!


11.12.2009 23:50

Beðið eftir kraftaverki



Slysin gera ekki boð á undan sér, það ætti ég að vera farin að vita manna best.  Við eftirlit fyrir rúmri viku síðan fann ég uppáhalds mertryppið mitt, hina tveggja vetra Dimmuborg Braga og Dimmudóttur draghalta í haganum.  Eftir meðhöndlun í rúma viku virtist heldur lítill bati sjáanlegur nema hún er ekki eins kvalin og hún var fyrstu dagana.  Við nánari skoðun virðist hún vera úr mjaðmalið sem er afar sjaldgæft að komi fyrir hross en því miður eru þá batahorfur líka afar litlar. 

En við dýralæknirinn erum ekki á því að gefa upp vonina fyrr en í fulla hnefana, og ekki Dimmuborg litla heldur, sem er afar lífleg og glaðleg til augnanna þrátt fyrir að vera hálfgerður fangi í eigin líkama ef svo má segja. Hún stígur í fótinn með töluverðum þunga en á afar erfitt með gang og hún á heldur ekkert að hreyfa sig í þónokkurn tíma ef hún á að eiga einhvern möguleika á að hafa það af. Já, hafa það af og geta mögulega einhvern tíman eignast folald því hún mun að sjálfsögðu aldrei koma til með að bera knapa né hlaupa svona stolt um hagana.  Ef hún væri ekki sú sem hún er, þá væri búið að láta hana fara.  En það er nú einhvern veginn þannig að það kemur aldrei neitt fyrir hrossin sem maður gæti séð af, örugglega einvhverjir sem kannast líka við það.

Hvernig þetta gerðist er okkur hulin ráðgáta, ólíklegt er að hún hafi fengið spark svona ofarlega með þessum afleiðingum, ekki hefur hún fest sig neinsstaðar þvi enginn er áverkinn annarsstaðar á fætinum nema á mjaðmaliðnum.  Dottið á ís er mín líklegasta kenning en annars er ég alveg "lost" með að finna ástæðuna.

En þó að beðið sé eftir kraftaverki er ekki þar með sagt að maður geri ekkert annað, þó svo óneitanlega taki svona leiðindi alltaf orku frá manni.

Gæðingarnir, ja eða aðeins meiri og fleiri gæðingar sem voru þegar heima, eru að týnast inn og á skeifur smátt og smátt.
 


Stóru systkini Dimmuborgar eru komin inn, og komin af stað í þjálfun, Dimmir og Díva, já Díva var líka folald einu sinni og það mátti fá hana til að lyfta líka í mýrinni ef þúfurnar voru nógu miklar!



En það fundust því miður engar nógu stórar þúfur hér í Landeyjunum til að fá Dimmir til að lyfta í þegar hann var folald, og því eru ekki til neinar folaldamyndir af kappanum.  Hann skánaði heldur þegar var farið að temja hann og byrjar bara mjög skemmtilega nú í vetur.  Gallinn við hann Dimmir er að hann er bara svo skemmtilegur útreiðarhestur að maður gleymir alveg að æfa undirstöðu smáatriðin sem skipta svo miklu máli þegar í harðbakkan slær.   Þannig að markmiðið með hann i vetur er... markvissari þjálfun! !    Af því að ég veit að þessi hestur getur svo mikið meira heldur en ég hef náð að sýna hingað til.



Máttur frá Leirubakka, stór og stæðilegur Keilissonur sem ég sýndi og keppti á síðsumars er komin á járn aftur og er líka eitt af skemmtilegu verkefnum vetrarins.  Efnilegur fimmgangangskeppnishestur sem á jafnvel erindi í töltkeppni og á auk þess töluvert inni í kynbótadóm að mínu mati og nokkurra annara.



Og draugahesturinn úr síðustu færslu, Sóllija síkáta er komin í framhaldsþjálfun.  Síkáta segi ég, hún er reyndar frekar þungbrýnd á þessari mynd, er eitthvað að píra augun á móti kvöldsólinni.  Hún hefur alveg einstaklega aðlaðandi persónuleika þessi hryssa og það liggur við að maður þurfi ekki að kveikja ljós þegar hún er í hesthúsinu, það lýsir svo af henni!  Svo spjallar hún við okkur allan daginn, já nú er Sara alveg að missa það hugsar sjálfsagt einhver ;)  Nei án gríns þá kumrar hún látlaust á mann allan daginn þegar maður gengur um nálægt henni,  eins hún sé alltaf að reyna að segja mannni eitthvað merkilegt. ( Og hugsar sjálfsagt, "Ohh, djöf..... eru þær vitlausar að geta ekki skilið hvað ég segi")

Verena var með þessa hryssu í frumtamningarprófinu í fyrra og tók besta prófið á hana.  Fékk 10 fyrir æfinguna laus í hringgerði, sem væri svo sem ekkert eindæmi nema það að það var ekkert hringgerði komið upp hjá mér í fyrra!  En Sólliljan dansaði í kringum Verenu eins og það væri ósýnilegur spotti á milli þeirra.

Þar sem hún er ekki fædd fyrr en um miðjan ágúst, þá var ég ekkert að drífa mig með hana en hún er nú á góðri leið í gangsetningarferlinu og ekki þarf að kvarta yfir fótaburðaleysi hjá henni. 

Já, það eru næg verkefnin í hesthúsinu til að dreifa huganum á meðan beðið er eftir kraftaverki.

27.11.2009 10:22

Mynd sem segir sögu



Ég var að flétta í gegnum myndir sem Birgit frá Þýskalandi tók í sumar og rak þá augun í þessa sem ég hafði ekki veitt neina athygli áður.  Bara ósköp venjuleg mynd af hrossum í rekstri, eða allavega er það sem flestir sjá.

Þessi mynd segir mér hins vegar söguna af forystusauðnum Dívu sem leiðir hópinn, yfirklappstýrunni Móey sem ég get alltaf notað sem mið í haganum þegar ég er að tékka hvort Díva sé ekki örugglega á sínum stað.   Díva er svona sparibaukur sem ég passa sérlega mikið uppá og hafði hana yfirleitt úti eina.  Fann svo út að það væri ein hryssa í húsinu sem myndi aldrei sparka frá sér og það var hún Móey litla og því óhætt að hafa þær saman.  Ef að allir í heiminum væru eins og Móey þá væru öll stríð úr sögunni.  Það gat verið skondið að fylgjast með því í svona túrum, ef það var einhver slagur í uppsiglingu, þá hljóp sú vindótta á bak við Dívu eða Gjósku, þá móálóttskjóttu og faldi sig svo hún yrði örugglega ekki fyrir höggi.  Náttúrulega mjög hentugt þegar hross eru svona þenkjandi því þá er maður ekki hræddur um að þau slasi sig í slagsmálum.

Sú gráa, Frostrós og Heiðrún sú jarpa tóku uppá því í sumar að vilja vera alltaf saman og heimtuðu að fá að vera í sömu stíu á daginn, ekki gerði ég neitt til þess að gera þær að vinkonum en það eru ein 4 ár á milli þeirra í aldri.

Svo að lokum er það Gjóska, alltaf jafn sátt í eigin skinni og lætur sé fátt um finnast þó að reksturinn fjarlægist óðfluga. Það er oft eins og hún þurfi ekkert sérstaklega á vinum að halda og passar uppá sinn persónulega radíus.  Ef hægt er að tala um að hross séu mismundandi greind, þá held ég að þessi skjótta greinist í efri mörkunum.



Fjölskyldubönd eru gífurlega sterk í hrossahópnum og systkyni halda oft saman langt fram eftir aldri fái þau tækifæri á því.  1stu verðlauna hryssan Skessa frá Kanastöðum passar hér uppá yngri systur sína í áningu í sama rekstri.

Já, tengslin í hrossahópnum eru margbreytilegri heldur en margur gerir sér grein fyrir.

15.11.2009 13:45

Svarti Svanurinn




Sumar ræktunarhryssur hérna í Álfhólum hafa fengið meiri athygli hér á forsíðunni en aðrar.  En það er nú bara þannig að þær verða nú að vinna sér það inn að ég fjalli um þær ;) 
Þessi svartstjörnótti framtaksfallegi foli er í eigu Rósu og er undan Þyrnirós frá Álfhólum og Þórodd frá Þóroddstöðum og er á fjórða vetri.



Hann var tamin í ca mánuð í haust af John Sigurjónssyni tengdasyni Rósu sem er yfirtamningamaður á Ármóti þessa dagana.  Jonni lætur afar vel af folanum og er alveg ólmur í að eignast hlut í honum. 

Jonni er hálf munaðarlaus þegar kemur að hestamennsku en enginn í hans fjölskyldu veit varla hvað snýr fram eða aftur á hrossum. Því var mikill happafengur fyrir hann að kynnast Hrefnu Maríu og komast í tæri við svona góð hross ;)



Folinn ungi fékk nafið Þrumufleygur þegar hann var folald. Hann brunaði á öllum gangi á sínum yngri árum og því höfum við trú á því að þetta verði alhliða hestur þó svo hann hafi valið að skálma mikinn brokki eftir að hann var járnaður. 

.

