18.09.2009 22:23

"Og hann er bara 9 vetra!"



Það má finna mörg flott video á Youtube, og ótúlegt nokk það eru til önnur hestakyn sem fanga athygli manns heldur en Íslenski hesturinn.

Eins og þessi svartsokkótti stóðhestur sem keppir hér í Dressúr og er líklega einn allra flottasti dressúrhestur sem maður hefur séð.  Hesturinn svo fjaðrandi hágengur og mjúkur og framkvæmir æfingarnar svo átakalaust.  Knapinn fylgir hverri hreyfingu fullkomlega, gegnum mjúkur, heildamyndin frábær og það er heilmikið frelsi í öllum aganum.

En það sem er kannski athyglisverðast er að þessi ungi stóðhestur er "bara" 9 vetra!   Þetta er kannski eitthvað sem við getum haft í huga þegar okkur finnst keppnishestarnir vera orðnir úreldir 9- 10 vetra, að úti í dressúrheiminum eru þeir kannski rétt að byrja sinn feril!  
Flettingar í dag: 839
Gestir í dag: 114
Flettingar í gær: 945
Gestir í gær: 123
Samtals flettingar: 4443670
Samtals gestir: 728133
Tölur uppfærðar: 17.8.2018 15:51:21

ÁLFHÓLAR | SARA ÁSTÞÓRSDÓTTIR | 861 HVOLSVÖLLUR - ÍSLAND | Tel: (+354) 898 8048 | ALFHOLAR@ALFHOLAR.IS