Upplitsdjarfur 2ja vetra gamall en varð að dúsa heima á meðan Mánasteinn og Dáðadrengur fengu að æfa sig á feitum "guggum" í mýrinni! 




Okkur Þyrnirós gekk ágætlega í þeim töltkeppnum sem við tókum þátt í og vorum oftast í A-úrslitum.  Þetta video er síðan á Reykjavíkurmóti Fáks 2003 en þar lentum við í 3ja sæti í tölti Meistaraflokk en ég var titluð Reykjavíkurmeistari þá sem efsti Fáksmaður.  Árið 2004 ætluðum við okkur að gera stóra hluti en hvert óhappið elti annað, þannig að þjálfun og árangur var frekar dapur það árið.  Um vorið fór hún undir Hrym frá Hofi og er búin að vera í folaldseign uppfrá því. 
Þyrnirós er fædd Rósu undan áðurnefndri Vöku, en ég eignaðist ráðandi hlut í henni fyrir nokkrum árum en Rósa fær 3ja hvert folald undan henni. Þrumufleygur er fyrsta folaldið sem hún eignast undan Þyrnirós og það er ekki að spyrja að því, "kellingin" hestheppin að vanda ;)

Vaka móðir Þyrnirósar var einnig móðir 1verðl stóðhestanna Tígurs og Eldvaka og er af gamla Álfhólastofninum með Nökkvablóðið í æðum.  En hún hefur meir en það, því afi hennar er Hrafn frá Kröggólfsstöðum sem var undan Herði frá Kolkuósi.  Hrafn þessi fór ungur til Þýskalands og var í eigu Brunó heitins á Wiesenhof.  Ég man fyrir allmörgum árum þegar ég var í Þýskalandi þá var Hrafn í guðatölu hjá mörgum Þjóðverjum.  Einhver kom hróðugur til mín og tilkynnti mér að Hrafn væri sko langa langafi hestsins síns!

Þyrnirós fór undir Dimmir í sumar, en eitt besta folald sumarsins var einmitt undan þeim tveim. Segi kannski nánar frá því í næstu gúrkutíð.

15.11.2009 00:18

Tíminn fljúgandi



Vá, eigum við að ræða það eitthvað.....Sumarið nýliðið og dekurhrossin varla komin í haustfrí, nýklippt og fín ( ég ræðst alltaf á faxið á haustin sumum til mikillar hrellingar), að það er bara komin miður nóvember og maður fer að telja dagana þangað til að gæðingarnir komi inn aftur, t.d jarpa uppáhaldið sem var nú eiginlega byrjuð í haustfríinu sínu þegar þetta video er tekið, búin að klippa sjálf af sér toppinn og bæta hressilega á sig. 

Ekki það að hesthúsið sé búið að vera tómt í haust, nóg af tryppum og söluhrossum rúlla í gegn en margt af því fer svo í frí í Desember til að rýma til fyrir hrossum sem koma til vetrarþjálfunar.  Stundum leynist óvæntir gæðingar í hópnum eins og þessi brúnstjörnótti sem ég er að prófa þarna í þriðja skipti.

Time flies too fast!

Woww should we discuss this further...  The summer has just passed and our own competition/show horses are on their fall break, new cut main and hoofs. I always cut their maine and hoofs allot when I give them their break, some people think that's crazy but I think it gives it more grooving. And now it is middle of November and I am already counting the days until theses "fancy" horses come again for training. For example this bay mare of mine, Díva, that was technically already began in her break  when this video was taken. She had cut of her bang herself and gain some extra weight.
 
The stable has however not been empty this fall. Plenty of youngsters in training and sale horses in training. Some of this horse go then to a break in December and are trained again next summer. So we have enough room for the horses that are coming in to winter training. Sometimes I find unexpected things in this horse group. Like this black one with the star.




Það er svoldið fyndin saga á bak við hann.... Rósa keypti hann frá Akurey fyrir 5 árum síðan og er undan hesti héðan sem hét því skemmtilega nafni Rósinkranz og var undan Vöku gömlu sem hefur gefið hérna mörg góð hross og Þokka frá Bjarnanesi.  Já hún Vaka litla sem var skírð í höfuðið á ömmu sinni var alveg gríðarlega fallegt folald sem brunaði vinkilhágeng á öllum gangi og það kom ekki í ljós fyrr en vorið eftir að Rósa hafði keypt köttinn í sekknum.  Vaka litla var alls engin hryssa heldur hestur!!!

Svo kom að tamningu og eftir ca tveggja mánaða tamningu þótti "Vaka litla" frekar púkó og lítið sem minnti á sprangið yfir þúfurnar forðum daga.  Svo honum var eiginlega hent í mig og sagt að ég mætti bara eiga hann og Verena hélt árfram þjálfuninni í haust.  Ég er heldur léleg buissness manneskja og klikkaði algerlega á því að fá það undirritað að hann tilheyrði núna mínu eignasafini, kannski af því að ég var sjálf búin að gefa upp vonina um annað en að þetta yrði meðal frístundahestur í besta falli, hummm... 
Taumléttur, taktgóður, sjálfberandi og hágengur, er hægt að biðja um eitthvað meira, ja nema kannski aðeins meiri stærð fyrir mig. 


There is a great story behind this one. Rósa (Sara mother's sister and Hrefna María's mom) bought this one from Akurey a farm her nearby 5 years ago. His father is a horse from us and his name was Rósinkranz and his mother was Vaka from Álfhólar (mare that have given us few 1.st price offsprings) and his father was Þokki frá Bjarnanesi. "She" was a really nice looking foal, fly on tölt with crazy high movements and was named in the head of his grandmother "Vaka junior". But it was a little bit of surprise the following spring when it came clear that "Vaka junior " that we thought was a mare was indeed a stallion!!!!!

Then "she" was just castrated and when he was old enough we started training him. After ca. 2 months of training was "Vaka junior" just average and did not show us the greatness that we saw in him as a foal. So Rósa ALMOST just gave me (Sara) him and Verena has been training him this fall. I am for sure a really bad business woman to have not got her signature for him (maybe because I just thought he would just be a nice riding horse, nothing more.. )   

But "Vaka junior" has been like a Cinderella story. He is just an amazing horse. So light on the rains, clear beat, self carring, high lifting movements, ready for the track in Tölt competition, really talented horse. Can you ask for more???


25.10.2009 23:01

Folaldasprikl



Tíminn líður fljótt þessa dagana og nóg að gerast í sveitinni að vanda bæði gott og slæmt. 

Við tókum folöldin heim fyrir viku og gáfum ormalyf og örmerktum.   Svo héldum við svona privat folaldasýningu fyrir okkur og pikkuðum út folöld til að fara með á folaldasýningu sem haldin var um helgina í Hvolsvelli.  Það er nauðsynlegt að skoða ungviðið aðeins svo maður viti hvað maður er með í höndunum og það er hægt að læra mikið á því líka.

Þetta rauða folald er undan Kaspar frá Kommu og Ylfu frá Álfhólumr.  Myndar folald sem flýgur um á tölti og brokki, fallega uppsettur.  Engu að síður skildum við hann eftir heima á laugardaginn en svona eftir á að hyggja er þetta kannski akkúrat týpan á svona folaldasýningar.  "Æ hann er bara svona rauður", sagði ég og henti honum aftur niður í mýri!

Future stars

Times flies very quickly these days here in Álfhólar which is both a good and a bad thing.
We brought home all the foals from this summer and gave worm medicine and put a microchip in them all. Then we started a private "Foal Show" for ourselves and choose the best ones to go on the Foal show in Hvolsvöllur that was held last weekend. We think it is necessary to take a good look at the young ones so you know what you have in your breeding and also you can learn much from it and that makes you more experience to see the talents in the horse, even though they are still very young.

This red foal is sired by Kaspar from Kommu and Ylfu from Álfhólar. Handsom foal that flys on tölt and trot, nice high neck. But anyhow we left him home this Saturday, but thinking back maybe this was the right foal for a Foal Show like this. " Ahh is is just so red", I said and left him and his mother out on the field.




Það var alveg sama hvaða snilling við rákum til, engin toppaði skjótta Dáðadrengssoninn að mati Verenu.  Hún hefur einfaldan smekk, vill bara hágenga töltara!  Hann er nú kannski ekki alveg jafn grípandi á þessari mynd og þeirri sem tekin var í sumar en hefur engu að síður þroskast þokkalega. Hann fékk samt ekki farmiða á folaldasýninguna. Eftir því sem ég best veit er kominn kaupandi að honum þannig að það þarf ekki að spá í það meir!

It did matter what wonderworker we took a look at, no one was as good as this pinto Dáðadrengur's son in Verana's opinion. She has simple taste, High lifting Tölters!! He is maybe not as flashy on this photo as the photo we took of him this summer but he has developed well. He did not neither get a ticket to the foal show. As far as I know I have a buyer for this one so I don't have to think about that more.



Mér hefur alltaf fundist þessi Dimmis sonur vera flottur, framfallegur og sportlegur frá því hann fæddist.  Móðin frá frændum vor í Akurey en það hefur oft leynst eitthvað sniðugt í stóðinu hjá þeim. Hrossin þeirra voru áður kennd við Sigluvík, það man kannski einhver eftir Blæ frá Sigluvík. En þar sem hryssan er ung og ótamin þá var ég ekkert að þvælast með þau á neina sýningu.

I have always thought that this Dimmirs son smart, good neck and a cool sporty type. The mother is from the next farm Akurey, from time to time good horses come from their breeding. Their horses were before called from Sigluvík, maybe someone remembers Blær from Sigluvík. The mother of this foal is young and untrained and therefore this one didn't get a ticket to the foalshow. 



Eftir því sem hefur liðið á sumarið hef ég öfundað Húsafellsfélaga mikið af þessum skjótta Gásku og Keilissyni.  Hann er alltaf til í að halda góða sýningu fyrir mig þegar ég fer í eftirlit og ég væri alveg til í að taka sénsinn á að nota hann tveggja vetra ef ég gæti.  En hann skildi sparitaktana algerlega eftir heima í mýrinni þegar hann átti að sýna þá opinberlega og honum þótti svæðið sem var afmarkað í höllinni alltof lítið og hoppaði bara yfir í ónotaða hlutann.  Ég var alveg hjartanlega sammála honum, skildi ekki í því til hvers var verið að minnka höllina í stað þess að leyfa folöldunum að sprikla í henni allri og njóta sín betur.

As the summer was winding down I have been envying Húsafells-partners allot for this pinto one sired from Gásku frá Álfhólum and Keilir frá Miðsitju. This foal has been willingful to put on a show for me out on the fields when I have been supervising the mares and the foals. I would like to take the chance and use him on mares when he is 2 years old if I can. However he left his fancy show at the field and did not take it with him in to this small riding area where the foals where shown.




Þessi vindótti er síðasta folald sumarsins, fæddur þrítugasta ágúst eða þar um bil.  Undan Mánastein og Gýgur frá Ásunnarstöðum.  Ætli að það sé ekki hægt að finna flesta hornfirska ættfeður í ættartrénu hjá þessum en Gýgur er undan Blakk 999 frá Hafnarnesi.  Af augljósum ástæðum var hann skilinn eftir heima og fyrirskipað að borða mikið svo hann nái jafnöldrum sínum í stærð!

This silverdapple one is the last foal born this summer. He came in to this world 30th of august. His father is the young and promising Mánasteinn from Álfhólum and Gýgur frá Ásunnarstöðum. I think you can find most of "Hornafjarðar progenitors" in his genealogical tree. Gýgur his mom is the daughter of Blakkur 999 from Hafnarnesi. In obvious reasons this foal was left at home and got that orders to eat allot so he would get his contemporary brothers in size. 



Undan Artemis og Aris, ég held hann heiti Yaris!  Í eigu Valda Baunakóngs og Rósu mömmu hans.

This one is son of Artemis from Álfhólar and Landsmótswinner Aris from Akureyri, I think is name is Yaris! His owner is Valdimar(Hrefna's brother) and his mother Rósa.



Undan Tígur gamla og Eldvakadóttur, talsvert skyldleikaræktaður, uppáhald hjá Hrefnu, fljúgandi gengur og fjaðrandi.

This foal is the son of the old Tígur from Álfhólar and a daughter of Eldvaki, his pedigree is therefor related allot. He is Hrefna María's favorite, flying tölt and springy movements.



Rafael undan Ronju og Fróða frá Staðartungu.  Það var eiginlega aldrei spurning um að hann færi á einhverja folaldasýningu þessi, það var strax eitthvað við hann, virðist afar mjúkur og fyrirstöðulaus á öllum gangi og svo er hann bara fríðleiksfolald. 

This is Rafael son of Ronja from Álfhólum and Fróða from Staðartungu. It was never a question about this one, he got a ticked to the foal show immediately! Really soft in his body, no boundaries on gaits and outstanding handsome!



Ég lagði líka land undir fót og keyrði Mónu gömlu alla leið vestur á Snæfellsnes undir Fróða, eftir að ég hafði verið með þennan bleikálótta heima fyrir augunum í nokkra daga áður en Ronja fór undir Auð frá Lundum.

Ég gæti bullað um folöld hérna niður alla síðuna en ætli þetta sé ekki komið nóg í bili. Fleirri myndir af þessum og öðrum folöldum HÉR!

I went with my old favorite mare Mónu from Álfhólar all way to the west on Snæfellsnes (3 and a half hour away) to meet Fróða after I saw Rafeal so good looking in my field. Ronja, his mom went to Auður from Lundum this summer.

I could keep this up and talked about all the foals but I think this is enough for now. But you can see photos of most of them HERE.




Já kannski áður en ég hætti, Rafael fór sem sagt á folaldasýninguna á Hvolsvelli og tölti þar upp í fyrsta sæti í hestfolaldaflokknum og dómnefndin valdi hann að auki sem besta folald sýningar.  Ekki amalegur árangur í hans fyrstu og vonandi ekki síðustu keppni.  ( Hrefnan með fínu myndavélina náði ekki einni almenninlegri mynd þarna, allar úr fókus!)


The big foal show went very well in Hvolsvöllur. Many foals were showed there, from all the breeders around Hvolsvöllur. Rafael was chosen to be the best stallion foal of the show and was also chosen to be the best foal of the show! Vvííí...:Þ    I was very happy about that he looked very good in the ridding hall.
 
Svona af því að ég talaði um bæði gott og slæmt sem gerist í sveitinni, þá eru báðir 3ja vetra graðfolarnir dottnir úr leik sem ég var að hæla um daginn.  Betra að spara stóru orðin. 
Mánasteinn fór að stinga við fljótlega eftir að hann var járnaður og það var farið að ríða honum útfyrir.  Í ljós kom áverki á kjúkubeini eftir gömul meiðsli þegar hann var röntkenmyndaður.  Já, þetta hefði kannski verið afar hentugt ef hann hefði verið að koma illa út í tamningu og segja bara, úps hann slasaðist, en svo var ekki.  Þvert á móti var hann svo ósérhlífinn og jákvæður að ég var ekki alveg að gera mér grein fyrir því að hann væri í alvörunni haltur.  Stakk við ef maður hringteymdi hann en harkaði af sér þegar það var komin knapi á bak og reyndi sitt besta, brokkaði keikur á undan samreiðarhestinum í útreiðartúrum.   Hálft til eitt ár í hvíld að mati dýralæknis og engin trygging fyrir þvi að hann nái sér að fullu.  Hann endar kannski bara sem ónothæf húsprýði!

But it is always an upside and a downside in the horse world. I got a very bad news about me future young stallion Mánasteinn. Mánasteinn was taken for training in September but after being in training for 2-3 weeks he began to walk with a limp and was lame on his front foot. We called the veterinary immediately and he found out an old injury on his knucklebone after he was X-rayed.

It would be very convenient to say "O he is injured" if he were not as promising after he had been trained as we hoped for, but that is for sure not the case. I was very happy about him and he took the first training very well. Really positive mind, good temperament and was very easy when Verana was going on him the first times. He was her and mine favorite. He ran with high movements on trot and carried himself well and the tölt was just right under the surface. So I am very disappointed about his news. He have to have at least 6 months off said the vet. 

En þetta var nú ekki það eina... við Verena brugðum okkur á bak sem oft áður á föstudaginn í ljósaskiptunum, og hún var á Dáðadreng, uppáhaldinu sínu.  Nema hvað... hún er fyrir utan veginn og missir hann aðeins til hliðar og beint á girðinguna sem var bara einn strengur og ekki nógu ógnvekjandi fyrir hestinn.  Þau hrundu saman í móann en Dáðadrengur festi afturlöpp í vírnum og er rispaður, tognaður og haltur. Þannig að hann er kominn í frí líka en vonandi ekki eins langt og Mánasteinn samt.



11.10.2009 23:23

"Arabía"



Ég átti einu sinni voða flott hestaplakat með mynd af svartblesóttum arabískum glæsihesti hlaupandi við sjóinn.  Þegar ég var að fara yfir folaldamyndir frá því í sumar þá mundi ég allt í einu eftir þessu plakati er ég skoðaði myndirnar af þessari montrófu, sem er ein af örfáum hryssum sem fæddust hér í sumar.

Once up on a time I had this poster with a black blazed Arabian stallion running by the sea.  When I was looking at the foal pictures since summer, I suddenly remembered this poster when I saw this pictures of this proud mare foal which was one of few mares wish were born here last summer.



Nei, ég veit ekki til að hún Sverta hafi farið á fund við neinn arabískan stóðhest heldur er sú svarttvístjörnótta undan Leikni frá Vakurstöðum og er hálfsystir Zorro frá Álfhólum sem stundum hefur gert það gott á keppnisvellinum. 

Well I don't think that Sverta has found any Arabian stallion here in Iceland, but this black beauty is daughter of Leiknir from Vakurstöðum who is well known competition horse here in Iceland and 1st price stallion. Her half brother Zorro has often done a good job on the track here in Iceland.
 


Hún fæddist í þennan heim sem sameign okkar frænkna, ég kom með merina og Hrefna lagði til folatollinn.  Og varla var hún staðinn á fætur að það fór nú að grynnast á því góða á milli okkar og báðar vildum við eiga hana óskipta.  Engin lausn hefur fundist á þessu deilumáli okkar, ætli við verðum bara ekki að selja hana til þriðja aðila til að bjarga frændseminni ;)

She was born into this world owned by me and my cosine Hrefna, I brought the mare and she paid for the stallion.  And she had barely stood up for first time when we both wanted to own her alone!  No solution has been found of our argument, I guess we just have to sell her to save our friendship ;)

Það var heppilegt að hafa verið með myndavél þegar við rákum hluta stóðsins heimundir í lok júlí, því það er alltaf gott að eiga einhvern efnivið í svona "Ekki fréttir"  þegar haustar og kannski ekki mikið um fréttnæma atburði.  Fleiri myndir af folöldum sumarsins má sjá hér

It was really convenient that we had camera when we took the heard home late in July, cause it is always good to have some material in such a "No News" as I call it when the fall has come and not so many big news.   More picture of foals from last summer here.
 
Þess má geta að Sverta var færð heim þennan sama dag og haldið á folaldagangmálinu undir Mátt frá Leirubakka, Keilissoninn sem ég var með í þjálfun í sumar.

This same day Sverta went to a meeting with Máttur frá Leirubakka, the Keilisson I had for training and competition last summer.

07.10.2009 09:28

Jæja...


                                                                                                               Mynd: Birgit from Germany

Mikil bloggleti hefur verið í gangi síðustu vikur, og ekki bætti úr skák að Internetið lá hérna niðri í heila fjóra daga þangað til í gærkveldi.
En það er ekki þar með sagt að það gerist ekkert í sveitinni, það er búið að gelda helling af ungfolum, sprauta ungviðið með ormalyfi, velja líflömbin og láta hitt í hvíta húsið og svo fram eftir götunum.....

Og ennþá er hesthúsið yfirfullt af tamningartryppum og bættust við fáeinir 3ja vetra ógeltir um daginn, eins og til dæmis hann Mánasteinn sem baðar sig í kvöldsólinni þarna í Álfhólunum í sumar.



Hvort að fortamningin í garðinum heima fyrir rúmlega þremur árum þegar við Mánasteinn fengum okkur blund saman, hafði eitthvað að segja veit ég ekki, en það er nú samt staðreynd að hann er með auðtamdari tryppum sem ég hef verið með.  Hann var svo yfirvegaður í fyrsta skipti sem ég setti hnakkinn á hann að ég hringteymdi hann bara með knapa í leiðinni, og daginn eftir var honum riðið lausum í reiðhöllinni. Sem sagt  "so far, soo good", jákvæður og skemmtilegur foli, léttur í spori og grípur í töltið þegar við á og væntingarnar til hans hafa bara aukist ef eitthvað!



Annar skemmtilegur foli sem er í tamingu núna er hann Dáðadrengur, bróðir Dimmis og Dívu.  Hann er í miklu uppáhaldi hjá Verenu tamningakonu.  Ekki alveg út í bláinn þegar ég talaði alltaf um að augun í þessum fola myndu loga, því hann sýnist ætla að verða feykna viljugur þessi og minnir mig á Dimmu gömlu þegar hún var í frumtamningu, orkumikill en þægur og rífur upp lappirnar.

Vegna þess að ég sá fram á næg verkefni í haust, þá bætti ég við einni 19 ára stelpu frá Þýskalandi, henni Katharinu  sem stefnir á að vera eitthvað hér í haust með okkur.

Einhverjir glöggir hafa kannski tekið eftir að það er komið nýtt "lúkk" á síðuna en það er hún Saga vinkona mín, tölvuséní með meiru sem er í smá hausttiltekt þessa dagana og ég er alveg hæstánægð með það.  Já það er alltaf gott að eiga góða að :) 

21.09.2009 00:43

Haustsprikl



Ég smalaði hryssunum heim frá 
Dimmir um helgina og notaði sólarglætuna til að smella nokkrum myndum af folöldum undan honum sem fylgdu mæðrum sínum undir hann aftur.

Þessi móvindótti var voða lítillátur í vor þegar hann fæddist.  Fyrstu dagana lallaði hann á einhverju tölt/skeið malli sem er reyndar mjög gott en svo sýndi hann bara ekki neitt nema valhopp og ég var ekkert að skoða hann of mikið í sumar.

Fall wriggle

I took the mares from 
Dimmirs field home last weekend. Took him from them now he is going to play with the boys until the training begins this winter. I used the little sun we had to take few photos of the foals who where with their mothers.

This Silverdapple one was really small when he was born this spring. The first few days in his life she wander around on tölt/pace which is actually really good, but I have not had a change to look at him much this summer.




Hann er heldur betur búinn að æfa sig í að taka til fótanna í sumar og það er alveg feykilegt svif og kraftur í brokkinu.   Þessi foli er undan 
Mær sem er undan ættmóður vindóttu hrossana hér ef svo má að orði komast, henni Mónu gömlu sem er einnig móðir Móeiðar. 

He has for sure been practicing this summer to run powerfully with his feet with huge suspension and power in his trot. This young foal is sired by Mær which is the daughter of the ancestress of all silverdapple horses here in Álfhólar, that is Móna frá Álfhólum who is also the mother of the great Móeiður frá Álfhólum.



Hann þarf sko engar þúfur til að hjálpa sér við að öngla upp löppunum þessi ;)

He does not need any tussock to help him lift his feet ;)



Það er nú kannski engin tilviljun að Mær er að fara undir Dimmi í þriðja skiptið en fyrir á hún þessa veturgömlu montrófu sem ég kalla Meyju.

Maybe it is no coincidence that Mær is going the third time to Dimmir. Before she has this boasting 1 year old mare called Meyja.



Kvöldsól er líka að fara undir Dimmi í þriðja skiptið og nú vil ég fá meri takk, og hún má alveg líta út eins og þessi brúni, hann þarf heldur ekki þúfur eða loðið gras til að lúkka vel ;)

Kvöldsól is also going to Dimmir the 3rd time but now I want a mare, THANKS. She can for sure look like this black one, he does not either need tussock or high grass to lift his feet and look good. ;) 

18.09.2009 22:23

"Og hann er bara 9 vetra!"



Það má finna mörg flott video á Youtube, og ótúlegt nokk það eru til önnur hestakyn sem fanga athygli manns heldur en Íslenski hesturinn.

Eins og þessi svartsokkótti stóðhestur sem keppir hér í Dressúr og er líklega einn allra flottasti dressúrhestur sem maður hefur séð.  Hesturinn svo fjaðrandi hágengur og mjúkur og framkvæmir æfingarnar svo átakalaust.  Knapinn fylgir hverri hreyfingu fullkomlega, gegnum mjúkur, heildamyndin frábær og það er heilmikið frelsi í öllum aganum.

En það sem er kannski athyglisverðast er að þessi ungi stóðhestur er "bara" 9 vetra!   Þetta er kannski eitthvað sem við getum haft í huga þegar okkur finnst keppnishestarnir vera orðnir úreldir 9- 10 vetra, að úti í dressúrheiminum eru þeir kannski rétt að byrja sinn feril!  

11.09.2009 17:51

Ný söluhross




Nú þegar haustar breytast aðeins áherslur í hestamennskunni. Búið er að draga undan flestum kynbótahrossum og keppnishrossum og þau komin í haustfrí.  Í staðinn er verið að gera hóp af tryppum reiðfær og halda áfram með önnur.

Núna eru mörg góð söluhross á járnum hjá okkur og í þjálfun. Allt frá traustum reiðhrossum til úrvals keppnishrossa og ræktunargripa.

Endilega komið við á sölusíðunni okkar og lítið á úrvalið, þó svo það sé ekki nema sýnishorn af því sem við erum með til sölu. Fylgist með á næstunni því við ætlum að reyna koma sem flestu inn á síðuna sem er söluhæft.  Söluhæft segi ég, því við viljum bara bjóða hross til sölu hér á síðunni sem við erum sjálf ánægð með og teljum vera eiguleg hross.   


Lífleg sala hefur verið á Álfhólum í sumar og mörg hross komin til eða eru á leið til nýrra eiganda. 

Oft á tíðum þá höfum við ekki undan við að koma söluhrossum inn á síðuna. En hér eru nokkrar myndir af hestum sem hafa leynst hjá okkur í sumar og farnir til nýrra eiganda.


New sale horses

Now when the fall is coming we have a bit different emphasis in our horsemanship. We have put most of our breedingshow and competition horses to fall vacation. Their training will begin again in December or January. Instead we have group of youngsters that we are breaking and other horses that we are training more.

Now we have many good Sale horses in the stable. All from stable riding horses to super competition horses and breeding candidates.

Please check out our Sale webpage and take a look at our variety, even though it is not all of our sale horses. Stay tuned next couple of days because we will try to put all horses that are ready for sale on our homepage. Yes, we say "ready for sale" . we only offer horses that we are satisfied with and think are ownable horses.

Horse sale has been good here in Álfhólar this summer and many horses are on their way to new owners or are already there.

Sometimes we did not have time to put them on our homepage because they are already sold. Here are photos of horses that we have had this summer and did not reach our sale page but have already landed with new owners.  



Þetta er Eldgígur 5v foli frá Hrefnu Maríu. Stór og mikill hestur, gríðarlega sterkur og þolmikill foli.  Framtíðar keppnishestur sem farinn er til Þýskalands. Skemmtilega ættaður hestur undan Eldvaka frá Álfhólum og Gýgur frá Ásunnarstöðum, Blakksdóttur frá Hafnarnesi. Ræktun af gamla skólanum. Hann er annað afkvæmið sem við eigum undan þessari hryssu hitt er Herská Parkersdóttir.

This is Eldgígur 5 year old gelding from Hrefna María. Big and powerful horse, extremely  strong horse. Future competition horse that has left Iceland and is placed in Germany. His blood is intresting his father is Eldvaki frá Álfhólum and mother is Gýgur frá Ásunnarstöðum, daughter of Blakkur from Hafnarnesi. Breeding old school way. Eldgígur is her second offspring that we train the other one is Herská daughter of Parkef from Sólheimum



Þetta er Seiður frá Strandarbakka. Aðeins 4 vetra stóðhestur ræktaður af Eiði áður kenndur við Búland. Seiður er farinn til Þýskalands. Einstaklega geðgóður foli með góðar gangtegundir og fallegan limaburð. Seiður er undan Líbrant frá Baldurshaga (gráskjóttur stóðhestur sem fór út í fyrra vetur, Siggi Sig var með hann lengst af) og Galdursdóttur frá Sauðárkróki. Skemmtilegt að segja frá því að hesturinn heitir Seiður, móðir hans Norn og afi hans Galdur.... Spúkí ..!?

Okkur finnst mjög skemmtilegt er að fá fréttir af seldum hestum og myndir.  
Hér er nýji eigandinn af honum Þrym frá Álfhólum sem oftast var kallaður Valda-Blesi á þessum bæ. Þrymur var seldur í vetur og vegnar honum vel á nýjum stað.

This is Seiður from Strandarbakka. Only 4 year old stallion. Seiður is placed in Germany. He has really nice temperament with good gaites and nice leg action. His father is Líbrant from Baldurshaga (grey pinto stallion, placed in Swiss) and his mother is a daughter of Galdur from Sauðárkroki. It is fun to tell you about that the name Seiður means sorcery and his mother is called Norn that means Witch and his grandfather is called Galdur that means magic or witchcraft.... wooo spukíí..

We are happy to have news of our sold horses and photos. Here is the new owner of Þrymur frá Álfhólum. Þrymur was sold last winter and is doing well at his new home.



Svo er hann Rauðskeggur lentur í Svíþjóð og gaman að sjá að honum líkar vel við græna grasið hinum meginn við Atlandshafið.

And then there is news from Rauðskeggur. He has landed in Sweden and it is nice to see that he is adopting well and it seems that he likes the green grass just as well on the other side of the Atlandic Ocean.


 




03.09.2009 11:35

Suðurlandsmót



Um síðustu helgi lauk skemmtilegu suðurlandsmóti þar sem ég tók þátt í fimmgang opnum flokki, á Mætti frá Leirubakka, 6 vetra stóðhesti sem ég fékk í hendurnar í sumar.  Við fórum í forkeppni í 6.60 og enduðum í þriðja sæti í úrslitum.

Máttur stóð í ströngu vikunni áður, því þá fór ég með hann í kynbótadóm þar sem hann hækkaði töluvert fyrir hæfileika og endaði í 8.34,  8.17 í aðaleinkunn.  Hann er með 8,5 fyrir tölt og fegurð í reið og 9 fyrir vilja. 

Southern championship

Last weekend was one of the biggest sport competition this year. It is called Suðrulandsmót or in English maybe Southern championship. I participated in five gait open class on the stallion Máttur from Leirubakka. He is a 6 year old stallion that I got for training this summer. In the preliminaries we got 6,60 and ended in 3rd place after the finals.

Máttur had a hard working week, because I took him to a breeding show the same week. He raised his scores a bit for ridden abilities and ended up with 8,34 and 8,17 for total score. He has 8,5 for tölt and general expression and 9 for spirit. 




Hann fékk aðeins 7,5 fyrir skeið en það var skoðun margra að sú einkunn hefði alveg mátt vera 8 eftir yfirlit.

Einn dag fékk Máttur til að hvíla sig og svo var hann kominn á hringvöllinn, get ekki annað en sagt að geðslagið í þessum hesti og viljinn til að leggja sig fram í verkefnin er í góðu lagi.

He only got 7,5 for pace but it was on many people's mind that it should have been 8.

Máttur got one day of to rest and then we went to the overall track. I can not say anything other that is spirit and temperament are excellent and is eager to do everything for you.


Stundum er skrítið hvernig hlutirnir eru, því þegar ég var beðin um að taka hann að mér um mitt sumar var ég síður en svo hrifinn að fá stóðhest í þjálfun með allri þeirri vinnu sem því fylgir og reyndi í lengstu lög að humma það fram af mér, en Máttur er í eigu sömu aðila sem eiga Dívu með mér svo þeir hafa ágætis tök á mér ;)   Núna er hann hins vegar komin í mikið uppáhald hjá mér þessi hestur og kannski engin furða.

Sometimes it is strange how things develop, when I was asked to take a stallion in training middle of the summer and I was not jumping of joy of it because it is a lot of work to have and train a stallion over the summer. But I know the owners a lot so I could not say no, but now Máttur is one of my favorite and no wonder.



                                                                                                                           Mynd Lena Walvik

Að auki mætti ég með Dívu í tölt meistara þar sem við enduðum í 4-6 sæti eftir forkeppni og þ.a.l beint inní A-úrslit.  Úrslitin lét ég fram hjá mér fara í þetta skipti því tæknilega var Díva komin í haustfrí hjá mér og eiginlega dottin úr allri þjálfun. Mér fannst hún bera yfir sér of mikinn haustbrag til að geta skartað eitthvað í keppni og því átti ég bara eftir að draga undan henni.  En Hrefna og Sara Rut skoruðu á mig að fara með hana og hún fékk sína bestu einkunn sumarsins mér algerlega að óvörum, 7.37.

Lena Walvik frá Noregi var í viku heimsókn hjá okkur og tók helling af flottum myndum eins og hún er vön.

In additionally I took my 5 year old Díva to the master class Tölt. We ended up in 4-6 place . But Diva is technically  on a fall break and almost in no training shape so I did not participated in the finals.  But I got my highest scores this season 7,37 in the preliminaries.

Lena Walvik from Norway came here for a visit for a week and as usual she took  tons of great photos.





Hrefna María gerði góða ferð á honum Rauðskegg sínum og vann slaktaumatöltið.  Þetta var þeirra síðasta mót því í dag hélt Rauðskeggur litli upp í langt ferðalag sem mun enda í Svíþjóð á laugardag. Rauðskeggur er góður og skemmtilegur hestur, mikill ljúflingur og án efa eftir að bræða hug og hjörtu nýrra eiganda líkt og okkar. 

Hrefna María had a good trip to the Southern championship also. She won the T2 (loos rain tölt) on her stallion Rauðskeggur.  It was there last champion because today the small Rauðskeggur went on a long journey that will end in Sweden next Saturday. Rauðskeggur is a good and enjoyable horse, really much of a sweetheart and will without a doubt become new owners favorite like ours. 

   




02.09.2009 14:03

"Jólahreingerning" og Töðugjöld



Þegar hestarnir voru nærrri því farnir að labba útúr stíunum var komin tími til að moka út, og tækifærið var notað til að skrúbba yfir allt í leiðinni.
 


Það má alveg kalla þetta jólahreingerningu, því ég er ekki mjög bjartsýn á að við nennum að gera þetta nema einu sinni á ári.

Um miðjan mánuðinn voru töðugjöld og hestakeppni á hellu og á Laugardagskvöldið var heilmikið fjör sem endaði með Papaballi.



Þarna má sjá nokkrar hestakonur í heldur óvenjulegu apparati, fallturni. Fv.  Artemisa, Eva, Sissel og Sara.



´Hrefnan, Gróan og Villan eru þarna á fleygiferð.



Tamningakonurnar á Álfhólum, Maija frá Finnlandi og Sara Rut voru í góðum gír.  Maija sagði við mig um daginn á kynbótasýningunni að ég ætti að fá spes verðlaun fyrir að vera með fallegasta aðstoðarfólkið á sýningunni ;)



Kófsveittar frænkur og búnar að dansa af okkur lappirnar til kl 3 um nóttina, en við erum ekki alveg vissar hver þessi ofurhressi er, sem tróð sér inn á myndina hjá okkur, hummm?

28.08.2009 10:20

Ekki bara liturinn ;)



Frumburður Móeiðar, Móey Eldjárnsdóttir, mætti í braut í hífandi roki síðastliðin mánudag og stóð sig með ágætum, 7.90 í aðaleinkunn og annað sætið í fjögurra vetra flokki.   Klárhryssa með 8.5 fyrir tölt, vilja, fegurð í reið, háls og herðar ( það sem skiptir máli ;) og 9 fyrir prúðleika. 7.99 fyrir byggingu og 7,84 fyrir hæfileika.

Not only the color ;)

The first offspring of Móeiður, Móey daughter of Eldjárn frá Tjaldhólum, went to the track last Monday and did very fine, 7.90 overall score and second place in four year old group.  Fourgaited mare with 8.5 for tölt willingness, form under rider and neck (all what matters ;) and 9 for mane.  7.99 for conformation and 7,84 for rideabilitys.



"Áts"...... á blinda stökki upp í rokið. 

Ég verð að játa að mér leist síður en svo á blikuna á mánudag þegar ég mætti með hrossin á sýningu, kolvitlaust moldrok og huggulegheit eða þannig.   Hross komu rjúkandi á fullri ferð niður að stóðhestahúsi og menn hvítir í framan af hræðslu.

I have to admit that I didn´t have a nice feeling about showing the horses when I came to Hella, the wind was sometimes so strong that you couldn't see out of the eyes cause of mud.  Some horses did handle the wind very badly and came running really fast from the track with their terrified riders.
 
Reiðhallirnar gera það að verkum að um leið og það blaktir hár þá ríður maður bara inni og hefur það náðugt og þar með veit maður ekkert hvernig hross taka því að þurfa að afkasta í svona veðri. En sú vindótta kippti sér ekkert upp við það að fjúka þarna fram og aftur og stóðst óveðursprófið uppá 10 :)

When you have a riding hall, your horses don't know how to handle such a crazy weather, cause when you have such a weather at home, you simply ride inside!  Therefor you don´t know anything about how the horse are handling this kind of situation.  But the young silver dabble didn´t care about blowing there back and forward and did passed the bad-weather test with 10 ;)


Fleiri myndir hér

23.08.2009 14:05

Hökuhágengur?



Það er spurning hvort orðið hökuhágengur sé næginlegt lýsingarorð til að lýsa þessum skjótta eða hvort það þurfi að finna upp nýtt orð fyrir þennan fótagang.

It is a question if the it is possible to find a right word to describe the movements in this pinto stallion foal.

Ég notaði tveggja vetra Víkingsson undan Miðfells-Dimmu, Dáðadreng í fyrra á þrjár hryssur og ég held að ég geti ekki verið annað en ánægð með útkomuna. Öll fara þau á flottu tölti þó svo að þessi skjótti beri af.  Ganghæfnina er ekki langt að sækja því Víkingur afi er með 10 fyrir tölt og ekki var Dimma amma svo ómöguleg heldur.  Móðirin, Rauðhatta er af gamla Nökkvakyninu hér undan Tígur gamla.

I used two year old son of Víking from Voðmúlasstöðum and Dimma from Miðfelli, Dáðadrengur, last summer for three mares and  I´m pretty happy with all his offspring.  All goes on beautiful tölt with good movements even though this pinto stands up.  He doesn´t have to seek the quality of gaits far away cause his grandfather, Víkingur  had 10 for tölt and Dimma wasn´t that bad horse either ;)  The mother Rauðhatta is from the old Nökkvi´s breeding line here, daughter of Tígur from Álfhólar.



09.08.2009 10:09

Gáska gleðigjafi



Eitt ráð er alveg óbrigðult til að koma tamningarfólkinu í gott skap eftir erfiðan dag, að bjóða því á bak góðu hrossi :)

Gáska happy maker!

One thing that never fails to get our employees into a good mood after a difficult day is to offer them to ride a good horse :)




Sko, hvað það virkaði vel :D

And look how it worked, pretty well :D



Litli folinn sem fylgir með er Keilissonurinn klaufalegi sem ég birti myndir af fyrr í sumar.  Það er ekkert klaufalegt við hann lengur, kattmjúkur töltari og hver veit nema að hann verði bara einhverntíman íslandsmeistari eins og einn af eigendunum!

The little foal is son of Keilir, who was very clumsy on his first day of live, is not clumsy anymore. He goes on this soft clear tölt and who knows if he will be in the future Master in something like his owner. Owners are Husafellshestar.

 



Það þarf nú engar þyngingar eða skeifur svo að hún Gáska mín lyfti uppí vinkilinn ;) ... hvað þá marga mánaða sérfræðiþjálfun. Og ekki liggur hún á taumunum blessunin, það má hún eiga.  Gáska hefur ekki verið í þjálfun síðan 2002.  Hún sónaðist fylfull við Kappa frá Kommu fyrir tveim vikum síðan og Sara Rut tamningarkona skellti sér berbakt á hana þegar hún fór í með hana út í hagann.
Ekki leiddist henni að ríða um á þess mýktar tölti og var erfitt að fá hana til að taka út úr merinni og sleppa.

Gáska doesn't need any shoes or boots to lift her legs nicely ;) ... or specific training for many months. And neither is she leaning hard on the rains!   Gáska is one of my favorite first price mares and she hasn't been in training since 2002.  We were just taking her home after a meeting with Kappi from Kommu for two weeks ago and Sara Rut our help trainer was just ferrying her to the wild horse field when we took those picture. She did not think it boring at all to ride this soft tölt and she almost didn´t want to release her to the field.  And notist, Sara Rut hasn´t any saddle and that does say something about Gáska trustful temperament!

02.08.2009 22:20

"I´m a Barby girl....."



Það er ekki sjálfgefið að góð meri sé endilega góð ræktunarhryssa eða að maður sé svo heppin að para hana saman við rétta hestinn. 

It is never for sure that a good mare is necessarily a good breeding horse or that you are so lucky that you bring her to the right stallion.

Þó svo maður sé fullur hroka og segi að litur skipti engu máli, bara gæði, finnst manni ekkert leiðinlegt að eiga svona ljóshærða barbídúkku í stóðinu hjá sér eins og þessa fjögurra vetra dóttur 
Móeiðar og Eldjárns frá Tjaldhólum.  Móeiður, móðir hennar er ennþá eftir því sem ég best veit hæst dæmda vindótta hryssa í heimi. Hvort sú litla kemur einhvern tíman til með að toppa mömmu sína er ómögulegt um að spá en hún er allavega léttstíg og jákvæð og gefur mér bara tilefni til að vera bjartsýn um framhaldið og góð fyrirheit að Móeiður sé ekki bara góður einstaklingur og falleg á litinn heldur komi einnig til með að skila eitthvað af sínum góðu eiginleikum til afkomenda sinna

Even though I´m cocky and say that colour doesn´t matter, only the quality, I cant help it that I´m really pleased to have such a blond baby doll in my heard like this 4 year old daughter of Móeiður and Eldjárn from Tjaldhólar. Móeiður her mother is still, with my best knowledge, the highest judged silver dapple mare in world.  Weather the daughter will ever step into her mother´s shoe is impossible to tell, but anyway she is amaching youngster, with good movements and positive character.  She gives me the hope that Móeiður is not only a good for her self and with a pretty colour, but also is giving some of her good rideability's and to her offspring's.




Ég var með snilldargest frá Hollandi, Rudy, um helgina sem var að prófa hesta og þiggja reiðkennslu.  Ég var alveg orðin raddlaus eftir að ausa úr viskubrunni mínum yfir kallinn í heila tvo daga þannig að ég setti hann bara á bak við nýju myndavélina hennar Hrefnu Maríu með ágætum árangri þó svo að eitthvað hafi gleymst að hafa inni á þessari mynd ;)

 
I had this good visitor from Netherlands, Rudy, over the weekend but he was trying horses and getting some more knowledge about riding and handling from us.  When I had become completely speechless after been informing him about all things for two days, I put him behind the new camera from Hrefna María with fine result even this picture is maby not 100% perfect ;)




Þetta fax er eiginlega allt of mikið fyrir minn smekk, tóm vandræði alltaf að flækjast í taumunum og undir hnakknum!   En sumir er  víst hrifnir af þessu. Fleiri myndir af Móey
hér

This mane is exeally too much for my taste, just making trouble when it goes around the rains and under the saddle!  But some do like it anyway ;)   More picture here



En Hollendingurinn fór ekki tómhentur heim eftir helgina hann pakkaði Zonju í tösku og hún fer út með næstu ferð til Liege ásamt þremur öðrum sem ég seldi til Þýskalands í vikunni.  Við frænkurnar vorum reyndar orðnar tvístígandi um hvort við ættum að selja hana undir lokin en það þýddi ekkert að snúa Rudy, Zonja var hesturinn hans og punktur!

But the man from Netherlands did not went home with emty hands after the weekend, he put Zonja into his suitcase and she leaves with next flight to Liege with three other horses I sold to Germany last week.   My and my cosine Hrefna were unsure in the end if we should keep Zonja cause she has such a nice character and movements, but it was not a chance to turn Rudy mind to another horse, Zonja was his horse and that was IT !!

30.07.2009 10:52

Folöld 2009



Fyrsta folald Ronju undan Fróða frá Staðartungu er eitt af mörgum sniðugum folöldum í ár.



Vildi bara að ég hefði átt góða myndavél þegar hann dansaði þarna fyrir mig, ekki einhverja sem tekur 1 mynd á sekúndu og ekki einu sinni í fókus :(   Það verður breyting á núna þar sem hún Hrefna María er búin að kaupa sér eina svaðalega flotta vél sem er nú kannski hægt að stelast í.

Sá bleikálótti hefði nú mátt fá eitthvað af litnum hennar mömmu sinnar, en engu að síður er ég mjög ánægð með hann, kattmjúkur og rúmur á öllum gangi og ég þarf ekkert að væla yfir fótaburðinum.

Fyrstu vikuna fannst mér hann mátulega fallegur en hann var orðinn mjög gerðarlegur og framfallegur þegar ég fór með Ronju undir hest í síðustu viku, en hún fór undir Auð frá Lundum.  Humm, já reyndar á ég hann nú ekki alveg sjálf því hann er fæddur í hlutafélagi þessi með þeim Húsafellsfélögum Sigga og Robba.




Móaló kalla ég einu hryssuna sem ég fékk undan Dimmi í sumar, en hún er undan Mónu gömlu. Nafnið skrítna fann ég upp þegar ég sá hana fyrst, hún var eins og lítil könguló og svo heitir mamman Móna svo þetta var auðvelt :D

Mér líkaði það vel sem ég sá í Fróðasyninum hennar Ronju að ég keyrði alla leið vestur á Snæfellsnes og hélt Mónu undir Fróða frá Staðartungu.  Hún er nú orðin gömul greyið en ég vona að ég nái einu í viðbót frá henni.   Dimmu keyrði ég líka undir Arð frá Brautarholti í vikunni sem leið til þess að búa til alsystkyni Dívu :)
  

21.07.2009 02:53

Að vera til


                                                                                                        mynd Valgerður Valmundsstóttir
Ekkert er eins gaman í hestamennskunni eins og njóta þess að vera á góðum hesti úti í náttúrunni :)   Sumarið er tími rekstratúranna.  Við erum búin að fara í 3 stutta hérna niður að Hólsá, þar eru hreint frábærar útreiðarleiðir, moldargötur og grasbakkar.   Svo væri auðvitað gaman að komast eitthvað til fjalla en spurning hvað það er gáfulegt þegar ca 70 % af hópnum sem er í þjálfun eru fjögurra og fimm vetra hross. Þá finnst manni dagsferðirnar vera hentugastar.


                                                                                                    
mynd Valgerður Valmundssdóttir

Dekurdollurnar tvær, Gjóska og Díva sáu alveg um að minna mann á tilgang þess að vera í hestamennsku ef ske skildi að maður hefði gleymt því.

Ég var svo ótrúlega heppin að fá hana Valgerði vinkonu í heimsókn með myndavélina og smella nokkrum myndum af okkur í túrnum síðasta laugardag.

16.07.2009 01:28

Folöld



Stundum fæ ég sendar myndir frá ánægðum ræktendum sem hafa haldið undir stóðhest hjá mér, þessi Dimmissonur er í eigu vinkonu minnar Maríu Dís og þau hafa skýrt hann Tígur í höfuðið á afa sínum.  Það vantar ekki töltið í þennan ef marka má þessa mynd :)

Sometimes I get pictures from a happy breeders who have a foals from my stallions.  This Dimmi´s son is owned by my girlfriend María Dís and he has got the name, Tígur like his grandfather. A natural tölter, prepare to this picture :)



Ninja móðir þess rauða er einnig frá Álfhólum og er sýnd með 7.80 í aðaleinkunn.

Ninja his mother is also from Alfholar and is showed with 7.80 overall scoure 



Þessa mynd fékk ég svo senda fyrr í sumar af fyrsta folaldinu sem fæðist undan Mánastein, en hann heitir Gýgur frá Melaleiti og er undan hálfsystur Ágústínusar.

This picture I got send erlier in summer of first offspring of Mánasteinn, his name is Gýgur from Melaleiti and is from half sister of Ágústíns from Melaleiti.

14.07.2009 13:59

Íkon frá Hákoti í girðingu

Íkoni frá Hákoti mun verða sleppt í girðingu hér á Álfhólum á næstu dögum.

Íkon er mjög vel ættaður stóðhestur í eigu Rósu Valdimarsdóttur (móðir Hrefnu og móðirsystir Söru) og jafnframt hennar reiðhestur og keppnishestur. Það sem prýðir þennan hest fyrir utan ættina er einstakt geðslag og botnlaust rými á takthreinu tölti. Til gamans má geta að Íkon er ósigraður Vetrarleikahestur Fáks! ;)


Photobucket

John Kristinn tengdasonur Rósu hefur staðið sig einnig vel í töltkeppni á Íkoni undan farið. 


Photobucket 


Hann sver sig vel í ætt föður síns Töfra frá Kjartansstöðum með mikla úrgeislun og hæfileika. Hálfbræður hans hafa líka verið að koma skemmtilega út Krákur, Kramsi, Kiljan og Óskar. Með Íkoni er hægt að ná í sömu blóðlínu fyrir miklu minna verð. Hann hefur mikla reiðhests eiginleika og sennilega eftir að gefa mikla töltara, geðgóða keppnishesta og reiðhesta.

Móðir Íkons er 1. verðlauna hryssan Bella frá Kirkjubæ. Hún stóð efst í 4. vetra flokki LM 1998. Hún hefur reynst vel sem ræktunarhryssa og gefið 3 fyrstu verðlauna afkvæmi. Albróðir Íkons, Sjón, hlaut 8,17 í aðaleinkunn.  

 

 

 Aðaleinkunn: 7,98    
 Sköpulag: 7,80  Kostir: 8,10

Höfuð: 7,0
   Smá augu   Holdugt höfuð  

Háls/herðar/bógar: 7,5
   Reistur   Þykkur   Fyllt kverk  

Bak og lend: 9,0
   Breitt bak   Djúp lend   Jöfn lend  

Samræmi: 8,0
   Sívalvaxið  

Fótagerð: 7,5

Réttleiki: 7,0
   Afturfætur: Vindur  
   Framfætur: Útskeifir   Fléttar  

Hófar: 8,5

Prúðleiki: 8,0

 
 Tölt: 9,0
   Rúmt   Taktgott   Há fótlyfta  

Brokk: 8,0
   Taktgott  

Skeið: 5,0

Stökk: 8,5
   Ferðmikið  

Vilji og geðslag: 9,0
   Ásækni   Þjálni  

Fegurð í reið: 8,5
   Mikið fas   Mikill fótaburður  

Fet: 7,0
   Skrefstutt  

Hægt tölt: 8,0

Hægt stökk: 8,0

 

Verð á Folatolli er 40.000 kr (með girðingagjaldi og sónar) + Vsk.

Endilega hafið samband við okkur ef þið hafið áhuga á að koma með hryssu.



 

07.07.2009 01:31

FM 2009



Jæja, nú er lífið að komið í sinn vanagang eftir stuttan skreppitúr á Fjórðungsmót á Kaldarmelum.   Þar fengum við Díva tækifæri til að keppa við bestu töltara landsins sem gekk bara nokkuð vel.   Ég var svo hógvær að setja mér aðeins það markmið að komast í B-úrslit, því þetta var jú fyrsta stórmótið hennar og hryssn varla búin að slíta barnsskónum. Markmiðinu var náð og við enduðum í níunda sæti með einkuninna 7.20 í forkeppni.  Humm, næst setur maður markið enn hærra!

Það hafa verið haldnir miklir fundir um framtíð Dívu, því hún er jú hlutafélagseign.  Einn hluthafinn fékk nefnilega þá grillu í höfuðið að hann væri alveg að fara að deyja, stálsleginn maðurinn og hann yrði að drífa sig og fá folald svo ræktunin gæti hafist.  En síðasti fundurinn var haldinn á Kaldármelum og þar var sæst á að vera með Dívuna í keppni eitt ár enn og sýna hana aftur í kynbótadóm næsta vor. Sjá fleiri myndir teknar af vinkonu minni Valgerði Valmundsstóttur á Hrauni í albúmi hér 

Ég dvaldi í góðu yfirlæti hjá pabba, Ástþóri og konunni hans, Kötu í Dal og Dívan fékk spónalagaða svítu hjá Gunnari í Hrísdal og kann ég þeim hinar bestu þakkir fyrir mig.



Folöldin hafa fæðst heldur seint hjá mér þetta árið, hryssurnar fóru ekki að kasta af alvöru fyrr en eftir 10 júní.  Mig vantar góða uppskrift af því hvernig á að framleiða merfolöld, því ca 85% af fæddum folöldum eru hestar :(

Hvort að ónefndur móbrúnn Dimmisson fetar einhvern tíman í fótspor frænku sinnar Dívu get ég ekki sagt til um en sportlegur og léttur er hann og hefði alveg mátt vera hryssa.  Ég segi meir frá folöldum síðar.

29.06.2009 00:29

Lúffi frá Leiru




Ástarfundur Móeiðar og Fróða frá Staðartungu bar ekki árangur og ekki um annað að ræða en að finna annan gæðing staðsettan á Suðurlandi, því ekki hef ég það gaman af akstri að ég nenni að elta Fróða norður í land!

Spútnik græjan Kjerúlf frá Kollaleiru varð því fyrir valinu og skellti ég hér inn myndbandi af kappanum sem er frá því á Hafnafjarðasýningunni í fyrravor, þar sem hann er aðeins fimm vetra gamall. Því miður komst hann aldrei á Landsmót (slasaðist) og fékk þ.a.l  ekki þá athygli sem hann á verðskuldaða.  Kjerúlf býr líka yfir töluverðu skeiði þrátt fyrir að á þessu myndbandi sýnist hann klárhestur. Fékk 7 fyrir skeið í vor og þótti sumum nískulega gefið.  Sá það ekki sjálf og get ekki dæmt um það, en ég hef séð hann flugskeiða á vikt þannig að ég get allavega vottað það, að hann sé vel vakur.

Ekki spillir fyrir að Kjerúlf er stórættaður, undan Orrasyninum Takt frá Tjarnarlandi sem er margverðlaunaður gæðingur, en móðurættin af honum er kannski eitthvað sem ég er hrifnari af.
Fluga frá Kollaleiru móðir hans var stórgæðingur með 8,73 fyrir hæfileika.   Fluga var skyldleikaræktuð undan ofurtöltaranum Laufa frá Kollaleiru og mömmu Laufa, Stjörnu frá Hafursá.  Stjarna var svo undan Nökkvasyninum Kvisti frá Hesti.  Nökkvi er rauði þráðurinn í ræktunni hér á Álfhólum og gaman að geta nálgast það blóð annarstaðar frá líka.



                                                                                                                 Mynd. Axel Jón Birgisson

Laufa heitinn frá Kollaleiru þekkja allir sem eru eldri en tvævetur og fyrir mér var töltið í Laufa skólabókadæmi um alvöru tölt.  Dillimjúkt með samræmi milli fram og aftur.

Því miður varð Fluga ekki mikið eldri en 10 vetra, fórst á svipuðum tíma og önnur mjög góð  Laufadóttir sem Hansi átti, Þota.  Fluga og Þota voru slysafolöld sem urðu til þegar Laufi var aðeins veturgamall og hans einu afkvæmi sem skráð eru í Worldfeng, og miðað við getuna hjá þessum tveimur hryssum, þá hefði alveg mátt leita uppi hundinn sem át eistun hans Laufa!

Fyrir þá sem hafa áhuga þá er Kjerúlf staðsettur í Sandhólaferju.

28.06.2009 13:14

Hnakkar til sölu - Saddles for sale


2 year old Hrímnir Saddle for sale. Very good condition, not a scratch on him, just like a new one.



The seat is comfortable with good support and is designed to allow a greater balance when riding.

 

You sit comfortably in the saddle, while the unique Dupont® saddletree distributes your weight evenly over the horse's back. Your increased balance when riding also promotes a better weight distribution.

 

The Bayflex® padding in the seat is comfortable and retains its shape. The knee pads are extremely soft and well positioned.

 

The stirrup bars are recessed under the tree to avoid uncomfortable bulging and positioned so you'll sit correctly and balanced in the saddle. 

More info about Hrimnir Saddle
www.hnakkar.is 

Good price for a very good saddle. Photos of the saddle available so you can see that he looks like a new one.  

Sara uses this type of saddle as you can see on all the photos in older news
.




Mjög vel með farinn tveggja ára hnakkkur. Ekki rispa að sjá á honum og lítur út eins og nýr.

Sætið er þægilegt og ágætlega rúmt. Lögun þess veitir þér gott jafnvægi.

 

Á meðan þú lætur fara vel um þig í hnakknum , dreifir hið einstaka Dupont® hnakkvirki þyngd þinni jafnt yfir bak hestsins. Aukið jafnvægi þitt stuðlar einnig að betri þyngdardreifingu fyrir hestinn.

 

Bayflex® - bólstrun í sæti er þægileg og og sætið heldur vel lögun sinni. Hnépúðar eru rétt og vandlega staðsettir og einstaklega mjúkir.

 

Ístaðsólaupphengjum er haglega komið fyrir undir virkinu til að fyrirbyggja nudd. Staðsetning þeirra stuðlar að réttri ásetu og þar með betra jafnvægi.

 

Hrimnir Legacy skapar fullkomið jafnvægi milli knapa og hests, en jafnvægi er lykilatriði í samspili manns og hests.

Gott verð á góðum hnakk. Sara ríður í sömu tegund eins og sést á myndum í eldri fréttum.



____________________________________________________________



Ástund Royal +  For sale.
Three year old saddle. Very good condition has not been used much because the owner gave up riding 2 and a half year ago. Maybe used for 30-40 times.






Ástund Royal is one of the two new models developed by the Ástund designers. A close-contact saddle for training and competition as well as for leisure and long distance riding.

Ástund Royal is built on a new light-weighted spring tree with considerable flexibility and made of the same material as all the Ástund saddles. It is designed to give a closer feel between the horse and rider. New knee rolls give the rider a good support to the lower part of the thigh and more variety of control to the horse´s sides. These knee rolls will guarantee the rider the best riding position. The knee pads are rather big.

The new PLUS version is with a flaired panel laced in at the rear of the saddle. Therefore the saddle is shorter by approxemently 1" on the horse´s back and makes it easier for the horse to collect. This is better for horses with short back but still the saddle has greater bearing surface sideways. The PLUS version absorbs shock better, it is more supple and has greater bearing surface, which makes the saddle even more horse-friendly
 
This saddel has three long girth straps. (Best to have that).

More info about Astund quality saddles www.astund.is

Good price for a "new" saddle.



Ástund Royal + til sölu. Þriggja ára, mjög vel með farin nánast ekkert notaður, því eigandinn hætti í hestum strax eftir að hann var keyptur. Notaður 30-40 sinnum.


Frábær Ástunar hnakkur. Plús þýðir púðar undir en ekki spaðar, nánast allir hnakkar í dag er með púðum. Royal er með stórum utaná liggjandi hnépúðum. Djúpt sæti.


More Info:
[email protected], [email protected]    Phone; Hrefna 00354-8611218   



25.06.2009 20:47

Í nýjum heimi



Gáska eignaðist sitt níunda skjótta afkvæmi nú á dögunum.  Það er bleikskjóttur hestur undan Keili sem er í eigu Húsafellsfélaga, Róberts Veigars og Sigurðar T. Íslandsmeistara í stangastökki.





Það verður nú einhver bið eftir því að verða Íslandsmeistari í einhverju eins og eigandinn, ef miða á við misheppnaðar tilraunir folans unga við að klöngrast á lappir!



Áts..ekki alveg að meika það en....



....en allt hefst nú að lokum :)

Það er hálfgerð ráðgáta hvers vegna ég fæ bara skjótt undan Gásku því að hún er undan svartri hryssu en óneitanlega er afar skemmtilegt finna hana alltaf með eitthvað litfagurt sér við hlið, sama undir hvaða hest maður heldur.
(Svo reynir maður að halda fram að litir skipti engu máli ;)

Gáska fékk að heimsækja Kappa frá Kommu þetta árið, fyrsta skipti sem ég held henni undir klárhest, og spennandi að sjá hvaða "sportari" kemur út úr því.
 


Af öðrum afkvæmum Gásku er það að frétta að Gjóska var sýnd í vor og fór í 7,83 í aðaleinkunn, en hún er klárhryssa eins og flest Gáskuafkvæmin.  Það að hún fór ekki hærra í sinni fyrstu ferð á brautina, gerir mig löglega afsakaða með að leika mér á henni eitt ár enn, gera atlögu að áttunni næsta vor og spreyta mig jafnvel með hana í fjórgang seinna í sumar.



Yngri systirin Gæska Tígursdóttir fór í fínan byggingadóm 8.11 en reiðdómur bíður betri tíma.  Gáski, Gjóska og Gæska hafa öll fengið 9 fyrir fótagerð enda með sterkar fætur eins og mamman þó hún hafi bara fengið 8,5.  Og fjögur öll hafa fengið 8 fyrir frampart þó að mamman hafi bara 7,5 ;) 



Hún Gæska fékk ekkert nafnið sitt fyrir neina tilviljun.  Hún tók upp hjá sjálfri sér að gera sér dælt við manninn þrátt fyrir að vera algerlega óbandvön. (Jonni og Gæska knúsast í "denn")

Ég fékk einu sinni heimsókn í mýrina frá konu sem telur sig sjá meira heldur en við venjulega fólkið og þegar hún sá þessa hryssu tveggja vetra í haganum, sagði hún að Álfabörnin úr Álfhólunum væru alltaf á baki þessari.   Hummm, ekki lagði ég stóran trúnað á þetta fyrr en að tamningu kom, þá kom í ljós að hún teymdist bara ágætlega þrátt fyrir að hafa aldrei verið gerð bandvön og henni var riðið út í reiðtúr annan daginn sem það kom hnakkur á bakið á henni!  Ég skal alveg viðurkenna það, að þá leiddi ég hugann að Álfasögukonunni góðu.

Og smá viðbót, Gæska sú rauðskjótta er örugglega eitt af fáum hrossum af yngri kynslóðinni sem getur engan veginn rekið ættir sínar til Sauðárkróks, Flugumýrar-Ófeigs eða Hrafns frá Holtsmúla.  Sú móskjótta er líka frekar gamaldags kynjuð en þar má finna Ófeig í gegnum Hrannar föður hennar, en engan Hrafn eða Sauðárkrók.

Eldra efni

Flettingar í dag: 254
Gestir í dag: 16
Flettingar í gær: 601
Gestir í gær: 37
Samtals flettingar: 1065281
Samtals gestir: 64793
Tölur uppfærðar: 14.4.2024 10:19:17

ÁLFHÓLAR | SARA ÁSTÞÓRSDÓTTIR | 861 HVOLSVÖLLUR - ÍSLAND | Tel: (+354) 898 8048 | [email protected]